معشوقتي متوحده.

Part ; 10

أصيل بـِ صدمه بينه وبين نفسه : شفيها ريما متغيره كذا غريب وضعها والله ، كأنها شاكه فيني او شي .
دخلت عليه بشاير : أصيِلللل!!!!
أصيِل انفجع منها : وجع طقي الباب مره ثانيه .
بشاير بوزت : والله عاد طقيته كثير ولا سمعتني وقلت افتح ولقيتك سرحان وش مخليك تسرح كذا !
أصيِل بنص عين : وش دخلك تحقيق هو؟
بشاير كشرت : لا حول الله بعدين انا اختك من متى تخبي عني؟
أصيِل تنهد : والله مدري شقولك .
بشاير بـِ إستغراب : قول شفيك!
أصيِل نزل راسه بـِ حزن : أحس ريما متغيره او شي .
بشاير : كيف يعني وليش تقول كذا ؟
أصيِل بداء يقولها كل شي : بس هذا كل شي .
بشاير شكت بالوضع : والله يا اخوي ما ودي ادخل بالنيه .
أصيِل : كيف يعني وش تحسين من وراء تغيرها ؟
بشاير توترت وخافت منه  وصارت تحك جبتهتها بتوتر: يمكن ءءء
أصيِل : يمكن وش تكلمي!
بشاير بينها وبين نفسها : احس إنها لقت غير اخوي والله هالريما غريبه .
بشاير وهي تغير السالفه : والله يا اخوي يمكن هي عندها سالفه او يمكن تعبانه مدري والله .
أصيِل شك فيها : تعرفين شي ما اعرفه؟
بشاير هزت بنفي : لا والله ما اعرف شي يا اخوي .
أصيِل بـِ إرتياح : تمام اطلعي بنام .
بشاير : نوم الهنى ، وقفلت الباب وراها .
.
.
ام كاران : الا كاران ما ودك اخطب لك !
كاران وهو يتابع مبارات ويشرب الشاهي : والله يا يمه ما ودي بعيش حياتي .
ام كاران قامت وفصلت التلفزيون : اقول وش تعيش حياتك بتصير شايب وانت ما تزوجت ضبط امورك والبنت بدورها لك وغصبن عنك تتزوج .
كاران بـِ ضيقه : يعني الواحد ما يعيش كل همكم زواج زواج مافي بالدنيا الا زواج!!
ام كاران بـِ غضب : اذلف لغرفتك وكلامك مفهوم بعدين سلطان اصغر منك ويبي يتزوج وانت هذا انت الشيب طلع من راسك كش عليك من ولد .
كاران دخل غرفته وهو ما وده يتزوج يكرهه طاري الزواج ويكرهه احد يتدخل بِـ شي يخصه .
.
.

" عند بيت ابو طلال "
ام طلال : طلال ولدي تعال ابيك .
طلال قام : هلا يمه امري!
ام طلال وهي تناضر يمين ويسار : اشوا ابوك نايم اسمع شقولك .
طلال : هلا امري يالغاليه .
ام طلال : ابيك تأخذ شموخ لدار الايتام .
طلال فتح عيونه بـِ صدمه : يمه شتقولين!
ام طلال بـ عصبيه : اللي سمعته ونفذ كلامي .
طلال بـِ خوف : يمه تدرين ان ابوي منجلط لا تجلطينه تكفين ترا انا بروحي مو قادر اسامح نفسي لان اختي ..ما يمدي يكمل الا قاطعته بـ كف قوي "
ام طلال بـِ عصبيه : اوص ولا كلمه تفهم! تلوم نفسك ليش شموخ هي من انولدت فيها التوحد .
طلال وهو ماسك مكان الكف : الله يسامحك يا يمه فكري بـِ ابوي .
ام طلال وهي تأشر على الباب وفيها غضب : برا قلت لك برا .
طلال طلع بسرعه وام طلال قررت تأخذ شموخ ولاكن كان ابو طلال بعيد عنهم وسمع كل شي وحس نبضات قلبه تتسارع وهو يتردد باذنه (شموخ فيها التوحد،شموخ فيها التوحد) طاح من طوله وهو يحس قلبه يعوره صار يحبي وهو يروح لغرفة بنته شموخ فتح الباب وهو يشوفها تلعب بـِ ألعابها وصارت دموعه تنزل لا ارداياً وقرب منها وهو قلبه يطق بقوه لان امها وصته عليها يكون لها اب وام بنفس الوقت ..
.
.
" بالعيادة للأمراض التوحد "
دخلت وهي لابسه فستان قصيره وكان جسمها مبين وضيق على جسمها دخلت عند غرفته : حبيبي .
مروان انصدم من منظهرها : اءء أصيِل ما جاء .
ريما دخلت عنده : متى بيجي!
مروان وهو يحاول يلف عنها : بيجي بعد ساعتين .
ريما تقدمت وجلست بالكرسي وكانت مقابل وجهه : وانت وش تشتغل!
مروان بـِ توتر ما قدر يقاوم وصار يناضر فيها ويبلع ريقه بـِ صعوبه : اءء ليش تسألين!
ريما ضحكت بـِ خفه ومروان تخرفن عليها : والله بس من الطفش اسأل .
مروان ابتسم بـِ تسليك : اها .
ريما نزلت الكعب وحطت رجولها بالطاوله  انصدم مروان من المنظر وصار يبلع ريقه "
مروان قام : عن اذنك بروح اجيب قهوه تبين!
ريما وهي تنسدح بـِ تعب ومأخذه راحتها : ايي .
طلع مروان وهو يكلم نفسه : اعوذ بالله هذي جايه تسوي لي اغراء ولا شجوها الله يصبر أصيِل عليها .
.
.

" عند أصيِل كان بالسياره وفجأه جت بباله شموخ وصار يتذكرها وحس نغزات بـِ قلبه وصار يفكر يروح لها يتطمن عنها ولا لا وضل يفكر ويفكر وقاطع تفكيره إتصال من مروان "
أصيِل : هلا ؟.
مروان بـِ عصبيه : وينك يا رجال دايم مخليني لحالي!
أصيِل ضحك : معليك بجيك والله .
مروان : كلزق يا رجال تراك إبلشتني بـ شغلك .
أصيِل وهو يشرب قهوته : شفيك معصب الحين!
مروان وهو يتذكر منظر ريما : خلاص خلاص اذلف .
أصيِل : ذلف عليك جني .
.
.
تقدم ابو طلال وهو يبكي : سامحيني يا شموخ تركتك عند الوحوش عشان يسون فيك كذا .
شموخ وهي تهتز وتبتسم : لا رد .
ابو طلال وهو مو مستوعب إن بنته مريضه بالتوحد وقرب وهو يمسكها : تكفين يا شموخ صيري طبيعيه تكلمي مع ابوك قولي لي اي شي تكفين يا بنتي .
شموخ وهي تصرخ : اتركني اتركني اتركني .
ابو طلال ببكاء : تكفين يا بنتي قولي كل شي بقلبك انا السبب انا باللي صار لك .
ام طلال دخلت مفجوعه : شفيكم!
ابو طلال قرب منها وهو يخنقها : انتي انتي بسببك بنتي صارت متوحده .
ام طلال وهي تحاول تفكه وتحس بتموت منه : اتركني يا كلب تزوجت علي وهذا قليل بحقك .
ابو طلال شد على رصة اسنانه : سوي فيني انا اللي تبينه بنتي مالها ذنب مالها ذنب يا حقيره .
ام طلال ضربته ودفته بقوه وركضت وهو إبعد شموخ وسكر الباب وراح يجري وراء ام طلال وكانت ام طلال مكسره كل شي بالصاله "
ام طلال مسكت السكين وحطته وراها : ابعد يا حقير .
ابو طلال وعيونه محمره من العصبيه : كله بسببك وبسببك عيالي كانو يكرهون اختهم انتي السبب .
ام طلال وهي حاطه سكين وراها : انت فضلت بنت الفقر علي وبنتها تتعاقب لانها خذتك مني .
ابو طلال  قرب وهو يبي يذبحها: الشرع حلل اربعه شموخ مالها دخل
ام طلال طلعت سكين وطعنته ٣ طعنات وكان فاتح فمه والدم ينزف منه وطاح على الارض وام طلال طيحت السكين وهي تشوف يدها مليئة بالدم صارت قاتله تجمدت وهي ترتجف بقوه وتبتعد بخطوات وتشوف زوجها اللي مرمي والدم مليان بكل مكان .
شموخ طلعت وهي تشوف ابوها مرمي وكان الصاله مليئة بالقزاز وصارت تمشي وهي تشاهق : بابا بابا بابا ورجلها كلها دم ووو
.
.
#معشوقتي_متوحده