بعد عدة ساعات في بيت ابو ناصر
طلعوا البنات مع اهلهم بعد ما الكل عرف بسالفة سلمان وانهيارهم عليه .. اللي كان حزين ..واللي كان ضايق ..واللي كان يدعي له
دخلت ترف غرفتها وبكت بصوت منخفض لجل محد يسمعها وغطت نفسها تبكي بحرقه وخوف
مر في بالها لو يكون مدمن وش عقوبته ؟
لو حدث وصار هل يسجنونه او يذبحونه ؟
تنهدت وبكت بوجع من الشعور اللي داهمها شعور الرهبه والخوف والقلق
غطت بنوم عميييق بعد بكاء طوييل وهي تدعي له
في قسم الشرطه
دخل عندهم عسكري : السلام عليكم
الشرطي : وعليكم السلام
العسكري : لقينا بتحليل سلمان بن عبدالمجيد نسبة من المخدرات
نزل راسه ناصر بقهر على اخوه ودخل عندهم سلمان اللي كان دايخ ومعه عبدالله جلسوا كلهم يناظرون ناصر اللي رفع يده وضرب سلمان كف : انت مجنوووون مجنونن !!
تقدم عبدالله يبعد ناصر : خلاص
ناصر بقهر صرخ بوجه سلمان : تخاوي اي احد انت ليييه لييه ؟ ترااا اخوانك هناا مانكفيييك حناا ، تقوم تصادق اي احد بالشارع
كان بيتدخل الشرطي بس سكت من شاف الوضع حساس وقال للعسكر يطلعون
سلمان بتعب وحزن : ما اعرفه هو جاني وكان هو مخطط لكل ذا !
مسكه ناصر مع ياقته بغضب : لاااا تبرر لو انك كفو ورجال كان مامشيت مع واحد مشكوك فيه وغريب وضعه !
سلمان : تكفى لاتقول لابوي ولامي شي انا مالي ذنب والله..
ناظر فيه ناصر بعصبيه : مصيرهم بيعرفون وياخيبت املهم فيك وقتها
غمض عيونه سلمان بقوه وجلس وحط يده على راسه بألم : اهه
عبدالله بغضب : لاتصارخ فوق راسه وهو تعبان شبلاك انت !
ناصر بعصبيه : اسكت انت مافيك خير دام ساكت له طول ذي الايام ، اساسا الله اعلم لو ماعرفت انا كان بيتنا كله مدمن
دخلت ليال ومعها حمد وهي تبكي : سلمانن
لف عبدالله : ليه جيتي انتي ؟
تنحنح الشرطي : حنا بنتفاهم مع وليد وبنستجوبه وبنحاول ناخذ منه اي علم يفيدنا لان واضح مو هو لحاله مسوي كل ذا ، اما بخصوص سلمان بنحطه بالسجن لحد ما نشوف الوضع
ناصر : سلامات ؟ سلمان ماسوا شي مجرد ضحيه مابيده شي !
الشرطي : حتى لو ياناصر القانون لايحمي المغفلين
دخل ابو ناصر وام ناصر بعد ماعرفوا خبر سلمان وكانت ام ناصر منهاره
تنهد عبدالله وهو يهدي امه : خلاص يمه تكفين
ابو ناصر ربت على كتف سلمان : باذن الله تكون خارج من هالشر كله
نزل راسه سلمان بضعف وقهر : اسف يبه
تنهد ابو ناصر : ماسويت شي انت البلا باللي معك ذا
طلعوا كلهم بعد ما اخذو الشرطة سلمان ورجعوا البيت وكلهم مو على بعضهم
في منتصف الليل الساعه 2 ونص في بيت ابو ناصر
نزلت ليال من الدرج بس رجعت خطوتين من شافت حمد يكلم ناصر اللي كان ضايق ومتكدر
حمد : معليك ياناصر خلك قوي انت اخوهم الاكبر والمفروض ماتصارخ على سلمان وتضايقه وانت تعرف وكلنا نعرف انه ماكان متوقع من صديقه كذا ولا متوقع انه بيتورط بشي زي كذا لاتزيد صدمته وقهره وتعبه بعتابك له
ناصر بتنهيده : اعرف اني غلطت بس انفعلت خفت علييه ياحمد انا وش يضمني لو اخذوه وحسبوه مع وليد انه مدمن ؟ وش بنسوي وقتها بنخسر سلمان !!
بكت ليال من كلمته وصرخت تغطي اذنها : لااا لاااا الا سلمانن تكفونن
لفوا بصدمه وذهول من شافو ليال منهاره عند الدرج ومو قادره توقف ركض لها ناصر ووراه حمد ومسكها يحضنها بضيق : لا ان شاء الله مايصير معليك
تمسكت فيه ليال : تعبتت تعبت ياناصر كل ما ارتحت تعب احد منكم انتو لييه كذا معرضين للخطر دااييم تعبتو قلبي والله تعبتت
انهارت صياح ونزلت لها سلمى وهي تشوفها حضنتها وبكت معها
طلعت ريوف من غرفتها وهي تشوفهم يبكون وبكررون اسم سلمان خافت وراحت لـ حمد : حمد ؟
لف لها حمد وتنهد بضيق : هلا ريوف
ريوف بخوف : شفيهم ليه يبكون ، سلمان فيه شي؟
حمد : لا لا هو بخير معليك بس تعبان شوي
سكتت وراحت تحضن ناصر اللي ماسك خواته ، طلع حمد برا وركب سيارته وعض شفته بقهر : والله ما اخليك !
