တစ်ကယ်တော့ ရှန်ရှောက်နျူကသူ့ရဲ့မှီခိုရာဖြစ်နိုင်တာပဲလေ ဟုတ်တယ်မလား။ပြောရရင် သူမကသူ့ကိုငါးသောင်းချေးခဲ့တယ်လေ။
"မင်းကဘာလို့ဒီကိုလာတာလဲ"
လုကျိန့်ရန်သည်ရှန်ရှောက်နျူအားကြည့်ကာ မိမိကိုတော့စကားတစ်ခွန်းမှမပြောပဲဖြတ်ကနဲသာကြည့်ခဲ့လေသည်။ထိုသည်မှာသူသည်မိမိအားမေ့လျော့သွားခဲ့ပုံရသည်။ဘာလဲဟ။ငါ့ရဲ့တည်ရှိမှုအဆင့်အတန်းကအရမ်းနိမ့်ပါးသွားတာလား။
"မင်းငါ့ကိုမှတ်မိသေးလား။နောက်ဆုံးအခေါက် မင်းကော်ဖီဆိုင်မှာအရူးထနေတုန်းက ငါလည်းရှိနေတယ်လေ"
မိမိ၏အခွင့်အရေးသည်အပုံတစ်သောင်းပုံတစ်ပုံရှိမယ်ဆိုရင်တောင် မိမိမှာသိချင်နေဆဲပင်။
မိမိ၏စကားများအားကြားသည်နှင့် လုကျိန့်ရန်သည်သူ၏ဘေးပတ်ဝန်းကျင်အားစိုးရိမ်တကြီးကြည့်လိုက်သည်။သူသည်မိမိပြောလိုက်သည်ကိုလူများကြားသွားမည်အားထိတ်လန့်နေခဲ့သည်။ပြောရလျှင် သူသည်လည်းသူလုပ်ခဲ့သည်မှာဘာတစ်ခုမှဂုဏ်ယူစရာကောင်းမနေခဲ့မှန်းကိုသိလေသည်။
ခေတ္တအကြာ၌သူသည်ပြန်ဖြေလာခဲ့သည်။
"ခင်ဗျားကဘယ်သူလဲ"
"အာ..မင်းငါ့ကိုတစ်ကယ်ကြီးမမှတ်မိဘူးလား။ငါမင်းရဲ့အခြေအနေကိုကြားခဲ့ရပြီး မင်းကိုကူညီပေးချင်လို့ပါ။မင်းအလုပ်ကဘယ်အချိန်ပြီးမှာလဲ။မင်းပြီးတဲ့အထိငါစောင့်နေပေးမယ်လေ။ပြီးရင်ငါတို့တွေပိုတိကျတဲ့အသေးစိတ်တွေပြောနိုင်ပြီ"
မိမိသည်စားသုံးသူအတွက်ထိုင်ခုံတစ်ခုပေါ်တွင်ထိုင်ချလိုက်သည်။
"အမ်...ငါကကျူရှင်သွားရဦးမှာ။အဲ့တော့ငါနေလို့မရတော့ဘူး။ဒီနေ့ကသူမကိုဒီနေရာဆီပို့ပေးဖို့ပဲငါလာခဲ့တာ"
ရှန်ရှောက်နျူသည်ပြောလိုက်ပြီးနောက် သူမ၏ကျောပိုးအိတ်အားပိုက်ကာအလျင်စလိုထွက်သွားတော့သည်။
"ခင်ဗျားကျွန်တော့်ကိုကူညီချင်အောင်ဘာကလုပ်ခဲ့တာလဲဆိုတာကိုသိလား"
"ငါတစ်ကယ်ကိုဘာတစ်ခုမှမသိပါဘူး။ဒါပေမယ့်ငါယုံကြည်တဲ့လူကမင်းကိုကူညီချင်နေတယ်လေ။အဲ့တော့ငါလည်းမင်းကိုကူညီဖို့အတွက်ဆုံးဖြတ်ချက်ချခဲ့တာပဲ"
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်
HorrorEP-153 Author - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချ...
Ch-65
Start from the beginning