جلست ليال وبيدها القهوه وهي تناظر حمد اللي يبتسم لها باستفزاز لفت عنه وسولفت مع الهنوف والبنات
قاطعهم ابو ناصر : دامكم نشيطين ورا مانمشي هالحين ؟
ابو حمد : والله بكيفكم شرايكم يابنات
بدريه وهي تهمس لـ سلمى : احس بطني يوجعني
سلمى : سلامات شفيك؟
بدريه : مدري احس بغثيان!
سلمى بخوف : بنت ليكون..
بدريه وهي تسكتها : لا لا اسكتي
ليال بصوت عالي : يلااا بناتت خل نتجهز
ضحك ابو سعود : صوتك عالي وهم جنبك
ليال وهي تناظر لـ حمد : لا فيه بنات واجد مو بس بجنبي
طير عينه حمد بعصبيه : شتقصد ذي
همس ناصر : شكلك مزعلها
قام حمد : امش بس مالك دخل
ناصر : اوك
قاموا كلهم يتجهزون عشان الكشته ، اخذوا العزبه و الخيمه والفرشات والاكل ، والبنات اخذوا السناكات والحلويات اللي يحبونها
ترف وهي تفتح الدروج شهقت : بنات شوفوا
لفوا البنات لها
ليال : وش ذا
الهنوف وهي تاخذه وتشغله : مصباح !
ابتسموا ليال والهنوف من طرت عليهم فكره
ليال : نحتااجهه
ضحكت نوف : وجيهكم ماتطمن عن نفسي مابخاويكم اي مكان خططكم فاشله
ليال بضحك : كل ماقل العدد كل مازانت الخوه صح الهنوف!
الهنوف : اهنييييش !!
جملا : انتوا للحين ماخلصتوا ترا طلعنا
سلمى : يلا جايين ياجده
طلعوا البنات ولبسو عبايتهم
الهنوف وهي تحس شخص سحبها لفت بخوف
ناصر ببتسامه همس : تعالي بسيارتي
دفته الهنوف وراحت مع حمد : افلح بس
عصب ناصر وطنشها وراح لسيارته
ليال بضحك : وش يقول لك ؟
الهنوف : يقول تعالي بسيارتي وع
ليال : حدك يالهنوف الا نويصر عاد
الهنوف : روحي بس انتي وهو
ليال : ماندري من بكت وصاحت عشانه تعبان
الهنوف بعصبيه : طبيعي بخاف طيب
نوف : بتركبون انتم ولا ابعدو عن الطرييق
ركبوا نوف وليال و ترف و عبير والهنوف بسياره حمد
ليال وهي تتقدم : حمد حط اغنيه
حمد بهدوء : لا
ليال : حمدد
ترف وهي بجنب حمد : وش تبين احط لك
ليال ببتسامه : اممم ياندمانه
نوف : يع ليال جوك قديم
ترف : بالعكس الحمدلله ماحطت خالد ، يلا بشغل
شغلت ترف ياندمانه وكانت ليال ترقص بحماس وتصفق وحمد يناظرها من المرايه ويضحك والبنات تحمسوا ورقصوا معها
ليال والبنات :
ياندمانه على حبي واييامه
قلبك انا قدامه ماحس يوم وراح
ياولهانه على حبي وزمانه
كنتي بحضني تعبانه ورجعت يوم طحت
ضحك حمد عليهم وكمل يسوق وهو يحرك اصبعه بروقان ويندن
عند ريناد و فيصل
بعد ماودعو اهلهم ركبوا الطياره
فيصل : اجلسي عند الدريشه
ريناد : لا اخاف
فيصل : يابنت روحي هناك اخلصي علي
ريناد : لا
فيصل بحده : وش لا؟
ريناد : قلت لك اخاف
فيصل : طيب بسيطه لفي لاتشوفين الدريشه
ريناد : شفيها طيب اذا رحت انت
فيصل : لاني مابيك تكونين ع الطرف عند الرايح والجاي
ناظرت فيه بزعل وراحت عند الدريشه
فيصل وهو يجلس : مدريت انك عنيده كذا
ريناد وهي تناظره : اننننن
بعد ساعتين بالضبط وصلوا البر ونزلوا وكانت الساعه 7 مساء ، لف حمد شاف ليال نايمه وباذنها سماعات
تنهد وناداها : ليال
ماردت وكرر : لييال
عرف انها ماتسمعه زين فتح الباب اللي ورا ودفها بخفه : ليال وصلنا
فزت بخوف : وش فيه
حمد بهدوء : وصلنا !
ليال وهي تناظره : طيب بعّد بنزل
وخر عنها حمد وراح ينزل الاغراض مع العيال
ليال وهي تنسدح عند جدتها : جده فيني نوم
جملا : يالله شبي لنا الضو لاتنامين
ليال وهي تقوم بحماس : تم
ضحكت ام حمد : كفو والله
جابت الحطب ورتبته ولفت ع الهنوف : بنت
الهنوف : نعم
ليال وهي متربعه قدام الحطب : عطيني ولاعه
الهنوف : من وين اجيبها
ليال : شوفي مع العيال بالعزبه
الهنوف : طيب
راحت الهنوف عند العزبه تدور ولاعه لفت وشافت ناصر واقف بعيد ورا السيارات يدخن غمضت عينها بغضب وفتحتها وراحت له ، شافته مسرح للحين مانتبه لها دفته ع الخفيف : ولد
لف لها بسرعه ونزل الدخان : هلا
الهنوف : ليه تدخن ؟
ناصر وهو يتكتف : وانتي وش دخلك
الهنوف بعصبيه : ترا بتتعب زياده يامرحول ( يعني يامجنون )
ناظرها ناصر ببرود : انا ابي اتعب مالك دخل
عصبت وهي تشوف بروده : طقاق ماهتميت ولا عاد اشوفك تعرض من عندي ، هبلي الولاعه جعلك الصرع
اخذت منه الولاعه وراحت وهي معصبه وشوي وتنفجر ، انصدم ناصر وهو يناظرها وهي رايحه لف للعيال وراح لهم
( الرجال لهم خيمه وفرشه وشبة نار غير عن الحريم عشان ياخذون راحتهم )
