Writer: حِوار آل سُليمان
تصويت يحلوين + كومنت لطيف
وإذا التقت عَين الخَليل خَليِلها ،
وسَط الحُشود فَليس للنطقُ ثمَنً !
تكفي تعَابيرُ الوجوهُ كإنهَا ..
أنهَار شوقٍُ فاضَ مِن كُثرُ الشجَن !
◇.◇.◇.◇.◇.◇.◇.◇.◇.◇.◇.◇
هزيت راسي بيأس ورجعت ام صيهد تقنع بيها ولأن البنيه تصير سكرتيرة آسُر المره ما أستغربت ألحاحنا بالموضوع لكن جانت رافضه رفض قطعي ومنين ما نطلعلها ترد ب"اختاريتوا الشخص الغلط"
كلبي لعب منهم بس شنسوي وآسُر مُصر تكون سبايا زوجتهَ والغريب حتى ما اجتِ حتى نشوفها !
أيسنا على الاخُر وطلعنا من بعد ما ودعناهم وأم مهزيار تتعذر من عدنه لأن رفضت طلبنا..
اول ما طلعنا قابلنا آسُر بوجه فرحان منتظر الخبر يلي راح يسمعه هل راح يكمل فرحته لو يطفيها؟
اجه علينا يركض وصيهد وأبسم بقوا كاعدين بالسيارة يباوعون علينا ..
آسُر: ها يممه بشري شكالوا ؟ شفتيها حلوه؟
باوعتله ام صيهد وعلامات اليأس معتليه وجهه وهمست "رفضوا"
بقيت اترقب ملامح آسُر من فرحانه إلى أن لانت وصار مكتسيها الحُزن ..
باوع عليه وعلى أيريم كأن ديحاول يصدك الموضوع وحجه ..
_صدك رفضوا؟
نسُل: أي والله يكولون اختاريتوا الشخص الغلط !
بقى يباوعلنا فترة وخاله سحبته من ايده ومشينا بيه للسيارة وهو صار يسحل بروحه سحَل ..
صعد يسوق وصيهد بصفه وانا وخاله وأيريم وابسم وره كعدنا ،شغل السيارة بدون أي كلمه وأبسم حجه بمرح ..
_ها يمه بشري شوكت الخطوبه متحمس بويه عرس اخويه هيله وطش بالولاية
أم صيهد: ماكو نصيب يمه
اندار صيهد يباوع بأستغراب وسأل وهو عينه على آسُر ..
صيهد: شنو ماكو نصيب يمه ؟ البنيه نعرفها من زمان والاعرفه راضيه هيَ !
آسُر: شنو عبالك اعديها؟ لا سهله
ام صيهد: آسُر لا تتخبل وابقى صاحي يمه اذا انا لا اعرفها لا اصخمها وانتَ و اخوك مكملين الموضوع وانا رحت على عمه عيوني وأهلها مدري شنو من اهل ساعتين ندك بالباب وتالي يفتحونه ونوب يطلعولي اختاريتوا شخص غلط شني السالفه هايَ حتى ما طلعت البنيه وشفناها !
ساكت آسُر بس يهز براسه وصيهد عيونه تترقب الطريق وتترقب آسُر واحنه التزمنه الصُمت أول مره أشوف آسُر بهالحاله غضب مدري قهر مدري شنو بس حالته غريبببه..
YOU ARE READING
نسل السلطان
General Fictionنسَل ليسَ كَسائِر الانسَال ! طُغيان ليسَ لهُ مُلان جَبروت يغطَي عالماً رِجال يُنادون برَجل واحِد ! لا يُلهَيهُم رحَمان ولا تُغريهُم أمّوال لا يحَملون سَواءّ السُلطان كأن سلاطِين العَالم تجَمعوا بهِ ليتسَلط عَليهُم يحَملون أقصَى الجُنون لينث...
