نسل السلطان

part 31

Writer: حِوار آل سُليمان

تصويت لُطفاً + مُتابعه لحسابي حُلواتي .

وعَيناكِ ما أدراك مَا عَيناكِ،
مُدن من الألوان والافلاكْ..

     ______________________________

دمعت عيوني واحس جسمي كله رجف ..
بقيت اباوعله واحس لساني نربط ..

تقرب عليه أكثر وحضني كُل قوته متناسي أنوا انا يمكن اكون متوجعه ، صرت اسمع شهگاته وصوت نحيبه الرجولي الخشن ..

حسيت رجليه نفصلت عن جسمي وروحي بدت تطلع مداعرف شديصير بيه ..

بعدته عني بهدوء وانا اشهگ وحچيت بصوت مُتقطع ،مبحَوح ..

_وينه أبني ؟

رجع عليه يبوس بأيدي ويمسح بوجهه وبعض بقايا الدموع ..

_نسُل لو افني عُمري كله ما اجازيچ ..

_فدوه گُلي بيه شي ؟؟ .. گلبي حيوگف والعباس

_ليش ما طرحتي من الاول

سمعت كلامه وحسيت شي ضربني على راسي گمت ما افرزن شي گدامي .. همست وعيوني كلها دموع ..

"كله من وره ضَي"

سمع كلامي وضحك وفرك وجهه بقيت صافنه عليه شبيه هذا شلون گلبه انطاه يضحك بهچي وضع ..

رجعت كملت كلامي بنفس النبره ..

_ما طرحت لان عندي أيمان قوي برب العالمين يقلب كلشي بلمح البصر ويستجيب للـ يطلب منه بخشوع ونية صافيه ..

باوعلي بنضره مطوله بدون لينطق أي حرف .. درت عيوني منه للجهة الثانيه ورجعت أبچي

أيده اشتبكت ويه أيدي وفتح تليفونه مدري شسوه بيه وسده و وره دقيقه بالضبط فاتت المُمرضه شايله طفل ..

نهضت جسمي بفزع اريد اشوف ابني اريد اشوف استجابة ربي العالمين ..

لزمني بسرعه رجعني لمكاني وتقربت الممرضه وهيَ تحچي بهدوء وابتسامه ..

_الحمدلله على سلامتچ يحُلوه .. هذا أبنچ ما سألتي عليه ؟

بقيت اباوعلها وروحي بدت تطلع وحراراتي صعدت باوعت للصيهد گام اخذه منها وهيَ طلعت وعافتنا ..

تقرب خلاه بحضني وانا مغمضه عيوني بخوف .. سمعت صوته يهمس ..

_أيمانچ قوي كلش .. اهنيچ على قربچ من ربچ

فتحت عيوني وانا اتلمس بشره طَفلي ..

نصدمت وقشعر جسمي من شفته طفل بغَايه الجمال .. بشرته البيضه الناعمه وشعره الخفيف ورموش كثيفه ..

حضنته لصدري واجهشت بالبُكاء وكل مشاعر الشُكر تجمعت بصدري .. رجعت اتلمس بيه وعيوني أكلته اكل وروحي تضحك بكل مره اشوفه زين وكلشي ما بيه ..