Writer: حِوار آل سُليمان
تصويت لطفا حُلويني + كومنت
لا تنكُري عند اللقاء تلعثمْي
فأنا بقُربكِ لؤلؤ منثورُ
أقضي اللياليِ بين ألف قصيدةٍ
وإذا التقينا خَانني التعبيرْ !
______________________________
اهتزت أقدامي حسيت راح أوكع ..
استغفرت ربي وطردت الخوف اكيد هذا جاهل ديلعب عليه أو يمكن واحد من الولد ..
عفت المسج ما حذفته توني خليت التليفون على الميز وأجاني اتصال مِن ٱسُر ..
_الو
آسُر: السلام عليكم خويه
_وعليكم السلام عيوني
_بخصوص الشغل نسُل لگيتلچ يم واحد من ربعي
_صدك والله؟؟
_ما هان عليه تشتغلين وانا اول معارض لهالشي بس هاي رغبتچ بعد وهسه ادزلچ الرقم
_تسلم والله ما قصرت
_واجبي هذا يابه واي شي تحتاجي تلگيني گدامچ
_مشكور
سديته منه دزلي الرقم اتصلت اخذت العنوان وأخذت غراضي وطلعت متوجهه للمكان..
مرت ربع ساعه وانا بالطريق وما خليت واحد يعتب عليه ما سألته حتى لا اتيه ..
واخيرا وصلت العياده جانت لدكتور أخصائي جَلديه ..
چان حباب ومؤدب وقبلني مو لسواد عيوني بس لان من طرف آسُر ..
باشرت من هسه اشتغل من اول ما قابلته گال "تگدرين هسه تباشرين بالعمل"
وانا ما چذبت خبر بديت اشتغل وچان الشغل نوعاً ما عادي ما بيه أي أنبهار ، مُجرد ارتب تسلسل المُرضى وادخلهم على الدكتور
انتهى الدوام ورجعت للبيت لگيت وسام گاعد يلعب بتليفونه سلمت عليه رد بهدوء ورزانه مثل اول ما التقيت بيه ..
_شو صاير هادئ شسامع لك
_عدلي اسلوبچ لا اگوم ادميچ
_ايبااااه خوفتنييييي
_لا طبعاً ما تخافين بنت منو بعد
_بنت ابوك يولد
_بنت قندرتي
_ههههههههههه امدااك
_شلونه الشغل؟؟
_نورمَل
_ما استمتعتي ؟
_لا يمعود قابل هو عرس حتى استمتع
_كيوليه بس بالعرس تستمتع
YOU ARE READING
نسل السلطان
General Fictionنسَل ليسَ كَسائِر الانسَال ! طُغيان ليسَ لهُ مُلان جَبروت يغطَي عالماً رِجال يُنادون برَجل واحِد ! لا يُلهَيهُم رحَمان ولا تُغريهُم أمّوال لا يحَملون سَواءّ السُلطان كأن سلاطِين العَالم تجَمعوا بهِ ليتسَلط عَليهُم يحَملون أقصَى الجُنون لينث...
