معشوقتي متوحده.

Part ; 45

" بعد مرور 5 سنوات "
سلطان وهتِاف عايشين احلى حياة وهتِاف تشتغل بشركه مع سلطان وعندها من سلطان بنت اسمها "ريف"
.
.
سطام بعد زواج اخوه بشهور خطب سمر وسمر وافقت وتزوجو وللحين ما جابو عيال بس يموتون على بعض ..
.
.
طلال ودانيه تزوجو وصار عندهم بنت واللي يصدم إن بنتهم " متوحده " وهالشي عقد طلال وده يلقى تفسير ليش بنته صارت متوحده ، بس دايم يكونون معها وهذي حياتهم ،،
.
.
بالنسبه لرجال ام طلال كانو مخططين مع اشخاص انهم يبيعون صفقه بس انخدعو وانسجن عنتر وكل الرجال وام طلال قدرت تهرب بس رغم هروبها كانت مريضه مره وكانت مقرره تروح لبيت ولدها طلال ..
.
.
عند أصيِل صار عمره 30 وكانت امه تحن عليه يتزوج لاكن رافض هالفكره من شدة حبه لـ شموخ ما زال عنده امل يلقاها وكان صامل يدور عليها وينتظرها طول العمر لان الحب ما يعرف العمر ولا شي الحب اللي يحمله أصيِل لـ شموخ كبير مره صعب احد يفهمه الا اللي حب من قلب ، ورغم انه بالعمر هذا كان يبين عليه شباب لانه مزيون وكان دايم يقول بنفسه : صارلي عن شموخ 5 سنوات وقلبي كل يوم يموت اكثر واكثر بفراقها صعب الفراق ومره وتوصف لحالته أغنية "تدري كثر ماني من البعد مخنوق "  اهخخ يا أصيل يا قلبي قلباه عليك.
.
.

" عند شموخ صار عمرها حالياً 19 سنه "
صحت بطلتنـا مـن نومتـها وهي تشوف الساعة إنبهرت وجت بتقوم لاكن طاحت وشعرها جاء بوجهها وصارت تضحك بـِ طفوله وهي تقول ، اليوم عيد ميلادي وبيصير عمري 19 سنه واخيراً صرت كبيره وقامت وهي ترفع شعرها بـِ إهمال وراحت للحمام "الله يكرمكم" وانطلقت وهي تلبس جينز وبلوزه القصيره واللي مطلعه نص بطنها وصارت تناقز على السرير وبعدها انسدحت وهي تحضن مخدتها وفجأه قامت تتذكر كل شي من وهي صغيرة بـ عمر 14 وصارت تبكي بـِ حرقه ، وهي تتنفس بـِ صعوبه وغرقت بـِ دموعها وودها تعرف ليش أصيِل تركها وفجأه فتحت كتابها وهي تكتب (ها انا الجأ لوحدتي وكِتابتي مُجدداً ها انا اسقط بعد  ما نهضت ها انا اصارع مشاعري بعد ان عمت بالهدُوء الداخلي ها انا اتألم بعد ان تعافيت ها انا ابكي بعدما ضحكت ها انا اعُود لوحدتي مُجدداً لا اعلم مَاذا اريد ان اكتّب؟
لااعلم ماذا سأقول؟
مُشتته ضعِيفه مُتعبه مُهلكه مكسُوره حزِينه بعدما كُنت مجتمعه قويه بخير سعيده !
اعِيش بعذابٍ مُهلك.
فهل سيتنهِي هَاذا العذاب فهُو مؤلم .
لم يعد بجُعبتي تحمل اي شيء اشعر وكأني مُحطمه تمامًا اشعر وكأنني اصارع نفسي نزاعات داخليه براكين ثائره !.
لا اعلم ماذا سأكتب اكثر؟هل لـِ الشوق بديل بكسر القُلوب؟
هل لـِ الشوق بديل بهذر الدمُوع!
تبقى الذكرى مُهلكه كاذبه
والشوق مُؤلم جداً .)
نزلت وهي متوجهه لـِ غرفة العجوز وشاهين كان يصرخ عليها وهو يهددها ،،
شاهين بـِ غضب : مالي دخل انتي قلتي لي ان شموخ اذا وصلت للعمر 19 بتزوجينها ليي يعني انا انتظرتها 5 سنوات .
العجوز بـِ عصبيه : شموخ انا ربيتها وماراح اعطيها لك وشموخ بتصير عارضة ازياء وقريب بعد !
شاهين وهو يدفها بقوه : شموخ لي يعني لي .
العجوز طاحت وهي تحس قلبها بيطلع : الله لا يسامحك يا شاهين .
.
.

" عند اسطنبول "
دخلت شموخ وهي معها سلاح : شاهين!!!
شاهين التفت وانصدم : شموخ شتسوين؟
شموخ بـِ صراخ : كيف تسمح لنفسك انك تدف وحده كبيره بالعمر !
شاهين بـِ عصبيه : شموخ هذي وحده خبيثه خطفتك من زوجك عشان هدفها وهدفها تبي تصير غنيه وتكسب شهره من وراء جمالك !
شموخ بـِ صراخ : اطلع برا لا اقضي عليك يالشايب العايب ولا تفكر اني بتزوجك اموت ولا اخذك .
شاهين خاف وهرب وشموخ طلعت وهي تشوف مجموعة رجاجيل ومسكت واحد من ياقته : لو اشوف هالحقير يدخل هذا البيت بموتكم انا ؟
الرجال : ابشري .
شموخ دخلت وهي متوجهه عند العجوز ،،
العجوز بـِ توتر : شموخ .
شموخ وهي تخفي حزنها : انا موافقه اصير عارضة ازياء .
العجوز استانست : جد يا بنتي .
شموخ وهي تهز راسها بالايجاب بس قلبها كان يدق بقوه وتحس هالشي غلط بس تجاهلت : المهم متى اروح!
العجوز وهي تعطيها المجله : شوفي في كل شي هنا .
شموخ وهي تناضر للمجله : تمام انا بروح لهم بكرا وبكون عارضة ازياء عشان اوفر لك علاجك .
العجوز بينها وبين نفسها : شموخ لو تدري اني خطفتها من أصيِل ولو تدري ان أصيِل جاء بالطياره بس ما قدر يلقاها ماراح تقعد هنا دقيقه .
شموخ حطت رجل على رجلها الثانيه : تتوقعين يقبلوني!
العجوز : نقول ان شاء الله يا بنتي بكامل حلاك ما اتوقع يرفضونك .
شموخ هزت بالايجاب : ان شاء الله .
العجوز : بسألك للحينك تحبين أصيِل .!
شموخ تضايقت من طاريه : تكفين قفلي على سالفته.
العجوز : لا جاوبيني مو انا امك !.
شموخ قامت وهي تفرك سلسالها اللي من أصيِل وشدت عليه وطاحت دموعها وبـِ غصه : اكرهه وحيل لانه تركني بالمكان المهجور ولا دور علي ولا همه امري ولا سأل عني كنت صغيره واحبه وهو تخلى عني خدعني الحقير خلاني احبه واتعلق فيه ليش سوا فيني كذا بفهم ليش وصارت تبكي بحرقه .
.
.
#معشوقتي_متوحده