سلمان بعصبيه : يصير لك خلق وتكلميني !
لفت له : شتبي
سلمان : مين اللي ركبتي معهم
ليال : بنات !
سلمان : وش سوو لك البنات ؟
ليال : ولا شي
سلمان بغضب : تبين اهفك الحين؟
ليال وهي تبعد عنه وتلف : قللتت ولاشييي
سلمان وهو يمسك معصمها بقوه : لييال اخلصي
صرخت بالم وهي تناظر يدها
لف سلمان ليدها بخوف : وش
رفع كمها وهو يشوف اثر اظافر بجلدها وجن جنونه : ليييال !!!
ناظرت فيه وبكت بعدم سيطره وهي ترجف لف لها وزفر بعصبيه : وش اسوي فيك علميني !!
ليال ببكاء : سلومم لاتهاوشني خلاص
سكت وهو يشوفها تبكي ولا هو قادر يهاوشها زياده حضنها وهو يهديها : خلاص اشش
عند ترف بالغرفه
لفت للبنات : بنات ترا ليال حساسه لو انها ماتبين لكم يعني هي عرفت غلطتها لاتهاوشونها
الهنوف : قومي انتي لا اعطيش طراق الحين
ترف : عشان قلت الحق يعني !
نوف : ياخي حنا خايفين عليها مو قصدنا نهاوشها
ترف وهي ترفع شعرها : حتى ولو ياخي تراها تتحسس من الهواش من زمان وليال تعرفونها اذا احد هاوشها تبكي
عبير : ماظنتي تبكي ترا ماتهتم ليال
ترف بعصبيه : وليه ماتهتم مو بنت مثلكم وعندها مشاعر ؟ ترا اوفر اتكلنا عليها كثير واساسا مايساعدنا ويونسنا غيرها تقومون تهاوشونها وتجحدونها!!
الهنوف وهي توقف : شفيش انتي ماجحدتها بس قاعده اعلمها غلطها مو كل شوي بنصفق لها ونقول برافوا !!
نوف : منجد لازم تعرف خطاها ماينفع معها غير الهواش
ترف بعصبيه : هواش ؟ طول عمرنا نعرف ان الهواش مايفيد ياتكلمو معها باسلوب ولا فارقوا !
طلعت ترف برا ولفت تشوف ليال تبكي بحضن سلمان تنهدت بقهر : والله حسيت !
طلع حمد وهو يدخن سمع صوت ليال تبكي لف وشافها مع سلمان استغرب
تقدم لهم وناظر لـ سلمان : شفيها؟
سلمان وهو حاضنها : هاوشتها وبكت
حمد بهدوء : وليه تهاوشها
تنهد سلمان : مدري ياخي قفلت معي
حمد وهو يرمي زقارته : خلنا شوي
رجع سلمان على ورا وهو يهدي ليال : ليال
رفعت راسها وهي تناظرهم
سلمان ابتسم بخفه : حمد هنا
حطت يدها على وجهها وهي تشاهق بخفه
راح سلمان وتقدم لها حمد يسحبها لحضنه : شنسوي فيك يا قطوه
ناظرت فيه بدموع : ماني قطوه
ابتسم حمد وهو محاوطها : طيب خلاص مو قطوه ، انتي قلبي صح؟
سكتت بـ أحراج وهي تناظره : شقاعد تقول انت
ضحك بخفه : مدري تجننيني دايم انتي
ليال : وش دخلني ماسويت شي
حمد وهو يقربها له : وش ماسويتي ، كفاييه حتى بالمرقد افكر فيك خافي ربك فيني
ليال وهي تبعده : حمد ترا بتجي جدتي
حمد : يالييل عشان كذا اقولك خل نتزوج بسرعه
ليال بضحك : روح يس
حمد : مو من قلبك!
ليال : من اعماق قلبي بعد
حمد : طيب طيب
راحت داخل وهي تضحك عليه وحاطه يدها على قلبها من شدة الخفقات اللي داهم قلبها وقت قربه منها
عند عبدالله وناصر
عبدالله : ناصصرر كلمني زين
ناصر وهو يناظر جواله : همم شتبي
عبدالله : بتزوج
لف له ناصر : امرح بس
عبدالله : جد عاد
ناصر بطقطقه : جد ولا عم
تنهد عبدالله : بتكلمني زين ولا اروح؟
ناصر وهو ينزل جواله ويلف له : هلا
عبدالله بجديه : بعرس !
ناصر وهو منسدح : وعلى مين ان شاء الله
عبدالله : بدريه بنت عمي
ناظره ناصر بصدمه وعدل جلسته : منجدك انت
عبدالله : تشوفني امزح ؟
ناصر بانفعال : بس هي متزوجه رائد !!
عبدالله : بينفصلون وحمد قاله لارجعنا للرياض
ناصر بتفكير : بس بتجيب لنفسك مشاكل ترا
عبدالله بتنهيده : ماهمتني المشاكل ياشيخ بس ابي اتزوجها وبس
ناصر : يحلها ربك معليك لارجعنا من الديره فاتحنا اهلي بالموضوع تمام؟
عبدالله وهو يقوم : تمام
عند ريوف و ليال
ريوف وهي تركض تدور ليال : لييال وين رحتي
كانت ليال متخبيه ورا النخله وميته ضحك ، صرخت من مسكتها ريوف وركضت بقوه ولحقتها ريوف وهم يضحكون ، كان حمد وناصر يناظرونهم ويضحكون
جلست ليال بتعب وهي مو منتبهه انهم يناظرونها : تعبتيني ياريوف خلاص
ضحكت ريوف وهي تجلس بجنبها : احب العب
ليال وهي تبتسم : تذكرت ريان له فقده البزر
ريوف بعصبيه : ريان حيوان
ضحكت ليال : افاا لييه
ريوف : تركني وراح برا ومحد يلعب معي !
ليال بصدمه : جحديتني يالحمارهه ومن اللي يلعب معك مشوين؟
ضحكت ريوف وهي تحك خدها : امزح
قامت ليال : والله ماخليك يالجحود تعالييي
ركضت ريوف بضحك : ناصرررر
طلعوا البنات من الغرفه على صوت صراخ ليال وريوف
عبير وهي تتكتف : شفتوا قايله ماتهتم راحت تعلب البزر
ترف وهي تناظرها : سدي حلقك بس بكت لين قالت بس وراحت تلعب ، ماتدرون عن شي
راحت داخل عند الحريم ، ولفو البنات يناظرون بعض باستغراب
الهنوف وهي تضحك وتأشر على ليال : شوفوا شوفوا بالله
لفوا البنات وضحكوا على ليال اللي كان ماسكها ناصر من ورا عشان ماتحلق ريوف
صرخت الهنوف : يابزرره
لفت ليال وهي تطير عينها وتطنشهم : اننننن
ناصر وهو ماسكها : بينكم تتش؟
ليال : مو شغلك
ناصر وهو يشد على كتوفها ببتسامه : شقلتي!
ليال بصراخ : ااخ ناصر اوجعتني
ناصر : طيب وش بينكم
لف من سمع صوت الهنوف وهي جايه لهم
الهنوف وهي تناظر ليال : شعندش تطنشيني
ليال : وش تبين ؟
الهنوف : اكلمش ليه تصدين
ليال بعدم اهتمام : مو مجبوره اكلمك
الهنوف بعصبيه : خير اشفيش مشحونة علي !!
ليال بصدمه : تسوين نفسك بريئه وماتعرفين شي
سلمان وهو يصفق من بعيد : يوهه هوشه هوشه
فهد ارتز بجنبه : يالبيه من زمان عن الهواش
ناظرهم ناصر بهدوء يسمع حوارهم وكان وراه حمد يناظرهم من بعيد ببتسامه خافته يخفيها عنهم
الهنوف بعصبيه : وش مسوية لش انا ؟ ترا بس اعلمش بغلطش اذا ماتعرفين
ليال وهي تتخصر : لا والله صرت انا غلطانه الحين؟
الهنوف : ايوه غلطانه وتعرفين انش غلطانه بس طبعش كذا دايم تكابرين وماتقولين حق نفسش انش غلطتي !
ليال : اي انا كذا خلاص مالك دخل لو سمحتي
الهنوف وهي ترمقها بنظرات : يلا افلحي بس فكيني من داويتش! ( معناه ازعاجك )
ناصر بهمس : داويتش يالبيه ياللهجه
ليال : اي اي قولي كلام غريب عشان ما اسبك روحي بس يالجنوبيه
لفت الهنوف : وش فيهم الجنوب هاه !
ليال : فيهم كل شي خايس اولهم انتي
الهنوف وهي تتنفس بغضب : روحي بس حتى ماتعرفين تحاكين زين!
راحت ليال للغرفه تاخذ غفوه تاركه الهنوف وراها منصدمه من اسلوب ليال ، او بالادهى الكل مصدوم لان محد متوقع واحد بالميه ليال والهنوف يتزاعلون بيوم
..
بارت اليوم يا احلى متابيييع❤️🔥❤️🔥🫡
