تغريد - بداعت جهالج زمرد لاترحين هيج وتحجين بداعتهم لا تسولفين
زمرد - تغريد جهالي شعليييهم لا تدخلووهم بوساختكم
تغريد - ولج .. اووف يمه ليش ماتفهمين عليه انتِ لا تسرعين صدكيني التسرع مايفيدج
خليت ايدي على راسي احجي بفراغ صبر
- شتردين هسهتغريد - لا تحجين اي شي لا تحجين فدوه بس هل مره صدكيني مارح يصير شي اهدئي كُلشي ينحل وبعدين لطيفه متزوجه وعايشه حياتها بعد عليمن تحجين
زمرد - لوهله جنت متعاطفه وياج ومقهوره بس محد بيكم يستحق
دفعتها من يم الباب حتى اطلع تركتها وراي تهمس وتتوسل بيه اسمعها .. صعدت لفوك لغرفتي
كعدت على الجربايه من الطرف الثاني .. التفت على جهته شون نايم ذاب روحه من التعب يلي بي ، صرت احرك رجلي بتوتر و خوف
وعدته ما اضم عليه بس بنفس الوقت حلفوني شون اسكت يا ربي غمضت عيوني مرجعه راسي على تاج الجربايه
صار صدى صوت لهيم يبجي .. خلاني اصحى على نفسي و تفكيري
كمت اخذته خليته بحضني اهزه وادندن اله
صرت اضحك على ضحكته و حركاته بايده ويايزمرد - ها ولك شو حيل سخيف فاتح حلكك بس تضحك ماتجاوب يحلو شعندك ساكت
فزيت على صوت سميدع المبحوح من النوم
- بربج جاهل تحاجي هيجزمرد - ياا لعد غير ابني
سميدع - لعد هو هم ابنيزمرد - انت شعندك كعدت بعد وقت
سميدع - هو غير ضحكتج ترن رنزمرد - شتقصُد ماضحك ضحكتي محلوه
كام على حيله كوه مفتح عيونه تربع كدامي مخلي ايده على خده
اخذ نفس عميق يتأملنينزلت راسي على لهيم اخفي ابتسامتي احرك بي .. كطع الصمت وهو يحجي وياي بهدوء
سميدع - عود تستحي
زمرد - عزاا تقصُد اني ماستحي
سميدع - لا تستحين تصيرين طماطه
زمرد - عود ليش طماطه مو تفاحهسميدع - مو تفاحه مره خضره مره صفره مره حمره
زمرد - قنعتني صراحه
سميدع - افا عليج اني استاذ بالاقناع .. هاي من جنت ببطن امي اشتغل بهل سالفه بس بعد تعرفين امور الحياة تتغير
YOU ARE READING
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
بارت 32
Start from the beginning