ကားဆရာထွက်သွားသည်ကိုအတည်ပြုရန်မိမိသည်လှည့်ကြည့်လိုက်သည်။ထို့နောက်မိမိသည်သူခိုးတစ်ယောက်လိုပြုမူလိုက်ပြီး ခါးကိုင်းလိုက်သည်။မီဖန်အားဖမ်းရန်အလို့ငှာမိမိသည်ခြေလှမ်းကြီးကြီးလျှောက်ခဲ့ရသည်။မိမိသည်ကားဆရာနှင့်စကားစမြည်ပြောခဲ့သောကြောင့် မိမိတို့အကွာအဝေးမှာအတော်လေးလှမ်းနေလေပြီပင်။
သူမကငါ့ကိုမှတ်မိနေမလား။ပြောရရင် ကော်ဖီဆိုင်မှာတုန်းကငါတို့တွေအချင်းချင်းတစ်ခါတွေ့ဖူးတယ်လေ။
အိုင်းး....ငါထင်တာမဟုတ်ပါစေနဲ့။အဲ့နေ့ကပတ်ပတ်လည်မှာလူတွေအများကြီးရှိနေတာပဲလေ။သူမကငါ့လိုမထင်မရှားပုံရိပ်လေးကိုဘာလို့မှတ်မိနေပါ့မလဲ။ထပ်ပြောရရင် ငါတို့ကအမှန်တစ်ကယ်မိတ်ဆက်ခဲ့ကြတာမဟုတ်ဘူးလေ။ငါကသူမအတွက်တော့မသိခဲ့ဖူးတဲ့လူတစ်ယောက်သာသာပဲလေ။
သူမကငါ့ကိုမမှတ်မိနိုင်ချေများနေမှတော့ ဘာကြောက်စရာရှိလို့လဲ။မရိုးမသားပြုမူလွန်းနေတာကမှ ကိုယ့်အပေါ်ကိုပိုသံသယဖြစ်ရာကောင်းနေမှာလေ။ထို့ကြောင့်မိမိသည်နောက်ကျောအားဖြောင့်ဖြောင့်ထားကာ မီဖန်ထံယုံကြည်မှုရှိရှိလျှောက်သွားခဲ့သည်။မိမိတို့သည်ဘေးချင်ယှဉ်ရပ်ကာဓာတ်လှေကားအားအတူတကွစောင့်ခဲ့ကြသည်။
မကြာခင်မှာပင် ဓာတ်လှေကားရောက်လာခဲ့ကာ မိမိသည်သူမအားအရင်ဝင်ရန်တမင်လက်ဟန်ပြလိုက်သည်။မီဖန်သည်၂၇ထပ်ခလုတ်အားနှိပ်လိုက်၍ မိမိသည်၂၆ထပ်အားနှိပ်လိုက်သည်။ထို့နောက်မိမိသည်ဓာတ်လှေကား၏ထောင့်၌ရပ်ရင်း သူမအားတိတ်တိတ်လေးစူးစမ်းနေခဲ့သည်။
ဟင်း...သူမကတစ်ကယ်ကိုကျက်သရေရှိပြီး ဆွဲဆောင်မှုရှိတဲ့အရှိန်အဝါရှိနေတာပဲ။သူမကယောင်္ကျားသားအများစုလိုချင်ကြတဲ့စိတ်ကူးထားတဲ့ပုံစံမျိုးလိုပဲ - ဗဟုသုတပြည့်စုံတယ်၊ဆွဲဆောင်မှုရှိတယ်၊အမှီအခိုကင်းပြီးနှစ်လိုဖွယ်ကောင်းတယ်။
ဒါပေမယ့်ဒီအပြင်ပိုင်းအောက်မှာတော့ သူမမှာအသိတရားကင်းမဲ့ပြီးမည်းနက်နေတဲ့နှလုံးသားရှိနေခဲ့တယ်။ဘယ်သူကထင်ထားမှာလဲနော်။
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်
HorrorEP-153 Author - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချ...
Ch-68
Start from the beginning
