#مذكرات جندي مجهول
#للكاتب عبد الله محمودإجازة ؟
راتبك تستلمة قليل ميزيد عن ١٦٠ دينار يعني يكفيك اسبوع بالزايد
_ دخلت لمدينتي و جنت ما بين فرحان و القلق كاتلني على سعد و عمر
* وصلت للمنطقة و جنت خايف لا اسمع نواح لو بجي !
التوتر موتني ! بس اريد اوصل لبيتنة و ما الكة لطم
دكيت الباب و فتحت الباب امي :
بس شافتني ذبت الطاسة و حضنتني و كامت تبجي :
شو تأخرت و كمت أسال عليك الجيران !
بس جيرانة بالشارع اغلب ولدهم لو وحدتهم بالبصرة لو بالعمارة و بيهم حرس جمهوري ميعرفون كلشي ." كولي يا الله هسة انتي انوب تبجين وية شوفتي !!
* سألت امي :
كلتلهة : زين وين ابوية و سعد رجع لو لا ؟
كالت : ابوك قبل شوية طلع وية زوجتة الثانية يزورون اخو المرة لان مسوي عملية و اخوك سعد راح يجيب زوجتة من بيت اهلهة لان سمعو ان ابوهة مريض كلش و وداها هناك ثالث يوم باجازتة و صارلهة يومين هناك و هو باقيلة ٣ ايام و يلتحق فكال اجيبهة هسة و من اروح عود خلي احد يوصلهة يم والدهة .
* رحت غسلت و بدلت و هي قفلت الا تسوي دولمة لان رجعت
_ اني بداخلي فرحت لان تعبت من اكل الجيش الي جان يلعب ستين نفس و تعبت من البسكت ههه بس ماريد اطلب منهة و اتعبهة .
انوب كالت : محتاجة سلك و شغلات ثانية حتى اسويهة .
كلتلهة : تدللين هسة اجيبهن
رحت جبت مسواك و اجيت و جان اشوف سمير راجع من بيت صديقة و اجة يركض و يصيح :
هلا بالزلم الخشنة هلا ....
كتلة : اسكت حبيبي سمير ترة ماكل خرة اني
شفت احمد جاي سلمت علية و كلتلهم :
يلا كل واحد يشيلة علاكة خو ما اتعب هنا و هناك
وصل سعد و رحت حضنتة قوي
علاقتي اني و سعد كلش قوية
هو اقرب واحد الي بالبيت
سلمت على زوجتة و كبل كتلة :
اي مرتاااح ماعليك شي بعيد عن الطك
كال : يمعود يا بعيد ترة بصفك اني حولو كتيبتي لسومار .
كتلة : لا بشرفك !! اي بس انتو ما صار عليكم هجمات قوية يعني وضعكم مستقر هسة
كال : اي عاد احسدني انتة حتى يرتبون امورهم و يهجمون .
KAMU SEDANG MEMBACA
مذكرات جندي مجهول
Fiksi Sejarahقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...