نسل السلطان

part 36

Writer: حِوار آل سُليمان

تصويت جَميلاتي + مُتابعه حسابي + كومنت ؟

وَ لوُ أحَاطُونا بِـ مَسكن لأختَرّنا كُل المَساكِن أعيُنها ..

       ___________________________

إعلان: توني اعرف الدَنيا غمه .. مِن أبوي تراب طمه

يسُر: يبووووووووووووووووو تراب الطمك عساه بالمي ويصير طيانه ياعمي

اختنگت من الضحك على الستوري وعود هذا عمو احمد بعده ما ميت وهچي إعلان لاعب بيه جوله ..

شويه وأجاني اشعار "نشر إعلان قُصه" استغفرت ربي وفتت بحماس لگيته ناشر رد عمو احمد على الستوري ..

تحمست يفتح حتى اسمع وطلع ڤيديو تسجيل للشاشه وبيه ڤويس عمو احمد .. شويه وفتح وأجاني صوت أحمد يهرج ..

أحمد: من انععععلللل ابوكككك لابو يسُر لابو الخلفكمممممم اخوي مادري الله بيا گاع ذابه وانتم تتمضحكون ولد النعل وهاي إعلان عود انا ابوك أمده الابوه وامده حظك ولك نايم ببيتي وتلطم عليه وانا عايش من انعل هيچ خلفه وامده الزلم يا چلاب يا حواوين

ومكتوب جوه الستوري "آسفين يابه هذا حادث عبالي ميت ومن قهرتي وقهرت ابن أخوك"

ضحكت من كل گلبي وعمو احمد يغلط بالڤويس ومتعصب كل قوته ..

عاط مُهاب ذبيت التليفون ورحتله لگيت الممه واگعه من حلگه رجعتها لمكانها وهو فتح عيَونه الزرگ باوعلي وضحك رفع أيده ويناغي ..

گزگزت عليه شلته من مكانه ودگ بوس صار احمر وگزگزت عليه بالزايد ورجعتله دگ بوس لحد ما هو گام يبچي بدلتله ورجعت سويتله ممه ثانيه ورجعت لمكانه ونام وهو يرضع ..

رحت لملاكي الثانيه نايَمه بهدوء واكتشفت من يومها آتينا هادئه كُلش ..

سمعت هورن صيهَد فتحت البرده اباوعله من الشُباك نزل من السيارة وهو كاشخ بالاسود وبأيده باكورته واسواره يلمع من بعيد ..

فخم لدرجة احس روحي مرعبله إذا يبدل ويجي يوگف يمي وانا بملابس البيت ..

سديت البردة من فات للبيت وگعدت انتظره بغرفة أطفالي ..

اسمع صوته يحجي ويه أمه وأيريم سلمت عليه وصوت خطواته تقترب لباب الغرفه ، رغم صار عدنا اطفال بس لحد الان رجفة گلبي ما تفارقني من اسمعه يجي ..

فتح الباب وعطره سبقه ، دخل برزانه وابتسامته ما فارقت ثغره بإيده حاسبه ومشكل بيها فلاش،  تقرب مني رحت حاوطت رقبته بأديه وهو حاوط خُصري بأيده الفارغه ..

صيهد: متحمس حُلوي اليوم ؟

_المن ؟

_نكمل شغلنا چا اكو واحد يعوف شغله على النص ؟؟