مذكرات جندي مجهول

(( ملاحضات مهمة للقارئ ))

#مذكرات جندي مجهول
#للكاتب عبد الله محمود

طبعا اكو ٤ شغلات اريد اوضحهن لان إنسألت عليهن

١_ موضوع الاغاني الوطنية :

هو الخطأ مني لان ما وضحت و شرحت بصورة كافية عن طريقة سماع الاغاني الوطنية

شوفو :

اكيد تعرفون ماكو شي اسمة راديو هناك بالخط الامامي لان ماكو ذبذبات توصل !! و بعدين الذبذبات ممنوعة هناك ماكو شي اسمة راديو

و نادرا ما يجي شخص جايب مسجل ويا هي صارت كم مرة و ما تكررت بعد لان محد حاير بهيجي شغلات الخوف ينسيك كل شي

زين شلون تسمعون اغاني ؟

اني ذكرت مفردة التوجيه السياسي بس جان المفروض اوضحهة اكثر للكل

التوجيه السياسي يبث اغاني للخطوط الخلفية الي تشمل مركز قيادة الفرقة و مركز قيادة اللواء

زين شلون توصلنة الاغنية ؟

الراديوات بالفرقة يربطون عليهة مكبرات جبيرة و يوصل صوتها لمكان بعيد حتى الايرانيين جانو يسمعونهة هههه من باب التحفيز للجنود و الجيش و نبدي نسمع الاغنية ع المكبرات مال اللواء

هذا ردت اوضحة الكم لان شفت هواية ناس سألتني علية

٢ _ بخصوص القناصين و ليش المبادرة تكون بايد ايران اول شي من ناحية القنص و القصف

ببساطة لان هاي مناطقهم و لان همة المدافعين و احنة المهاجمين و همة عدهم ركائز و بانين دفاعات محصنة باراضيهم و حافضين احداثيات مناطقهم شبر شبر

احنة لا

شلون نحفضهة و احنة هسة داخلين لاراضيهم !!؟

٣ _ بخصوص موضوع التفصيل هذا راح اوضحة ليكدام احسن

اني ما اكدر اجي اخذ الحرب الي مدتهة ٨ سنوات و اشرح كل يوم شصار او كل اسبوع !! زين هو حتى بطل القصة هواية اشهر ميتذكر شصار بيهن و يكتفي بجملة ( الوضع هادي على جبهتي بهاي الفترة ) !! يعني راح تلاحضون سواء هسة او بعدين راح اتخطى اشهر معينة ببعض السنوات

اذا اريد اسوي لكل اسبوع بارت احسبولي بالله كم بارت حتى اكمل حرب مدتهة ٨ سنوات ؟؟ لازم امر على الاشهر الي احداثهة باردة مرور الكرام

معلومة مهمة : الالتحاق مدتة ٣ اسابيع و الاجازة اسبوع واحد

٤ _ ما ذكرت كل الاقرباء بس ذكرت الاقرباء الي الهم دور بالحرب ( ابنائهم بالحرب ) و اكو بعض الاقرباء راح اذكرهم لمن يصير موقف قوي يخص حياة البطل الاجتماعيو و يدخلون بي همة اما الاخرين فاني ما راح اشرح عليهم شي ابد لان اني كلامي عن البطل و حياتة العسكرية و الاجتماعية .

تحياتي للجميع و ان شاء الله البارت الجديد ينزل باجر و اتمنى ما اكون قصرت بطريقة السرد و نقل الاحداث التاريخية المهمة لكل عراقي