#طوبى "جنة طوبى"
#جمان_فريد
#الجزء_108"كانون الثاني/2020"
☆احداث هذه الروايه معظمها واقعي وحقيقي مع اضفاء لمسة من الخيال لزيادة المتعه والتشويق..تبدا من سنة 1996..تنتهي 2022☆
🚫الـرجـــــــــــاء الـــتـــركـيــــــــز عـلـــــى الـمــــــــرور الـــزمـنــــــي و الـتــــواريـــــخ والأيــــــــام]
#فضل_الصلاة_الإبراهيمية
🌼وإذا لزمت الصلاة الابراهيمية واكتفيت بها عن باقي الأذكار فاعلم أنك لزمت أفضل الأذكار وأفضل الدعاء وأفضل العبادات
يكفي أن الصلاة على النبي هي العبادة الوحيدة التي تجعلك في إتصال مباشر مع الله والنبي والملائكة
فأي فضل يعادلها ؟!!🌼
🌿🌿🌿🌿🌿🌿🌿🌿🌿🌿🌿🌿🌿🌿🌿🌿
🍃أختارُ الصُمُود دائِماً لَستُ أنا الَّذِي يليق بهِ الإنهِيار🍃
________________________________________
في أحد الأماكن العامه..
سياراتهم مدرسة ورا بعض...
وهما مقابلينهم كانوا مقعمزين ع جذع شجره واحد يتكلم والتاني يسمع وغضب والم الدنيا كلها في قلبه..
عبد الرؤوف:مفروض مافكرتش في حاجه زي هادي بكل القصه ومافيها انهم خايفين عليك ومايبوكش تخش في المشاكل ماسمعتش الحاج شن قالك..قالك دير عيلة وانت مرتاح!..
سكت شويه وهو يراقب في ردة فعله..
ايديه اللي ضامهم لبعض وقاعد يشد عليهم بقوة خلوا عبد الرؤوف يعرف ان غضب التارقي من الكلام اللي سمعه زاد مانقصش..
تنهد وقال..
/باهي لو نجوا نفكروا فيها بالعقل نلقوا كلامه مزبوط..هي توا اختها بتاخد خو طليقها معناها بتولي علاقتهم كعيله ببعض واكيد مهما كان حتواصل اختها واكيد حتتلاقى مع الجالي..انت تقدر تتحمل حاجه زي هادي!؟..فرضنا ان الجالي مازال حاطها في راسه متوقع لو عرف انها بتاخد واحد تاني وهالواحد هدا انت متوقع شن يطلع منه!؟ انت تعرفه كويس!
هدا غير خوها مختار اللي حاط عينه ع الحوش ويبيه بأي طريقه متوقع لو تاخدك انت شن حيدير بش ياخد الحوش..تي هدا اغتصب من ناس ارزاقها وحقوقها بأوسخ الطرق واللي داره في اخته قبل يخليك تفكر انه يدير فيها ماهو اسوأ بش ياخد اللي يبيه...فكرت في الوضع كيف بيكون؟حياتك لو خديتها شن بيكون شكلها!؟ معامع ومشاكل ياراجل ليها اول ماليها اخر والحاج علي لأنه يعزك مايبيش يضرك ويبيك تعيش مرتاح...
نزل ايديه وهو يقول..
/شفت اللي حكيت عنه توا.؟قاعد اهون عليا والله اهون عليا من انها تكون مش نصيبي..ياعبدالرؤوف نقولها بصراحه ومانيش متحشم منك..راحتي معاها هي حتى لوكنت عايش في جحيم..ومن غيرها عمري ماحنرتاح..
شافله كويس وقال..فهمتها هذي وصلاتك..! كان فهمتها ووصلاتك وصلها للحاج علي..
وناض ومشي لسيارته وهو يقول..
/ماتجيش وراي..
فتح الباب وركب وشغلها وتحرك طول..وخلا عبد الرؤوف متأسف ع حاله...
🍃وروح عبد الرؤوف وطول الطريق وهو يفكر في كلام عبد القيوم..فكر انه الوحيد اللي يستحق طوبى..مش بس من كلامه هدا..افعاله قبلها كلها كانت تبين انه مستعد يدير كل شي ع خاطرها..
لكن مع هذا..يقعد هالتفكير عاطفي محض..لأن مرات لو انحط التارقي في وسط المواجهات اللي تعيشها طوبى يتغير موقفه ويندم...
عبد الرؤوف فكر هكي بسبب اللي عاشه مع غرفه وعيلتها تمنى في بعض الاحيان لو ماكانش ارتبط بيها..
والمشكله اللي صارت بيناتهم والكلام اللي قاله لغرفه وقتها خلاها هي واهلها يفهموا هالشي كويس...
🍃غرفه اللي طلعت توا للجنان بش تقطف فل من الشجر وهي تقول..
/صقع صقع..سميتري..
دق باب الحوش..سمعاته..ووجهت نظرها ليه..بعدين مشت بتفتحه..
وصلت فيه وقالت..
/مني.
"افتحي"
غمضت عيونها بغضب بعدين فتحتهم..
شافت للباب بإزدراء..فتحاته ومشت طول..
خش مختار وهو يشوفلها بإبتسامه جانبيه..سكر الباب..ولحقها وهو يقول..
/اوقفي شويه نبي ندوي معاك في شي يخص راجلك..
وقفت غرفه والتفتت وهي تشوفله بحده..
قدملها لين وقف قدامها..عقد حواجبه وقال..
/قالوا عايرك بيا!؟
قعدت تشوفله بكره بدون ماتتكلم..
حط ايديه في جيوبه بعدين تنهد وقال..
/سلمنا جدلا اني واحد ماينفعش وبلي الدنيا كلها فيه هل هدا يبررله معايرته لمرته وام صغاره!؟
تعبوا عيون غرفه بالدموع ومازالت محتفظه بصمتها..
مختار:الراجل اللي يدير هكي في نظري مرته ماليهاش قيمه عنده ومش هكي بس..هدا نادم ع اليوم اللي خداها فيه..الراجل الصح واللي يقدر مرته عمره مايعايرها بحاجه توجعها..ممكن نكون سيء ومانصلحش زي ماانتوا تشوفوا لكن قدرت ننفعك ونكشفلك حقيقة الراجل اللي قاعده معاه..
رمشت غرفه عيونها بسرعه بعدين لفت بتمشي هو رجع وقفها لماقال .
/تو بعد ماياخد المهدي سدرة وتشوفي بعيونك الفرق بين المهدي وعبد الرؤوف تقتنعي بكلامي..
كملت طريقها بسرعه وخشت الكوجينه وسكرت الباب بقوة.
وهو بملامح وجه باردة مشي لباب الحوش الدخلاني..
وصل فيه..طلع شيشة الكحول بخ بيها الباب وايديه بعدين دق عليه..
🍃🍃🍃🍃🍃
"تدوي جديات بتجيبها للشقه هادي!؟"
المهدي:ايه وهي راضيه بالحاجه هادي..
نسرين بشي من القلق..
/يستر الله وخلاص..
المهدي:كل حد ينحطله حدود من توا..واني نعرف سدرة كويس ماتشريش المشاكل..
سميرة؛ايه والله وكان متاع مشاكل حق راهو ماخلت مادارت بعد سمعت باللي لأختها..
تنهدت نسرين بعدين قالت..
/هي هكي صح..لكن غيرها!؟
المهدي؛قتلك كل حدينحطله حدود من توا اللي يفكر يتخطاها يتحمل مايجيه مني كان يكون..
نسرين:باهي ماتبي تغير في الشقه شي!؟
المهدي؛ولا حاجه غير دار النوم الباقي بيقعد زي ماهو..
نسرين؛نحسها صعبه شويه..
سميرة بإبتسامه؛سدرة تبي هكي ع خاطر الصغار..
ابتسم المهدي..
نسرين شافتله بإبتسامه وقالت..
/كان هكي باهي ربي يكمل ع خير..
🍃🍃🍃🍃
"آمين..وبما ان الفاتحه يوم 23 اكيد حددتوا مكانها"
سدرة؛من قبل مانحددوا التاريخ في حوش خالي..
ضيق عيونه بإبتسامه بعدين هز راسه وقال..
/احسنتي الاختيار..
ابتسمت طوبى وحطت يدها تحت خدها وهي متكيه بمرفقها ع فخدها..
مطيرة:معاش في وقت بنبدوا نطلعوا من غدوة..
سدرة هزت راسها بصمت..
مختار:ماتبي شي!؟
سدرة:وجودكم انت ومرتك بس..
ابتسمت فاتن..
مختار:مفروض مانسألكش تو نعرف شن نجيب بروحي..
"طوبى"
طوبى ناضت وطلعت من الصاله بسرعه..
مختار:وين جنو؟
اريج:مالهاش هلبه راقده..
مختار:ردوا بالكم عليها الجو مصقع ووباء وهم..شاف لغرفه لقاها سرحانه قاللها..حتى انتي ردي بالك ع صغارك..
كلهم شافوا لغرفه لقوها سرحانه ومش معاهم..
سدرة؛غرفه..
استاقظت وشافت لسدرة .
سدرة؛مش معانا شكلك!؟
غرفه؛لانسمع فيكم كنتوا تحكوا ع يوم الفاتحه
ع خشة طوبى مع جدها وهي شاده في يده..
ناضت اميمه خدت الكرسي وحطاته قريب عليه..
وهو قال:احسنتي..وقعمز عليه..
رجعوا اميمه وطوبى لأماكنهم وعلي شاف لسدرة واشر ع مختار بعكازه وقال..
/قالك ع شن تفاهمنا!؟
مختار بإبتسامه؛بالتفصيل ياحاج..
علي:وجهت كلامي لسدرة..
هز راسه وهو مبتسم ومرته تشوفله بشي من الضيق..
تنهدت سدرة وقالت..
/ايه ياجدي..
علي:ماعندك شي تقوليه؟
سدرة؛لاياجدي ماعندي اعتراض ع شي ولانبي شي..
مختار لفاتن:عطيني ميه..
فاتن؛حاضر..قربت صفرة طواسي الميه المسكرة خدت وحده ومدتهاله..
طلع شيشة الكحول بخ يده وخداها منها وبدي بخبخ في الطاسه.
وجده يشوفله بطرف عينه..
واللي حواليهم مركزين وشادين ضحكتهم ماعدا غرفه اللي رجعت سرحت في عالم تاني..
فجأه رن تليفون طوبى مكالمة ماسنجر..
طوبى:مني زعمه!؟ وناضت طلعت للكوجينه..
مختار شرب شويه من الميه وقال .
/كلمتكم فردوس!؟
سدرة:ايه..
مختار؛امس كلمت عزيز ووصيته عليهم الوباء وصل للبلاد اللي هما فيها..
مطيره بقلق..
/ربي يسلم..
علي:والله مرات هالوباء يكون نعمه كان وصل فينا مرات يوقف هالحرب..وحرك يده من الخلف للأمام جهة مختار وهو يقول..ويرفع الشكالات المقلبه..
فاتن قلبها وجعها شافت لراجلها بقلق..
واللي حواليها اظاهروا انهم ماركزوا على شي..
ابتسم مختار وقال..
/والله ياحاج ع مر التاريخ الاوبئة اللي جت للبشريه مارفعت كان الناس الباهيه..
مطيرة بفجعه..
/فالك في جعلالك ان شاء الله..
هو قعد يضحك..
وسدرة تمرر في نظرها بينه وبين جدها وهي تحرك في راسها يمين ويسار..
ع خشة طوبى وهي حاطه التليفون ع وذنها تقول..
/اهي وصلت فيها..مدت التليفون لسدرة وقالت..
"خالتي سالمين"..
سدرة بلعت ريقها وناضت خدت التليفون وردت وهي تقول..
/ايوه خالتي سالمين..ومشت طلعت من الصاله وهي تقول..الله يبارك فيك..
مطيره؛محلاها سالمين مافي مناسبه ولافي شي صار معانا ماكلمتناش..
طوبى:لولا الظروف اللي صايرة ماقعدتش علينا..
غرفه بتهكم..
/فيها الخير مش زي هلبه ناس لاعرفناهم في فرح ولافي حزن..
طوبى بإنزعاج؛فكينا في سيرتهم..
هاديه؛مشيتي للشرق قبل مطيره!؟
مطيره بإبتسامه؛مريرة وحيده ع قد ماسهفتني وردة للمشي غادي مشيت معاهم لحوش سالمين وجبريل كان في***** وقتها..عليك حويش كان مش عارفه كيف طاوعتهم قلوبهم وحولوا منه احلى شي فيه جنانه يرد الروح..
طوبى بإيتسامه..
/ولوله توا..
مطيره وهي متفاجئة:الله!؟
طوبى:ايه ليهم فترة..
🍃هالحديث يدور وفاتن تسمع فيهم وهي تشوف لمختار بخوف..
كان جامد في مكانه وهو يشوفلهم ويسمع فيهم ولمعة الدمعه في عينه..غيرت نظرها ليده اللي شاد بيها الطاسه لقتها ترجف..شافتلهم تبي تسكتهم مش عارفه كيف..
غيرت نظرها لعلي الواعر لقاته يشوف لمختار بنظرة مش مفهمومه استغربتلها..
...مطيرة؛والله احسن ماداروا الحوش وين يبدا فيه ذكريات حلوة مفروض مايفرطوش فيه صحابه..
طوبى:صح..ضيقت عيونها وقالت..حكتلي مرة ع شجر الفل والياسمين اللي كانوا عندهم قالت كانت عندهم وحده غادي تخدم عندهم تقريبا خدت من امي العاده متاع حطة الفل والياسمين في سفرة القهوة..
مطيرة بإبتسامه؛ماننساها بكل هديكا البنيه محلاها محلاها..اسمها عزيزة..
وفي لحظه..
كلهم وجهوا انظارهم لمختار لما سمعوا فاتن تنادي بإسمه..
لقوا طاسة الميه طايحه من يده..وهو ناض يقول..مافي شي مافي شي..عرضيه..ومشي طلع من حداهم وهو حاط يده ع صدره ويدلك فيه..
لحقاته مرته تجري..وخلوهم مصدومين من اللي صار..
لكن الوحيده اللي ناضت لحقتهم طوبى..
هي طلعت من هني..وسدرة جت للصاله من هني بعد مانهت المكالمه شافتها طالعه بسرعه لحقتها بدون ماتخش الصاله وتسأل اللي فيها..
🍃فاتن بخوف..
/مختار اطلع نرفعك للمصحه اللي هني..
حرك راسه بالنفي وهو يدلك في صدره مكان القلب..
جتهم طوبى وقالت..
/تشكي من قلبك!؟
فاتن قالت بضيق..
/لا..
طوبى:عندك مرض في صدرك!؟
مختار بشي من الوجع..
/مافي شي ماعندي شي..
طوبى:خش للمربوعه خش..
فاتن:تعالى..شداته من ذراعه ومشت بيه للمربوعه وطوبى لحقتهم..
🍃خشت بيه فاتن وقعمزاته ع اقرب كرسي..
وهو ياخد في النفس بشي من الصعوبه..
طوبى:صايرة معاه الحالة هادي قبل؟!
فاتن بقلق..
/رقداته في المستشفى
طوبى؛من شن يشكي بالزبط؟!
سعل مختار مرتين بعدين قال بإنزعاج..
/شي..شي..
طوبى قعدت تشوفله شويه بعدين قربت منه..حولت يده وحطت يدها في مكانها وبدت تقرا بصوت مسموع سورة الفاتحه..
هو قعد يشوفلها بتعب..وهي تشوف ليدها وتقرا..
وفاتن تسمع في صوتها وهي تقرا حباته هلبه..
عاودت طوبى تقرا..ومختار بدي يهدا شويه شويه..
حست طوبى ان قلبه معاش يدق بقوة غيرت نظرها ليه وقالت..
/هاه شني!.
نزل عيونه وهز راسه بصمت..
بعدت طوبى شويه وقالت..
/ساعديه فاتن يتمدد ع الكنبه شويه..
مختار:لالا..اتصلي بالاقجم فاتن..
طوبى؛تبي تروح!؟
هز راسه بصمت..
هي قالت..
/انت حر..تصبحي ع خير فاتن..
ومشت طلعت من حداهم وخلت فاتن مستغربه تناقض تصرفاتها..
"كلمي الاقجم"
شافت لمختار بقلق وقالت..
/حاضر حاضر..
🍃🍃🍃
خشت طوبى للحوش وسكرت الباب بعدين مشت للصاله..
خشتلها مالقتش جدها قالت..
/روح جدي!؟
مطيرة بضيق:ايه..خيره مختار؟
طوبى؛شكله عنده شي في قلبه ومايبيش يقول..توا ولا احسن..
مطيره؛جينا بنطلعوا قالت سدرة مافيه شي..
طوبى بإستغراب..
/طلعت ورانا قصدك؟
غرفه؛ايه وولت ردت عمتي وخالتي صفيه..
دامت طوبى النظر لغرفه وهي مستغربه وغرفه تشوفلها بنفس النظره وكأنها تسأل فيها..
"شن في!؟"
مطيره بحسرة..
/ااه يامختار ياوليد وخيي انت جبته لروحك..
طوبى شافتلها شويه بعدين قالت..
/روحوا هاديه وخالتي صفيه واميمه!؟
غرفه؛ايه طلعوا مع جدي..
تنهدت طوبى بعدين مشت للدار...
مطيرة شافت لغرفه وقالت..
/سدرة متغيرة هلبه ع مختار..
غرفه؛حتى اني لاحظتها..
مطيره؛زعم عرفت اللي داره مع طوبى!؟
غرفه؛مش عارفه..اللي نعرفه ان الذاكرة رجعتلها بس..
مطيره؛ياودي كان تعرف حاجة زي هادي ماتقعدش هاديه هكي..
غرفه مطت شفايفها للأسفل بعدم معرفه..
تنهدت مطيره شويه وقالت..
/كان في حاجه تو تبان..شافتلها شويه بعدين قالت..شن دايرة مع راجلك؟
غرفه وهي تحاول تخفي ضيقها..
/شي عادي..
مطيره بشك؛حالك مش عاجبني موجعك مرة تانيه..
غرفه:لا والله ماصارت ومعاش تعاركنا بكل لكن اني الايام هادي نخمم في الكورونا مخوفتني هلبه..
مطيره بشي من القلق..
/والله حتى اني ربي يلطف بينا..
غرفه وهي تشوف فالفراغ..
/آمين..
🍃ومن الصاله لدار المعيشه..
كانت اريج مقعمزة شادة مذكرة وبيرو "قلم حبر" وسدرة تسميلها في الحاجات.اللي تبي تاخدهم..
وطوبى حداهم تلعب مع بنت وصغار اختها اللي كيف فاقوا من النوم..لكن عقلها كان يفكر في سدرة وطريقة تعاملها المتغيرة مع مختار...
🍃🍃🍃🍃🍃
"باهي ماقالش وين بيمشي!؟"
عبد الرؤوف؛لا حده قالي ماتلحقنيش وخلاص..
ربيع بضيق وانزعاج..
/قتله فوته الموضوع ماتصلحش بيك لكن هو سكر راسه..
عبد الرؤوف:جدها نفس شي قاله مش ليك لكن مش لعيب فيها بسبب ظروفها اللي حطوها فيها عيلة شنيبه..دمروها ودمروا مستقبلها..
سكت ربيع وهو مضايق..
عبد الرؤوف؛اني بس نبيك تنبه اللي اسمه الجالي لو ف عقله شي ينساه المرة هادي مش راحمه..
قال كلامه وهو يضرب بسبابته ع طاوله مكتب ربيع..بعدين مشي طلع وهو يقول..السلام عليكم..
تأفف ربيع وهو يقول..
/غير وين مشيت ياتارقي بس..
قام تليفونه ورجع اتصل بيه مرة تانيه وتجاوبه البداله..
"الرقم المطلوب مقفل"
🍃🍃🍃🍃🍃
الساعه 11:30ليلا..
عدل الدفايه ومشي خش للسرير وهو يقول..
/لتوا مستغرب ف جدك كيف مازال يعطي لعيلة شنيبه..
غرفه وهي ترقد في بنتها..
/يعرف شن يدير..
عبد الرؤوف؛هو هكي بيرد الجالي لحياة طوبى..
غرفه؛جدي ادرى بمصلحتنا مايديرش حاجه ضرنا بالذات طوبى..
ضيق عيونه وقال..
/خيرك!؟ نحس فيك مش ع بعضك..
ناضت ومشت للسرير حطت بنتها وقالت..
/عادي..
عبد الرؤوف:مختار دار شي ضايقك!؟
غرفه شافتله شويه وقالت..
/عادي نطلع للسوق مع اختي غدوة؟
بدت ع وجهه ملامح ضيق حاول يخفيهم وهو يقول..
/عادي لكن تطلعوا بكري وتروحوا بكري..
غرفه:ايه بنطلعوا الصبح..
هز راسه وهو ساكت بعدين لحقها بعيونه ويسمع فيها تقول..
/بنمشي نشوف الولاد..وطلعت من الدار..
تنهد بضيق..تمدد ع السرير وتغطا بالبطانيه وقاعد عقله مشغوله بكل شي يصير حواليه..
🍀🍀🍀🍀🍀
وتمضي الأيام..
وسدرة بدت تجهز ف نفسها للإنتقال لمرحلة جديده ومختلفه من حياتها..واللي حواليها كانوا يحسسوا فيها انها عروسه ولازم تفرح وتكون اكثر شغف في انتظار اليوم اللي حتجتمع فيه مع حبيب عمرها..
وطوبى كانت اكثر من يسعى للشي هدا لدرجة انها فكرت دير حاجه ماتخطرش ع بال..همها كله اختها تحس بالفرحه اللي انسرقت منها بسببها قبل عشرين سنه..
🍃اما المهدي فكان شوقه في كل لحظه يكبر لهداكا اليوم وكله حماس وهو يعد في الساعات اللي ولوا في نظره اضعاف سنين فراقهم..
لكن بدون مايحسس صغاره بهالشي كان ع قد مايقدر يبان قدامهم عادي احتراما لمشاعرهم..
وامه قاعده هاجرة الحوش وهمها كله تضغط عليه وتخليه يتراجع..خلت خواله وخالاته يكلموه وانتهت مكالماته مع خالاته بعركه لكن مع خواله بعزومه ليوم عقد القران..
اما خديجه فقررت تسيب حوش بوها..لمت حوايجها ومشت قعدت في شقة الجالي ع قلب نجاة..ونجاه غصب قهرا رضت..
والجالي ولا همه شي من اللي قاعد يصير غير انه المسافات بينه وبين طوبى قربت وحيكون توا سهل عليه ينفذ مخططه بش يوصل فيها بسرعه..موهوم...
🍃من جهة تانيه..
كانت ابتسام حتى هي تسعى لتنفيذ مخططها ع رواق وبهدوء..خلت الصغار يقربوا من عمهم محي الدين ووين يجوا يقعدوا معاه وهو لقي روحه من شفقته عليهم وع حال امه نجمه متعلق بيهم..
وبنته راما بدت ملاحظه هالشي لكن اخر همها هي حاليا مهتمه بقرايتها بس ومخليه مسؤولية خوها الصغير ع عمتها عواطف اللي بدي تيم يتعود عليها..
لكن خوها الكبير اللي مخطط يدير في بوه مادار في خاله تراجع عن تنفيد مخططه بسبب الخوف ومع هدا قاعده رغبته في التنفيد حاضرة وتلح عليه في كل وقت...
🍃وانخطبت لبانه لمعز وبوها وامها مش عارفين وين يحطوا فرحتهم..واللي زيهم هما مفروض يفرح..
بسبب الظروف اللي عايشينها همهم كله يجي لبناتهم نصيب كويس ويعيشوا حياة مستقره تخليهم مطمنين عليهم..
بس قلب بنتهم سلافه المعلق بالأسمر التارقي كان مشغول عليه..ليه فوق الاسبوعين مافيش منه حس ولاخبر..
لاعاد جي لمقر الجمعيه..ولاالمدرسه..ولاعاد فتح نت..ومن خوفها عليه اضطرت تتصل بسامي وتسأل عنه..
********
سامي:قلتلها عنده خدمه برا طرابلس..
ربيع بضيق:لاحول ولاقوة الا بالله..تعرف مرات يخطر عليا نمشيله غادي بعدين نوخر مانبيش نزيد نضغط عليه ونتعاركوا..
سامي:خليه بروحه خير في الحالة هادي كان تبي تساعده خليه ع راحته يصفي ذهنه ويفكر كويس..
ربيع:ان شاء الله يفكر كويس وياخد القرار اللي فيه مصلحته..
سامي:إن شاء الله...
🍃🍃🍃🍃🍃
"سوفي شو رأيك حط هاللون ولا هاللون"
سلافه؛الاحمر حلو بيلبق للفستانين..
لبانه بإبتسامة فرح وحماس..
/انا كمان فكرت هيك..تعرفي سوفي لهلأ مومصدقه اليوم خطبتنا انا ومعز..
سلافه بإبتسامه؛التمام ع خير يارب..
لبانه؛آمين..وعقبالك لما تلاقي الرجال اللي بيستاهلك..
سكتت سلافه وبانت ع وجهها ملامح الضيق..
لبانه؛سوفي حبيبتي حاولي تنسيه..
ضحكت بتهكم ودموعها نزلوا..مسحتهم وقالت بنبرة مخنوقه..
/انسى مين وكيف!؟..انا مو قدرانه نام من خوفي عليه ومن شوقي لشوفوا..قلبي مو مرتاح حاسه انو صاير معه شي..هو بيسافر برا العاصمه كتير مشان الشغل بس ولامرة اختفى هيك..صارلوا اكتر من اسبوعين مادخل ع الفيسبوك ولاموجود ع ماسنجر..الوضع بيخوف ماهيك!؟
لبانه بضيق..
/مابعرف شو بدي قلك..ان شاء الله يكون منيح..
قالت؛يارب..غمضت عيونها محاولة منها لتهدئة نفسها بعدين فتحتهم..خدت نفس وزفرت..شافت لأختها وقالت..بعتذر منك ياقلبي دايقتك..قربتها باستها ع جبينها وقالت..يللا تعالي معي اعملك شعرك..
وخدت اختها ومشت قعمزتها ع قدام الزيانه وبدت تغنيلها وغيرتلها جوها لكن هي قاعد جوها متكدر وقلبها مقبوض..
🍃🍃🍃🍃🍃
"كيف يعني مايبيش يحضر الفاتحه!؟"
ربيع؛ع حسب وضع الخدمه..
المهدي سكت وهو يفكر..
ربيع؛مازال يومين للفاتحه مرات يحصل فرصه ويروح بش يحضر..
المهدي:مش عارف اني مش مقتنع بقصة مشية الخدمه هادي ومتأكد ان اللي صاير معاه يخص عيلة الواعر وانت تعرفه وحتى اني سيوري نعرفه..
ربيع بضحكه؛فوت ياراجل توا بس فكر فروحك بس ياعريس..
شد المهدي ابتسامته وهو يقول..
/برا اركب سيارتك برا..
ربيع؛باهي ناديلي اختك يامعلم..
شافله المهدي بنظرة حاده بعدين مشي خش للحوش وخلا ربيع يضحك عليه..
🍃🍃🍃🍃🍃
وبعيد عنهم بمسافات طويله..
في مكان خالي من البشر..وسط مزرعته الكبيره..
ع جذع الشجرة مقعمز...
الليل مخيم عليه..والنجوم معاه حاضره..
وهو يتأمل في حاجه شادها في يده..
مسبحتها الورديه المزينه..
بين عيونها..عيونها..وضحكتها الحلوة..
ووذانه يسمعوا في صوتها وكلامها..
وقلبه ذايب وسط ضلوعه من حبه الشديد ليها وشوقه الكبير ليها..موجوع ومتعذب ومايبيش يستسلم ولايسلم في حبه ليها..
تنهد تنهيده طالعه من اعماق قلبه..طلع تليفونه من جيب كبوطه الجلد"معطف"..فتحه وعيونه ع الشاشه..
لحظات وخش ع الفيس..وطول خش ع صفحتها..
"الحنه" بفتح الحاء..
لقي اخر منشور منزلاته كان اقتباس منقول من كتاب ابن القيم روضة المحبين...
🌼 س/ ازاي الأنثى تتأكد أن الشاب بيحبها ؟!
