#مذكرات جندي مجهول
#للكاتب عبد الله محمود
* الكل ينتضر قرار بالإنسحاب
ماكو عسكري يحب ينطي نفسية ضحية بدون أمل بالنصر الا اذا جان بايع نفسة و هيجي مرحلة صعب توصللهة و شي نادرا ما تشوفة
جانت لحضة مصيرية ثانية بس أول فكرة اجتي براسي :
احنة ليش قاومنة و انطينة شهداء ؟
اللواء الي راح و العقيد الي انكطع راسة ليش بقة و راح هو و ٢٠٠٠ جندي ؟!
حتى بالنهاية اترك المكان ؟؟؟؟
ماكو منطق !
لو صدك اريد انسحب و ماريد اخسر جان انسحبت من البداية قبل ما اخسر ٦٠ جندي و اكثر
اذا انسحب هسة معناها اني خايف على نفسي و ما خفت على حياة الي راحو
معناها اني فرطت بكل قطرة دم نزلت بالدفاع و خليتهة بدون قيمة
ليش خليتهم يموتون اذا انتة هسة تريد تنسحب !!!
الي يسوي هيجي حركة بس النذل
انتة خسرت اكثر من نص القوة الي عندك
هسة صرت خايف على جنودك !!؟
انطيت القرار مالتي : ماكو انسحاب و راح ننتضر الدعم
_ اذا على الموت فأني صح خايف منة و اذا على الاعاقة فهاي جانت كابوس بالنسبة الية !!
ماريد اي اعاقة اموت ارحملي
هذولي كلهم فكرت بيهم قبل ما تبدي ملحمة الدفاع
اجي هسة اغير رأيي !؟ لا خلص مادام اختاريت طريق معناها كمل بي
_ بقيت انتضر اني و الجنود و الايرانيين توقفت هجماتهم !
اني بتوقعي ان همة قررو مايهجمون بسبب ٣ شغللت وحدة منهم صح :
اول توقع عرفو ان الدعم راح يوصلنة و خطتهم فشلت ان يوكعون المكان قبل ما يجي اي دعم فقررو ان يتحصنون و يتحضرون للرد العراقي
ثاني توقع ينتضرون تعزيزات عسكرية حتى يكون هجوم مدرع و يفضون كلشي
و التوقع الاخير الي ان همة ديحضرون لموجة اكثر من ١٠٠٠ بس بعدين شفتة توقع مو مقنع !
ولو همة كل هجومهم و غبائهم العسكري مو مقنع !!؟ ماعرف بعد
خلينة على المدافع و ننتضر
* صافن على الجبال و المنطقة و احجي وية نفسي :
شكد اكرهج !
امنيتي عندي ننوي و انسف هاي المنطقة و ما اخلي بيهة لا شجرة ولا بشر بيهة
شكد شربتي دم !!
YOU ARE READING
مذكرات جندي مجهول
Historical Fictionقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...
