# مذكرات جندي مجهول
# للكاتب عبد الله محمود
* كعدت لكيت نفسي بالمستشفى
شصار بية اني !؟
مجاي اذكر شي ؟!!
اجة كدامي مشهد الباص و هو ينكلب
الصياح
مشهد الرجال الي واكع الباص فوكا !
و من اجة علاوي كدامي فز جسمي
انقهرت كلش
بس بعد فترة حسيت بغضب وصل مرحلة ان اريد اقتل السايق
_ باوعت على جهة لكيت الولد الي واكع الباص ع رجلة بدون رجلين يعني مكطوعات رجلية اثنينهن و جنت شايط من العصبية ع السايق و اول ما وصلت الممرضة :
" السايق وينة هسة تكليلي ( بديت اتحرك اريد اكوم )
الممرضة : اخي انتضر انتضر ميجوز تتحرك
" احجيييي السايق وين !!
الممرضة : مات !!
سكتت !!
ماعرف شاحجي علية لان سبب اعاقة لضابط و هواية ضباط ماتو و غيرهم تكسر لو احترم الميت و ما اجيب سيرتة و ادعيلة بالرحمة
لو اتذكر علاوي و احقد !
مشيت على الي تربيت علية و كلت الله يرحمه
* حسب تقدير الاطباء ان اني يحتاجلي من ٧ الى ٩ اسابيع حتى اتشافى
بالبداية جنت ضايج !
بس بعدين شفت واحد مضروب شضايا بجسمة
كلت لا عمي اني محضوض !
بس انوب التوتر اكلني اكثر
اني كاعد ع سرير بالمستشفى و شغلو اغنية للفنان فاضل عواد ( يمه شديت الجرغد بزنودي )
كلت هاي شكد حلوة !
بعدين عرضو اغنية بسهولها و جبالها لفاضل عواد
و بعدين انعرضت اغنية ( احنا مشينا للحرب )
اثرت بية و رجعتلي الروح الوطنية
_ بعد اسبوعين كالو خلي يروح للبيت يكمل فترة العلاج هناك .
YOU ARE READING
مذكرات جندي مجهول
Historical Fictionقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...
