Writer: حِوار آل سُليمان
تصويت يحَلوين + مُتابعه لحسابي فراشاتي ..
عِندما وجدتُك فقدتُ نفسِي ،
وعِندما وجَدتُ نفسِي فقدتُكِ ._______________________________
بقت عيوني تترقبه وهوَ يگوم يرجع الجَهاز لمكانه ..
لبس قميصه الاسود ورتب خُصلات شعره الفحميَه ولبس ساعته وسواره ..
استوقفته بصوتي المُرتجف ...
_شنو قصدك بكلامك ؟
_تعرفين بعدين
_صيهد شبيك انا منين ما ادير وجهي تهديد والله مليت جنت ببيت وسام كل يوم تهديد بطريقه شكل وهسه انتَ شنو ما عدكم بس انا تهددون بيه !!
باوعلي بنضره ما عرفت افسرها وهز راسه يريد يطلع وصحت وراه ..
_اريد ارجع للشغل
_ياعلي ما تملين من النگ أنتِ
_يا نگ شبيك اريد ارجع لشغلي شنو السالفة
_نسل ما محتاجه شغل أنتِ !
_محتاجه
_اكو شي بنفسچ ما واصلچ؟
_ماريد ابقى كاعده بالبيت
_خوش افرشي فراش بره وگعدي فتحي بسطيه
_وابيع بيها بساطيلك
_شتسوين بالشغل يا بويه تره عندچ توأم ومسؤوليتهم چبيره حيري بيهم افضل
_والسيارة لعد تبقى بره !!
_لا ليش هسه اطلع المغسله من الحمام ونفوتها بيه
_ياربيييي مو هذا قصدي يعني تبقى بدون لا اطلع بيها !
_لا ليش اطلعي بس مو لأي مكان ولا وحدچ ولا لشغلچ
_قصدك ابطل؟
_هذا افضل حل هسه يروحي بس لزمي دودتچ هالفتره
_لعد شلون طلعتوا يسُر من السجن
باوعلي فاتح عيونه خله أيده على راسه وطلع وهو يحچي "ماتحمل السوادين يابو فاضل"
غميت الباب وگمت عزلت الغرفه ورحت شفت توأمي ..
غيرت ملابسهم وعطرتهم بعطر أطفال ناعِم وصبغت اضافر آتينا أحمر وهيَ بيضه طلعت تجنننن ..
لبستها احمر ورجعتها بفراشها ورضعت مُهاب وگعدت يمهم اباوع بتليفوني ..
شويه وسمعت صوت أيريم ..
أيريم: نسسسسلللللل ولچ نسسسلل الصخلللههه
طلعت اركض صوتها عالي وخفت لا يگعدون الاطفال ..
لگيتها بنص الصاله واگفه تصيح ..
نسل: شبيچ مهروجه
_لجج وينچ صار ساعه انبحح
YOU ARE READING
نسل السلطان
General Fictionنسَل ليسَ كَسائِر الانسَال ! طُغيان ليسَ لهُ مُلان جَبروت يغطَي عالماً رِجال يُنادون برَجل واحِد ! لا يُلهَيهُم رحَمان ولا تُغريهُم أمّوال لا يحَملون سَواءّ السُلطان كأن سلاطِين العَالم تجَمعوا بهِ ليتسَلط عَليهُم يحَملون أقصَى الجُنون لينث...