في جحيمهم عالقة

بارت (16)

_ماكو شي خوالي هسة تصيرين زينة باباتي وليهمج

_خالو بروح الزهرة بروح امك كلي شصار شفتة بعيني اجة باتجاهي شي كلش بشع بشع يخوف

_ماكو شي بعد خالج اهدي

_باوعت لامي وخالتي يبجن كلتلهم بداعتي كلولي شصار ووين راح هو اني شفتة ركض وراي

_خالي طلعتي تركضين وتبجين تصيحين اجاني مراح يعوفني لزمناج اثنيناتنة وخالتج قرت قرآن علئ راسج والف استغفر الله شلتي القران وركعتيها
وكمتي تشيلين تراب وتذبين علئ راسج

_بجيت علئ وضعي بجيت علئ حالتي نمت بالشارع بحضن خالي واني ابجي علئ حالتي وعلئ كلشي بشع شفتة والخوف العشتة نمت وكعدت الفجر صلينا ورجعنا لبيتنا البغداد كعدنا نتغدة بس اني بلا نفس حتئ جهالي ما اريدهم وما ادري بيهم وين وكلتني امي ورديت نمت كعدت بالليل اصيح وابجي احس اكو واحد يلزمني وشخص يشاورني بالليل لو شخص يحضني وما اشوفهم بس احس بيهم تازمت حالتي جدا خالي جاب شيخ طب علية باوعلي وكال

_متلبسها جني جيبولي مي وملح و خل

_جابولة كلشي ضل يطلب اشكال وطلب خمس ملايين ومجاب نتيجة جاب خالي اربع الئ خمس شيوخ وكلهم جذابين بس يريدون فلوس الئ ان جزعو من حالتي رحت لخالي بيدي سجينة مدري شجنت افكر كتلة خالي كوم موتني باوعلي بحزن وسحبها من ايدي وحضني وكال

_تنحل وداعتج اكو الله خلي عينج بعين الله سمعت شيخ يعالج بالقران ومو جذاب لان حتئ فلوس مياخذ شتنطينة ياخذ تمام سمي بسم الله وثقي بالله وثقي بية

_بجيت علئ حالتي خالو والله تعبانة حيل

_باجر من الصبح اني يمة ماشي

_ماشي كاعدة علئ القنفة وامي كبالي سمعت تلفونها دك سديت المبايل مو طايقة اشوف واحد صرت اخوف عبالك اني جني امي كامت لمبايلها فتحت خط اسمعها تسلم وتجر حسرات جابت المبايل خلتة بوجهي هذا حسين باوعلي يبجي

_باعي وعلي بعد ما احاجيج وحق الله ما احاجيج بس صيري زينة وكومي الجهالج تعبو حيل بدونج اني ادري بروحي حيوان بس هم شنو ذنبهم شدي حيلج علمودهم بعد ما اسويلج شي والله شدي حيلج وساعدي نفسج

_ضل يحجي ويتوسل واني مثل الخشب ما انطيت اي ردة فعل ما احس بشي حاسة نفسي نعسانة رغم اغلب وقتي نوم بس نوم مو براحة صار فوك ال4 اشهر ماكو نوم طبيعي نمت اني وكوابيسي بالصالة ساعة تقريبا واجة رجال دخلو علية بالعادة اذا اسمع صوت رجال اطفر البس حجاب بس ما انطيت اي ردة فعل دخل علية الرجال وجهة نوراني كلش حلو راحة نفسية اشوية وشفت غير خلقة كمت ركضت برة ولزموني امي وخالتي عتيتهم عت اريد افك روحي بس اقوئ مني لزموني ورجعو كعدوني يمة بالكوة باوعلي بهدوء وابتسامة خلة ايدة ع راسي

_اشلونج باباتي

_موو زيينة كلش مو زينة

_ميخالف تتحمليني اشوية حتئ ترجعين زينة ونحل هذا الموضوع