Unicode
ထိုနေ့ကစပြီး Yoon Jaehyung က Jeonghan နဲ့ Cheol ကို မသိမသာအကဲခတ်ကြည့်နေသည်။ အပေါ်ယံမြင်တာနဲ့တင် ကလေးနှစ်ယောက် တစ်ယောက်ကိုယ်တစ်ယောက် ဘယ်လောက်ထိ သံယောဇဥ်ကြီးလဲ ရိပ်မိသည်။ သူလည်း ချစ်မေတ္တာကို လက်တည့်စမ်းကြည့်ဖူးသူမို့ သားဖြစ်သူ Jeonghan ရဲ့ ခံစားချက်တွေကို အတိုင်းသား မြင်ရလာသည့်အခါ သားကို ခွင့်ပြုပေးဖို့ အတည်ပြုမိလာသည်။ SeungCheol ဘက်ကလည်း ထပ်တူကျနေတဲ့ မျက်ဝန်းတွေနဲ့ ယုယမှုတွေက အလျှံပယ် ပေါ်ထွက်လာတော့ သားကို စိတ်ချသွားရသည်။ သူ့ရှေ့ရောက်ရင် သတိနဲ့နေနေကြတဲ့ကလေးနှစ်ယောက်ကြောင့် သူရယ်ချင်မိသည်။ နေ့တစ်ဝက်မကသော အလုပ်ချိန်နှင့် အလုပ်တွေကို သည်ရက်တွေထဲ လျစ်လျူရှုမိသည်။ တကယ်တမ်းလည်း သားကို အချိန်မပေးမိသည်က များသည်လေ။ Suri က Jeonghan၏ စာမေးပွဲအမှတ်အကြောင်းကို သူ့အား တိတ်တိတ်ကလေး ပြောပြကာ သူမ၏သားကို မဆူဖို့ အတင်းနှိုးဆော်လို့နေသည်။ ခါတိုင်းလည်း အမှတ်မကောင်းသည့်သားကြောင့် ထူးပြီးပြောမနေချင်သော်လည်း ဘာသာရပ်အကုန် ဘီရသည်ဆိုတာတော့ ဖခင်တစ်ယောက်အနေနဲ့ အော်ငေါက်ဆူပူချင်မိသည်။
သို့သော်လည်း သည်ရက်တွေထဲ စာကို ဒီဇိုင်းမတ်မတ်လုပ်နေသည့်သားကြောင့် စိတ်မရှုပ်သွားစေရန် ဆူဖို့အစီအစဥ်ကို ပယ်ဖျက်လိုက်သည်။ လူငယ်တွေက တစ်ခါဆူလျှင် မြေဝယ်မကျနာခံမည်ဖြစ်သော်လည်း ဖန်တစ်ရာထပ်အောင် ဆူခံရတာတွေ များလာသည့်အခါ တမင်ကို ဂျစ်တိုက်တတ်ကြသည်မို့ Yoon Jaeyoung စိတ်ကို တစ်ထစ်လျော့လိုက်ခြင်းဖြစ်သည်။
"အမေ Cheol အိမ်သွားမလို့"
Yoon Jaehyung အတွေးတွေက Jeonghan အသံကြောင့် တမဟုန်ချင်း ပျောက်ကွယ်သွားသည်။ Jeonghan က Cheol အိမ်မှာ စာသွားလုပ်လေ့ရှိသလို အိမ်ပြန်ရရင်လည်း Cheol က ပေးတဲ့ အိမ်စာ ဆိုပြီး စာထပ်လုပ်သည်။ ဤသည်မှာ Jeonghan ရဲ့ နိစ္စဓူဝလိုဖြစ်လာသည်။ ကျောင်းကဆရာတွေ အိမ်စာပေးလျှင် မသိချင်ယောင်ဆောင်တတ်ပြီး အိပ်ငိုက်နေတတ်သည့်သူက Cheol အိမ်စာပေးတော့ တစ်ပုဒ်မကျန်တွက်၍နေသည်။ အချိုးပြောင်းလာသည့် သူ့ကိုယ်သူလည်း Jeonghan ဂုဏ်ယူမိသည်။ သူအကျင့်ပျက်သွားရတာလည်း Cheol ကြောင့်၊ လမ်းမှန်သွားရတာလည်း Cheol ကြောင့်ပင်။ တကယ်ပဲ Cheol က သူ့အတွက် အိုအေစစ်လေးလို၊ Cheol ကသာ သူ့ရဲ့ ရှုံးနိမ့်ခြင်းနဲ့ အောင်မြင်ခြင်းရဲ့ ပြယုဂ်။ Cheol က သူ့ရဲ့အရာရာကို လက်ဖြောက်ကလေး တစ်ချက်ဖြင့် ခြယ်လှယ်နိုင်သလို သူကိုယ်၌ကလည်း ခြယ်လှယ်ခွင့်ပေးထားသည်။ တွယ်တာခဲ့ရတဲ့ နေရက်တွေမှာ Cheol နဲ့ အမှတ်တရတွေက ရစ်ပတ်နှောင်ချည်လို့။
YOU ARE READING
"DANCIN' On to Your Heartbeat"
Romanceမင်းရဲ့ရင်ခုန်သံစည်းချက်အတိုင်း ငါက ကခုန်မယ်။ သည်ခံစားချက်တွေက မင်းပါးချိုင့်ပါးပါးအောက်မှာ စီးဝင်သွားတာမျိုး။ Yoon Jeonghan ငါတို့နှစ်ယောက် ရင်ခုန်သံတေးသွားတွေမှာ စီးချက်ညီညီ ဖြတ်သန်းကြည့်ရအောင်။ "မင်းနဲ့ပတ်သတ်ရင်"ဆိုတဲ့ စကားစုတွေကို ငါသိပ်သဘ...