#مذكرات جندي مجهول
#للكاتب عبد الله محمود
* انتهت فترة ال ٣ اشهر الي جانت فترة متعبة و مملة كلش
* اجة وقت اجازتي بنهاية الشهر السادس و بطريق رجعتتي جان كل الي شاغل بالي سعد لان عرفت عن طريق جماعة الأرزاق ان كتيبتة شاركت بالهجوم على مدينة دهلران !!
_ انوب سمعت من الضباط و من السواق ان جيشنا انسحب من دهلران بس جنت كلش خايف علية و افكر ( خاف الايرانيين سوو هجوم مضاد بعد الانسحاب و استشهد بقذيفة مدفع ؟ خاف صار انزال عليهم و انقتل بالانزال ؟ ) كل هاي الاسئلة تفتر براسي و اني بطريقي للبيت و خايف و ادعي ( يارب ميكون الي ابالي صح ) .
* وصلت للبيت و اول ما دخلت و سلمت على ابوية و امي و كبل سألتهم :
سعد ويييين !؟
ابوية : لتخاف اخوك نايم بغرفتة فوك مابي شي
من سمعت هاي الجملة حسيت مثل الجبل و انزاح من صدري ! لدرجة ان جسمي خدر و نمت بهدوم الجيش بالصالة على القنفة
_ كعدوني حتى اتغدة و شفت سعد :
اني كبل رحت سلمت علية و كتلة : والله عبالي بيك شي لان سمعت اكو خسائر مو قليلة بدهلران
سعد : يمعود دخلنة للمدينة و رجعنة ثاني يوم ماكدرنة نقاتل و همة فوك الجبل و احنة مكشوفين
اني : الحمد لله ان مابيك شي
سعد : هذا طلع يخاف علية اكثر من مرتي ههه
* كملت غدة و بعدين رحت للفاتحة مال كريم ابن صديقة والدتي و شفت الصياح مال النسوان و اللطم و البجي و اختنكت كلش ! شكو واحد مات كدامي تذكرتة و شكو حادث صار وياي تذكرتة ! عاد دزيت ع أمي كبل :
كلتلهة : يلا يمة امشي نروح
امي : ابني قبل ساعة اجينة شلون اعوف المرة هسة عيب !!
كلتلهة : يمة اختنكت والله ماكدر بعد اني مخاوي الموت هناك انوب تريديني اشوفة بإجازتي هم !!
امي : ابني لعد روح انتة ارتاح و خلي احمد او سمير يجون بمكانك والله اني هم صوجي ادري بيك تعبان و جبتك بس شسوي هذا احمد نايم و سمير طالع وية جماعتة و سعد ودة مرتة لبيت اهلهة تريد تشوف ابوهة شسوي ، روح كعد احمد خلي يجي بمكانك .
اني : لا يمة اني راح انتضرج برة و انتي من تكملين وصليلي خبر وية واحد من الجهال .
_ رجعنة بالليل و دخلت للبيت لكيت احمد كاعد ع التلفون و كاضيهة سوالف و ضحك وية صديقة و سمير جان طالع للسينما يشوفلي فيلم هندي صرت عصبي كلش ! اني اصلا اعصابي تعبانة من الي شفتة جان اخذ التلفون من ايدة و اسدة :
CITEȘTI
مذكرات جندي مجهول
Istoriceقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...
