عند ترف بالغرفه
كانت منسدحه تناظر فوق بطفش : ياليل حتى سلوم مو فيه ابغى اتهاوش معه
عدلت جلستها وابتسمت من خطرت عليها فكره طلعت من الغرفه تناظرهم مجتمعين برا يسولفون وراحت غرفة جدتها تشوف جوالها
لفت بتوتر يمين ويسار تتاكد مافيه احد وسحبت جوال جدتها بسرعه وهي تدور رقم ، شهقت بخوف من شافت ام حمد جايه للغرفه وتخبت تحت السرير ومعها جوال جدتها ، دخلت ام حمد وهي تاخذ علاج جملا
جت رساله على جوال ترف وكتمته بسرعه
ام حمد وهي تلف : بسم الله !
كانت ترف بتضحك بس مسكت نفسها وهي تناظر ام حمد خايفه ، بعد دقايق راحت وطلعت ترف وهي تتنفس بخوف : اوفف بطني
فتحت الجوال بسرعه واخذت الرقم ونزلته على سرير جدتها وراحت برا وهي تركض عشان محد يلاحظ وجودها
دخلوا ام ناصر وابو ناصر المستشفى على طول من بعد اتصال عبدالله يطمنهم ان ناصر نجحت عمليته ويحتاج يقعد بالمستشفى ، لف عبدالله على دخلة امه وابوه وسلمى وريوف ابتسم بخفه : ياهلا
ام ناصر بفرحه : الحمدلله طول ليلي ادعي له
ابو ناصر : اي والله الحمدلله على نعمة ربي
ريوف ببتسامه : يعني ناصر مامات؟
لفت سلمى : لا بسم الله عليه
ليال بفرحه حضنت ريوف : اهخخخ ريووفف
ريوف وهي تناظر ليال : عيونك حمرا تبكين؟
لفت سلمى : من ؟
ريوف : عيون ليال حمرا ليش بكيتي؟
ليال : لا ولا شي
ريوف : الا بكيتي اكيد حمد زعلك
لفت لـ حمد : حممددد
ناظرها حمد اللي كان يتكلم مع العيال : سمي
ريوف بعصبيه : ليه تزعل ليال ؟
حمد وهو يناظرهم : انا !
غطت وجهها ليال بفشله : يابنت حمد ماله دخل
ريوف : الا الا ليه تبكين اجل
ام ناصر : بسم الله عليك ليال تبكين؟
ليال : ياناسس شفيكم مابكيييت وحمد ماله دخل هالبزر تخربط ماعليكم
ناظرتها ريوف وتخصرت : انتي البزر !
ضحكوا عبدالله وفهد وهم يناظرونها
طلع من عندهم سلمان وراح برا
ابو ناصر باستغراب ناظر لهم : شفيه سلمان ؟
عبدالله : مافيه شي معليك
حمد : انا ياعمي استاذنكم دام ناصر بخير تبون شي ؟
ابو ناصر : الله يحفظك ياولدي ماقصرت والله
طلع حمد وجت وراه ليال تناديه ، ألتفت لها وناظرها تقدمت له : بتروح المزرعه صح؟
حمد : اي بمسك خط الحين ليه تبين شي !
ليال : ودي اسلم على جدتي يمكن مايرجعون اهلي عشان ناصر
حمد : تمام امشي معي
ليال لفت على ابوها : بابا
لف لها ابو ناصر : هلا
ليال : بروح مع حمد اسلم على جدتي تمام ؟
ضحكت ام ناصر وهمست : ما يوفرون
ضحك ابو ناصر : روحي يابنتي
راحت ليال مع حمد وهي مستغربه ليه ضحكوا وركبت السياره وهي تناظر الطريق وحست فيه من تكلم
حمد : سرحانه !
ناظرت فيه وسكتت وكملت تناظر الطريق
مسك يدها وناظرها : ليال ؟
ليال وهي تناظره وارتبكت : شفيك حمد مافيني شي ياخي
حمد : بس انا ماقلت فيك شي !
سكتت وهي تناظره بأحراج : اوكيه
حمد: وش اوكيه ؟ كذا تأكدت ان فيك شي
ليال بضيق وهي توخر يده : ياحمد فكني شرك خلاص
ناظرها بذهول : شرّي ؟
سكتت بفشله من كلمتها ولفت
حمد : حلو انا صرت شرّ عليك
ليال بزعل : حمد لاتفهمني غلط!
حمد بحده : ما افهمك غلط ؟ وش تسمين اسلوبك ذا اجل
ليال : خلاص طيب مو بمزاجي طيب لاتهاوشني
حمد : ماهاوشتك انا بس ليه تقولين فكني شرك؟
ليال : طيب تعرف ماقصدي !
حمد وهو يلف : تمام
ليال وهي تناظر الطريق وتضغط على يدها بضيق : خلاص تكفى
حمد : ماقلت شي انتي اللي قلتي !
سكتت وهي شوي وتبكي ولفت عنه تناظر الشوارع
