ရေခဲတမျှအေးစက်နေသောလက်ချောင်းထိပ်များက ကျိနင်းရဲ့မျက်နှာတစ်ဖက်ခြမ်းကို ပွတ်သပ်လာသည်။ မီးရောင်မှိန်ပျပျအောက်၌ တစ္ဆေ၏ထိတ်လန့်ဖွယ်အသွင်အပြင်က ကြည့်ဖို့ရာကြောက်စရာကောင်းလှ၏။
"မင်းကိုယ့်ကိုအိပ်မက်မက်နေတာကို အာရုံခံမိလို့ ကိုယ်လာကြည့်လိုက်တာ"
နန်းတော်ပတ်လည်ကိုကြည့်ပြီးေနာက် လှပသည့်ကောင်လေးရဲ့ နှုတ်ခမ်းဖျားများကမြင့်တက်သွားကြသည်။ "စိတ်ဝင်စရာကောင်းတဲ့တစ်ခုခုကို မြင်ရလိမ့်မယ်လို့မထင်ထားဘူး ကိုယ်တို့တခြားကမ္ဘာရောက်နေတာလား?"
ကျိနင်းဟောဝူလင်းနဲ့စကားမပြောချင်တာကြောင့် ဘာမှမပြောဘဲနေနေပေမဲ့ ထိုစကားများကြားရသည့်အခါ ကျောရိုးတစ်လျှောက်တောင့်ခဲသွားတော့သည်။ ဟောဝူလင်းက ဤနေရာဟာတခြားကမ္ဘာဖြစ်ကြောင်း သိရှိသွားပြီးဖြစ်သည်။
အဆုံးမရှိသောစီးဆင်းမှု (Infinite flow) ၏ ဇာတ်လိုက်ဖြစ်သည့်အတွက် ဟောဝူလင်းဟာလည်း ကျိနင်းလိုကမ္ဘာအမျိုးမျိုး၌ အမျိုးမျိုးသောတာဝန်များကို ပြီးမြောက်အောင်ထမ်းဆောင်ရသည်။ ထို့ကြောင့် ဟောဝူလင်းက သူ့ရဲ့လျို့ဝှက်ချက်ကိုခန့်မှန်းမိသွားမှာ စိုးရိမ်သွားသည်။
နောက်တစ်ခဏ၌ ဟောဝူလင်းကသူ့ကိုကြည့်ပြီးမေးလာချိန်မှာတော့ သူ့ရဲ့ကြောက်ရွံ့မှုများကိုအတည်ပြုပေးလိုက်သည်။
"နင်းနင်း ကိုယ်မေးပါရစေဦး မင်းလည်းကိုယ့်လိုမစ်ရှင်တွေလုပ်နေတာလား?"
သူတကယ်ကြီးခန့်မှန်းလိုက်တာပဲ...
ကျိနင်းနှလုံးသားလေးနစ်မြုပ်သွားရသည်။ အခြေအနေတွေကဒီအထိရောက်လာပြီဖြစ်တာကြောင့် ဟောဝူလင်းကိုဖုံးကွယ်ထားဖို့မဖြစ်နိုင်တော့ပေ။ သို့သော်သူနားမလည်သည်က ဟောဝူလင်းသူ့ကိုဘာလုပ်လိုက်သည်ဆိုတာပင်။ ဘယ်လိုလုပ်သူ့အိပ်မက်အကြောင်းကိုသိနေရတာလဲ?
"မင်းစိတ်ရှုပ်သွားလား?"
ကျိနင်းရဲ့တိတ်ဆိတ်နေမှုကို ဟောဝူလင်းကဒေါသထွက်နေပုံမရပါ။ ထို့အပြင်သူကပြုံးနေမြဲဖြစ်ပြီး စိတ်ရှည်စွာရှင်းပြလာသည်။
YOU ARE READING
ကမ္ဘာဆယ်ခုကိုဖြတ်သန်းပြီးတဲ့နောက်ငါထွက်မပြေးနိုင်တော့ဘူး
FantasyThis is not my work. This is a fan translation. All credit to original author and English translator.
Chapter 29 - ရေအောက်ထဲမှအနမ်း
Start from the beginning
