معشوقتي متوحده.

Part ; 39

" عند عائلة كاران "
نزلو وهم متوجهين لداخل، كان سطام خايف من ردت فعل امه الحقيقه!
ابو كاران لف عليه : يلا يا ولدي ادخل هذا بيتك!
سطام بـِ دموع : يعني انتم عائلتي احس مُش مستوعب!
سلطان ضربه على كتفه : واخيراً صار عندي اخو ثاني ولا بعد تؤامي!
سطام وهو قلبه يدق وحضن سلطان : يديمك يا اخوي.
سلطان وهو يمسح على ظهره : ويديمك يا بعد طوايف اخوك انت .
ابو كاران مسح دموعه : يلا يا عيالي ادخلو عشان امكم تشوفكم !
دخلو سلطان وسطام وراء ابوهم واول ما دخلو قامت ام كاران من مكانها وعلامات استفهام براسها؟؟
ام كاران بـِ توتر : مين هذا ؟
نزلت دانيه وهي تصيح : هذا هذا هو اللي خطفني هذا زعيم العصابه شيسوي هنا ؟
سلطان وهو يهديها : دانيه اهدي اهدي !
دانيه بـِ خوف : شنو اهداء اقولكم هذا هو خطفني؟
ابو كاران بـِ صوت هجوري : دانيه اسكتي ! هذا اخوك سطام .
دانيه وهي تناضر لامها : شنو ءء؟؟
ام كاران ويدينها ترجف : سءطام تؤام سلطان !؟
ابو كاران نزل راسه بـِ حزن : ايي.
دانيه وهي مو فاهمه شي : بابا انت شتقول!؟
ام كاران ببكاء : يعني ولدي ما مات وكيف قالو لنا الاطباء انه مات كيف !
ابو كاران بـ حزن : استهدو بالله خلوني افهمكم كل شي!
دانيه وهي ودها تعرف كل شي : يعني سلطان وسطام تؤام يعني عندي اخو اسمه سطام وليش ما قلتو لي!
ابو كاران : وين كاران ؟
ام كاران : بغرفته!
ابو كاران : نادوه عشان يجي واقولكم القصه كلها ومنها يشوف اخوه الصغير .
دانيه راحت ركض وهي تنادي اخوها كاران بحكم إنه اكبر واحد فيهم ولازم يكون موجود ونزل كاران لهم وهو علامات استفهام براسه ..
كاران حب رأس ابوه : هلا يبه عسى ما شر ؟
ابو كاران بـِ فخر : الشر ما يجيك يا اكبر عيالي.
كاران أبتسم وهو جلس جنب ابوه : ايي يبه كلنا ودنا نعرف القصه!
ابو كاران بداء يشرح كل شي والكل كان متأثر وكانت ام كاران تحت تأثير الصدمه كان قلبها حاس إنه ولدها مات!
#فلاش_باك
صحصحت وهي تشوف ولدها سلطان وابتسمت وكانت تتفقد ولدها سطام انصدمت وهي تشوفه مو متواجد قلبها عورها قامت وهي تروح برا وشافها الدكتور ،
الدكتور : ما يصير تطلعين يا ام كاران!
ام كاران ببكاء : ولدي وين ولدي تكفون جيبو ولدي!
الدكتور وهو يهديها : انا اسف بس ولدك مات .
ام كاران بصراخ : لاا مستحيل ســطــام ولــدي مــسـتــحـيـللل!!!
.
.

"يتبع" #فلاش_باك
صارت تركض وهي تدور ولدها وجو الممرضات وهم يحسبونها وهي تصارخ بـ حرقه على ولدها صح شافته ولمته بحضنها بس ما شبعت منه وخذوها وهم يعطونها إبرة منوم ونامت بنوم عميق واستمرت على الوضع سنه كامله وهي مُش مستوعبه إن سطام مات
ورغم هذا قررت ما تعلم احد من عيالها عن تؤام سلطان هي وابو كاران والحمدلله كانو مستمرين حياتهم ويشكرون ربهم على النعمه ان عندهم كاران وسلطان ودانيه بس قلب الام صعب احد يفهمه الا الام وكانت تحس باحساس إن في امل تشوف ولدها الثاني بس كان عقلها يكذب خيالها ويقولها إن ولدها ميت وكانت تتقبل الامر!
" نرجع للواقع "
ام كاران يدينها ترجف وهي تناضر لـ سطام وبصوت يقطع القلب وفمها يرجف : تعالءء عندء امكك !
سطام انصدم من منظرها وقام وهو يركض لحضنها : يمه يمه انتي امي !
ام كاران بشاهق وهي تصيح وتلمه : سامحني يا ولدي سامحني ليتني ما صدقتهم ليتني انا ما كنت مستوعبه انك مت سامحني يا ولدي سامحني.
سطام وهو يبوس راسها ويدينها ويحط راسه برجولها : راح انتقم منه الحقير وربي لا انتقم منه حرق قلبك كل هالسنين علي وعيشني بكذبه الواطي!
ام كاران وهي تقومه من حضنها وهي تمسكه من وجهه : لا يا ولدي ما ابي اخسرك ابوك راح يجيب راسه ويوديه للشرطه بس انت خلك معي يا ولدي ما ابي يصير لك شي ما شبعت منك يا بعد طوايفي!
سطام وهو يبوس راسها وخدودها : انا معك يا يمه!
ام كاران وهي تمسح على راسه : واخيراً يا ولدي الحمدالله على كل شي الحمدلله رجعت لي الحمدلله انك عايش .. بعد دقايق اغماء عليها وشالها سطام بغرفتها وعطوها حبوب عشان تهدي نفسها ..
ابو كاران يهديه : معليه يا ولدي امك من الصدمه طاحت!
سطام ببكاء يقطع القلب : ادري اللي فيها .
سلطان وهو يحضنه : لا تبكي يا روح اخوك!
كاران وهو تحت تأثير الصدمه : سلطان وسطام تؤام؟
دانيه وهي تبكي : ايي ولد عم ابوي هو سوا كل هالفعايل الله لا يوفقه.
كاران راح يحضن اخوانه التؤام كان سلطان على اليسار وسطام على اليمين وصار يبكي معهم " العايله حزينه شوي ومتأثره "
.
.

" عند شموخ "
كانت قاعده بالمستشفى وهي تشوف الكل يلعب وصارت تمشي وهي تتذكر اول لقاء بينها وبين أصيِل كان مأخذها للعياده حقته وكان فيه اطفال وصارت تمشي وهي تشوف مكتب رقم "4" صارت تبتسم وهي تحس إنه مكتب أصيِل وصارت تركض وهي تحس بسعاده ..
شموخ بـِ صراخ : أصيِل أصيِل أصيِل انا جيت انا جيت!
دخلت وهي تشوف دكتور كان وجهه على الجدار ابتسمت وهي تنادي عليه بـِ أسم أصيِل ،،
الدكتور لف لها : هلا يا بنتي!
شموخ طاحت لعبتها وهي تشوفه مُش أصيِل وطاحت دمعتها بـ قهر : أصيِل أصيِل وينه!
الدكتور قام : عفواً يا طفله أصيِل مين؟!
شموخ وهي تناضر للمكتب وصارت تتذكر لما أصيِل عطاها اسكريم وكانت تناضر للمكان وهي تبكي وتشاهق وصارت تشوف اغراض بالمكتب وتكسرهم جاء الدكتور وهو يهديها وشموخ تضربه وتصرخ،
شموخ بـِ صراخ : أصيِل أصيِل لي هو لي !!!
الدكتور وهو يلقط إنفاسه : يا بنتي استهدي بالله واتركي بتموتيني!
دخلت العجوز وهي شاده على قبضة يدينها وراحت لشموخ وهي تعطيها كف قوي ومن قوة الكف شموخ طاحت وخدها تورم ولاكن ما وقفت وهي تكرر أسم أصيِل وكانت تبكي وتشاهق وهي تنطق إسمه وقلبها يعورها !
الدكتور إنصدم وهو يشوف حرمه كبيره تضرب طفله ومتوحده! وقال بحده : لو سمحتي ما يصير كذا انتي واضح عليك حرمه كبيره بس ما يصير تضربين هالطفله!
العجوز بـِ عصبيه : مالك دخل هذي بنتي!
الدكتور مصدوم : كيف بنتك! قولي حفيدتي؟
العجوز : ليش ماني ماليه عينك!
الدكتور وهو يقوم شموخ : قومي يا بنتي!
شموخ ببكاء : ابغى أصيِل أبغى أصيِل!
الدكتور : خلاص اهدي راح احاول ادور لك أصيِل!
العجوز وهي توقفه : وين على الله؟
الدكتور : البنت تبي واحد إسمه أصيِل وهي مريضه بالتوحد والواضح متعلقه فيه!
العجوز بـِ تصريفه : لا لا وين هي كذا واساساً أصيِل كان صديقها وتوفى عشان كذا هي مصدومه!
الدكتور انصدم : هاه الله يصبر قلبها واضح هالبنت متعلقه فيه.
العجوز : اي والله شنسوي عاد .
.
.
#معشوقتي_متوحده