آريـا - راح تخلصين لا تخافين ماله داعي لهل حجي كُله
يارا - ياربي يوم عييد عندي كافي عايشين علينا وعلى اخوانكِ
اسمع الكلام و عيوني مدمعه ابلع ريكي استجمع نفسي عفتها صعدت لميت غراضي من الغرفه اتتفس بصعوبه مقهوره
طلعت صرت كدام مرايه بالممر
ضحكت بقهر اهمس :- ها يابنت السعد هيج تاليتج مو
هزيت راسي احاول اتقبل الموضوع نزلت بسرعه من الدرج صارت كدامي يارا كاعده بالمطبخ ايدها على راسها صفنت على غراضي ونزلت راسها تصيح
- اطلعي برا بيتي ماريد اشوفكِ بعد
انهضمت اعض شفتي اسكت نفسي حتى ماحجي
- لتنسين بيوم من الايام جنت فضل جبير الج
يارا - براااا داقولج اطلعي برا بيتي بسرعه
فتحت باب المطبخ طلعت للطارمه عيني على الممر متردده اروح لو لا .. فزيت على عيطتها تدفع بيه للشارع
- امشي برا يلا بلكي ياكلوكِ الكلاب
دفعتني بقوه لدرجة طحت بالكاع صافنه عليها شون تشمر غراضي طبكت الباب بوجهي بقوة عايفتني .. ايدي صارت تحركني انشخطت
ياربي ايدي انجرحت و گلبي انجرح كُلشي انجرح بيه لشوكت ابقى عايشه بهل عيشه سهلها يربي انشمرت بالشارع محد الي سند
رفعت راسي لفوك امنع دموعي تنزل .. حسيت بشخص يشيل غراضي ويرفعني من الكاع
صفنت عليه عيوني مدمعه اهمس :- ابو عضله ؟
- اخذج يمي ويخسي اكبر شارب يگرب يمج
دفعت ايده ابجي احجي بحركه بوسط شهكاتي
آريـا - انت جنت تخنكها مو
- لأ آريـا مو اني
آريـا - بس اني ..
تقرب عليه مركز عيونه بعيوني لازمني حيل من ايدي
- جان شفتي أثارها للضربه عليه
آريـا - ايدي اذيتني
انتبه على نفسه ابتعد يفرك وجهه يرفع شعره لفوك .. اباوع عليه مدمعه مبرطمه اكتم شهكاتي :- لتبجين كافي
شهكت احجي بقهر :- اريد اخواتي
- اني اخذج الهن تعالي
آريـا - ديغم اكيد مايدري خل احجي وياه
YOU ARE READING
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
بارت 41
Start from the beginning
