الصباح في بيت ابو ناصر
نزلت ليال وهي تشوفهم مجتمعين يفطرون اخذت شنطتها بـسرعه : تبـون شي ؟
لفت ام ناصر : تعالي افطري
ليال : والله اني تأخرت ، يلا سلومم
سلمان وهو يشرب فنجال القهوه : يلا مشينا
طلعوا كلهم وركبوا السياره متجهين للـ جامعه
فتحت شنطتها ليال وطلعت المناكير تحط لها ابتسم سلمان وشغل اغنيه : هذي كل ماسمعتها اتذكرك
ليال بذهول : صدق سمعني
اشتغلت الاغنية وقعد يغني سلمان : غـمازتينـك سحـر وجـيدك
ولا لـه عـذر عـدى الـسحر كـله
ابتسمت ليال وبانت غمازتها : سسـلوومميي !
سلمان : يا بعـد سلوومك
ضحك وهو يوقف الاغنيه من رد على اتصال حمد : هلا حمـييد صباح الخييـر
حمد : هلا بـك مشيتوا ؟
سلمان وهو يلف يشوف ليال تناظره : اي مشينا وانتوا !
حمد : بالطريـق
سلمان : زين تبي شي
حمد : لا بـس اذا نزلتهـا كـلمني
سلمان : ابـشر
قفل ولف لها : والله حـميّد يخاف عليييك
ناظرت فيه ليال وسكتت وهي تناظر للسيارات
سلمان : عـ الطاري ، اليـوم ترا حفلـة ابو نـوره
ابتسمت بذهول : صـدق
سلمان : اي ، تـبين احجز لك تذكـره مـعي ؟
ليال بحماس : اي اي واحجز لـ ترف والهنوف بعد يحبونه ترا
ميل شفايفه : ماهـو من زيـنه عشان تـحبه ترف !
ضحكت ونزلت اول ماوصلت ودخلت شافت الهنوف واقفه هي ونوف : بـنااات
لفوا لها كلهم واشروا لها جت عندهم وسلمت عليهم : كيف صباحكم
الهنوف بعصبيه : ماهو زين من دق ذا الرمه
ليال بصدمه : ميـن ؟
نوف بخوف : في واحد يكلمهـا كل شوي ويتغزل
ليال : بـسيطه بلكيه !
الهنوف بعصبيه : اهو جني بلكته جاني من رقم ثاني الله يهبله مصيبه جنني مع ذا الصبح
ليال : يابنت طنشي معليـك ها عرفتوا وين محاظراتكم
نوف وهي تشوف الساعه : اي انا بـدأت الحين تـبون شي ؟
ليال : لا ياروحـي
راحت نوف لمحاظرتها وجت ترف وهي تركض : ليييـال
لفت لها ليال : هـلا تـرف
ترف بخوف : من الـيوم ادور مـالقيت محاظرتي شوفي
ليال بضحك وهي تشوف جوال ترف : بالدور الثالث مو هنا
ترف بخوف : اخـاف اضـييع
الهنوف وهي قافله معها : كيف تضيعين بـملاهي احنا روحي بلا عبط لا اصفقش مب ناقصه
ترف بـ نرفزه : هي انـتي روقي روقي شـفيك نفسيـه ترا ماينفع كذا بتعجزين بدري على فـكره !
الهنوف بعصبيه : ماسألتش متى اعجز انقلعي لـ محاظرتش
ترف : ايي بـروح على الاقل افتك من وجهك اللي دايم مكشر
راحت ترف وهي معصبـه وتنهدت ليال من حالهم
الهنوف وهي تفتح جوالها : امـشي بدأت محاظرتنـا
مشت معها ليال وابتسمت : هـدي يـ الهنوف مـحد يستاهـل والله
الهنوف بضيق : طـيب
دخلوا كلهم وجلسوا جنب بعض بما انهم نفس التخصص والقسم
عند نواف
طلع من دوامه وهو متحمس ومر من عند بيت يعرفـه حيل وابتسم اول ماشاف ميهاف طالعه وتركب مع السواق : اثـقل يانواف بزر تجيب راسـك !
لف بسيارته يرجع البـيت وهو حـاس بنشاط عكس دايم شاف ريناد تدخل البيت وابتسم يسلم على فيصل وقال له يقلط لكن رفض لأن عنده اشغال
ودخل البيت نواف : اهـلا اهـلا بـ مـطولين الـغيبات
ابتسمت ريناد وحضنته : وحـشتني !
نواف وهو يجلس : اكذبـي على غـيري اثري الزواج يـغير الـحال
ريناد وهي تجلس : تبي الصراحـة والله الحمدلله فـيصل عن ألف رجـال
نواف وهو ينزع بدلته : استـحي على وجهـك تمدحيـن زوجـك قدامي
ضحكت ريناد من شافت امها جايه : اي عـادي مافيها شي
ام نواف بعد ماسلمت على ريناد وجلست : نواف خاطره يـعرس ترا
ريناد بصدمه ناظرت له : صـدق !
ابتسم نواف ومسح على شنبه : اي
ضحكت بصدمه : ومن تبي ؟
نواف وهو يسترخي على الكنبه : وحـده خليت امي تروح بيتهـم وتشوفهم وابشـرك عجبت امي
ريناد : ولييه تو ادري
ام نواف : وانتي قعدتي عندنا اساسا ؟ طول وقتك مع فيصل
ريناد وهي توخر شعرها عن عينها : بس حتى لو دقوا علي طيييب
