ညလေအေးတချို့က ကားမှန်ကနေတစ်ဆင့် တိုးဝင်လာတာကြောင့် အလွန်ကိုအေးလှသည်။ ခေါင်းကိုမှီထားကာ မူးဝေနေတာကိုပြောက်ဖို့ မျက်ဝန်းများကို မှိတ်ထားလိုက်သည်။
အေးလွန်းသည့်လေဟာ လက်ရှည်ဝတ်ထားတဲ့ အနောင်ကိုတောင် ချမ်းစေတာကြောင့် လက်ရှည်မဝတ်ထားတဲ့ မာမီသာဆိုရင် ဘယ်လောက်ချမ်းလိုက်မလဲ အနောင်သိသည်။ ထို့ကြောင့်မာမီအနားကိုကပ်ကာ ရင်ခွင်ထဲ တိုးဝင်လိုက်သည်။
ရင်ခွင်ထဲကို ဇွတ်တိုးဝင်လာတဲ့ကောင်လေးကြောင့် ကလျာဆက်အိပ်လို့မရတော့ချေ။ ချမ်းနေလို့နှင့်တူသည်။ ခန္ဓာကိုယ်လေးက အနည်းငယ်တုန်နေသည်ကြောင့် ပြန်ဖက်ပေးလိုက်သည်။
"အရမ်းအေးနေလား"
မာမီ၏ အသံခပ်ရှရှက အနောင်ရဲ့ရင်ကိုနွေးသွားစေသည်။
"နည်းနည်းပါ"
နည်းနည်းပါလို့သာပြောသည်။ အေးသည်ကြောင့် အသံလေးတွေက တုန်ရင်နေသေးသည်။
"မာမီရော အေးနေလားဟင်"
"ဟင့်အင်း ကိုယ်က အအေးကြိုက်တယ်။ ဒီလောက်တော့ ကိစ္စမရှိဘူး"
မာမီညာနေမှန်းအနောင်သိတာပေါ့။ ဒီလောက်အေးတာ မာမီဒဏ်ရာက ဘယ်လောက်တောင် နာနေမလားဘဲ။ သို့ပေမယ့် မာမီစိတ်အနှောင့်အယှက် ဖြစ်မှာစိုး၍ ဘာမှထပ်မမေးလိုက်တော့ချေ။
ကားလေးက တရွေ့ရွေ့နှင့်ပင် အနောင်နေသည့်တိုက်ခန်းကို ရောက်သွားတော့သည်။
မိမိတိုက်ခန်းရှိရာ ၅လွှာမြှောက်ကို ဓာတ်လှေကားဖြင့်တက်သွားရသည်။ မာမီက လမ်းတောင် မှန်အောင်မလျှောက်နိုင်ပေ။ အတော်ကိုပင်ပန်းနေပုံပေါက်သည်။
"မာမီ ကျနော့်ကိုတွဲထား"
မာမီရဲ့ ခန္ဓာကိုယ်ကြီးကို မနိုင်မနင်းတွဲကာ အခန်းကို ရောက်အောင် သွားလိုက်ရသည်။ အခန်းရှေ့ရောက်တော့ Bellကိုတီးလိုက်သည်။
၃ခါလောက်တီးလိုက်ပေမယ့် ဘယ်သူကမှလာမဖွင့်တာကြောင့် အနောင်ဇဝေဇဝါဖြစ်သွားရသည်။ အခုချိန်ဆို ဝေဝေက ရောက်နေတတ်ချေပြီ။ သို့ပေမယ့် တံခါးလာမဖွင့်တာကြောင့် မရောက်သေးဘူးဟုသာ အနောင်ထင်လိုက်သည်။
YOU ARE READING
𝐁𝐥𝐨𝐨𝐝𝐲 𝐋𝐨𝐯𝐞(သွေးစွန်းနေတဲ့အချစ်)🔞
Horror(ကြမ်းတမ်းသည့် စကားလုံးများ ပါသည့်အတွက် စာဖတ်သူ၏ သဘောထားအပေါ် မူတည်ပါသည်🔞) ဖခင်ကို မုန်းတီးနေကြတဲ့ အမွှာမောင်နှမ နှစ်ယောက် လောကကြီးထဲမှာ အကြမ်းတမ်းဆုံး လူသားတွေဖြစ်လာခဲ့သည် " Demonတွေက ဘယ်တုန်းက သူ့သားကောင်တွေကို လွှတ်ပေးခဲ့လို့လဲ့" သူတို့ဟာ ဘယ်သူတ...
