عند ناصر اللي كان يناظر العيال
سلمان : اوبب اكثر شخصين استحاله يتهاوشون تهاوشوا !
ناصر وهو يلف : شكلها من عينك
شهق سلمان : وانا شدخلني
فهد بمداخله : حدك الا سلومي عاد ما ارضى عليه
ناظرتهم الهنوف بضيق ومشت
ناصر وهو ماسك قلبه : حسبي الله على بليسك ياليال يومك تزعلين المزيونه !
دفه سعود : شقلت ؟
ناصر وهو يتعدل : اقول شفت وحده مزيونه باليوم الوطني يالبيهاا
سعود بجمود : اعقب !
ناصر بغمزه : بتقنعني انك مو خاق على احد ؟
حمد وهو ينادي ناصر : ناصر تعال ابيك
راح له ناصر ، وهمس سعود : والله لو تدري مين اللي خاق عليها جلدتني !
ناصر وهو رايح لـ حمد
ناصر : شتبي يا اخ زوجتي
استوعب وضحك بفشله : قصدي زوج اختي
دفه حمد : لازم ترجع لدوامك بديت تخورها
ضحك ناصر وتنهد : خلونييي اسنتانسس بإجازتي
حمد وهو يوقف بنص الطريق : اسمع
لف له ناصر : هلا
حمد : باخذ ليال واتفاهم معها بموضوعهم ذاك واشوف شفيها
ناصر بتفكير غمز : بتاخذها عشان تعرف موضوعهم ولا عشان شي ثاني
حمد وهو يولع زقارته : مشكلتي اتكلم مع واحد بيصك الثلاثين وهو مراهق
ضحك ناصر بقوه : افاا انا بصك الثلاثين ؟ بعدين ياحبيبي احلى من يصكها خل عنك بسس
حمد بتسليك : اي اي زين ، عاد بروح اكلم ليال انت قول لامها لان مالي خلق صراحه
ناصر وهو يدق التحيه : معليك ازهلني
ضحك حمد ودق التحيه معه : حييك !
عبدالله وهو يناظرهم : شدعوه بدا دوامكم وانا مدري ؟
ضحكوا كلهم وراح كل واحد بطريق مختلف
عند فهد وسلمان بالمجلس
فهد وهو يلعب ببجي مع سلمان لف من شاف بدر داخل ويناظر جواله : انتبه لاتطيح
لف له بدر وسكت وكمل يناظر جواله
همس فهد لـ سلمان : شفيه ذا مسكون!
سلمان لف يناظر بندر وهمس : خلك منه مريض قد جيته وحاولت امزح معه سفل فيني يارجال
فهد : اما عاد
سلمان : اي وقال لي مزحي ثقيل ومدري ايش
فهد وهو يناظره : بذي تراه صادق صراحه !
سلمان : بالله اسكت لا اعطيك كف الحين اخليك تنصرع عند رجولي
فهد : كان فيك خير قم ورني
سمان وهو ينسدح : مالي خلق صراحه خله بعدين
فهد وهو مبتسم ويلمس شنبه : خواف ياحليلك
عند الهنوف كانت تتمشى وتتكلم مع نفسها
زفرت بعصبيه : شتقصد يوم قالت الجنوبيه
جلست وهي ترتكي على النخله وتتكلم بغضب ، سكتت من حست بشخص يمشي وراها ونطقت : ان كانش جايه تراضيني مراح اكلمش روحي احسن لش
ماسمعت رد ولفت ولا شافت احد استغربت وهي متاكده سمعت صوت رجعت تجلس وصرخت من شافت ناصر واقف عندها : يمه
ناصر وهو يحك خده : بسم الله عليك !
عدلت جلستها بغضب : شتبي جاي
ناصر وهو يمشي حول النخله : جيت اشوف لك حل انتي وليال
الهنوف : من قال اننا نبي حل اطلع منها يانويصر!
ناصر وهو يجلس بجديه : جد عاد شصاير من البدايه قولي لي
الهنوف وهي تتكتف : روح اسال اختك !
ناصر بغضب : بتتفاهمين معي زين ولا لا
بلعت ريقها الهنوف ونطقت : لا عندك شي !
