Writer: حِوار آل سُليمان
تصويت حُلويني، كومنت بين الفقرات؟
سَرَى طيفَة في أَصَاغرُ لَيلُ الغَاسِقٌ،
حَتى اشْتَدت دَمْوع الغَاسِقٌ مِنْ عَينَيهِ.◇.◇.◇.◇.◇.◇.◇.◇.◇.◇.◇.◇
كعدني بمكان مقابل باب إحدى الغرُف وحچه بتهديد
_اذا تحركتي تنسگمين
صميت حلكي شسوي بعد وشحچي اصلا !
رفعت راسي اراقب حركاته غسل وجهه وفات لغُرفه سمعت صوت شي ينسحب ردت اكوم اشوف شكو بس تذكرت كلامه واستقريت بمكاني...طلع يسحَل بچربايه ام النفر أخذها للمطبخ خلاها بمكان ورجع عَليه
_گومي وياي
كمت امشي وراه أتوجه للمطبخ وكعد يأشرلي ويحچي
_هاي الثلاجه بيهه اكل يسد بطنج منا لمن اشوف شسوي وياچ وهذا سنك تغسلين عليه وچربايه تنخمدين واذا احتاجيتي حمام هاي فتحه مجاري تكدرين تستعمليها يعني ما حاجه طلعه من هاي الغرفه راح اقفلها عليچ
بقيت صافنه عليه شبيه هذا يحچي صدُك !
_شنو اسويها هنا شنو ما احتاج حمام شلون انام هنا !
_مشكلتچ يحُلوه
_هو شنو بكيفك ولك بكيفكككك رجعني لأهلييي شتريد مني شتريييد
_اششش ما اسمع حسچ
بديت أريد اصرخ واحچي واعترض بس ما انطاني مجال طلع وقفل الغُرفه ..
صرخت وحدي وعيطت وضربت الباب ماكو فايده !
دورت بعيوني بالمكان چان عباره عن مطبخ قديييم بمعنى الكلمه مليان رطوبه وبارده ثلج ،چان موجود طباخ ابو العين وحده وسنك صغير كُلش وثلاجه صغيره وجربايتي ومفروشه فرشه شبعانه وصخ وطين حتى لونها ما مبين شنو ..
نزلت دموعي على حالي ليش بس انا ليش !
هاي ثاني مره يبعدوني عن اهلي ليش !كرفصت على روحي على الچربايه بقرف احس وصاختها دتتلبس بيه ..
دنكت راسي بين رجليه واجهشت بالبُكاء ..
لكيت فرشه مشموره بأهمال على الچربايه القذره سحبتها غطيت بيها رجليه وبطني ومددت بارده وتعب وصداع وحُزن كُلها تكتلت بيه !
مر وقت حاولت انام ماكو كُمت للشباك الصغير يلي بنهايه المطبخ حاولت افتحه بس مزنجر حاولت وحاولت ونفتح ..
باوعت الدنيا ليل !
وانا من الصبح هنا ...رجعت ابجي شسوي لعد
_الله لا يوفقكم كون بعافيتكم وعسى حوبتي ما تتعداكم يا چلاب
تذكرت نسُل مره حچتلي على تسبيح اذا اكون واگعه بمُشكله..
YOU ARE READING
نسل السلطان
General Fictionنسَل ليسَ كَسائِر الانسَال ! طُغيان ليسَ لهُ مُلان جَبروت يغطَي عالماً رِجال يُنادون برَجل واحِد ! لا يُلهَيهُم رحَمان ولا تُغريهُم أمّوال لا يحَملون سَواءّ السُلطان كأن سلاطِين العَالم تجَمعوا بهِ ليتسَلط عَليهُم يحَملون أقصَى الجُنون لينث...