တွေ့လိုက်ရပါပြီ၊ စာကြည့်တိုက်မှာ စာအုပ်တွေ လှန်လှောရှာနေသည့် အဖြူပေါက်စလေး။
"Jihoon ရား "
Jihoon က သူ့ကိုခေါ်သည့် အသံကြောင့် လှည့်ကြည့်မိပေမဲ့ Hoshi ကိုလည်း မြင်တော့ အကြည့်ပြန်လွှဲလိုက်သည်။
"Jihoon မင်းနာသွားလား"
Jihoon က ခေါင်းခါသည်။ သို့သော် စကားတော့ ပြန်မပြော။ Hoshi က Jihoon ပုံစံကို စိတ်တိုင်းမကျတာကြောင့် ပုခုံးကနေဆွဲပြီး သူ့ဘက်လှည့်စေသည်။ ထို့နောက်
"အောက်နှုတ်ခမ်း နည်းနည်းရဲသွားတယ်၊ တောင်းပန်တယ်နော်"
လက်တစ်ဖက်က ပုခုံးကို ဖက်ထားပြီး နောက်လက်တစ်ဖက်က Jihoon ရဲ့ နှုတ်ခမ်းလွှာ ပါးပါးဆီ ကူးချည်သန်းချည် အလုပ်များနေလေတယ်။ Hoshi ပြောသလိုပဲ Jihoon ၏ အောက်နှုတ်ခမ်းက ရဲစွတ်နေပါသည်။ အသားအလွန်ဖြူသူမို့ ခန္ဓာကိုယ်အစိတ်အပိုင်း တစ်ခုခု နီရဲလာလျှင် သိသာလှသည်။ Jihoon စိတ်လွတ်နေချိန်မှာ Hoshi က သူ့ နှုတ်ခမ်းကို ကျူးကျူးကျော်ကျော် ထိတွေ့နေသည်။ သူတားလိုက်ဖို့ ခေါင်းထဲမရောက်၊ သည်တိုင်း ငြိမ်နေမိသည်။ မျက်ဝန်းမှေးမှေးတွေက အနည်းငယ်ဝိုင်းစက်သွားရုံကလွဲ မျက်နှာသေလေးဖြင့် Hoshi ကိုကြည့်နေသည်။
"ငါရုပ်ရှင်ကြည့်ချင်လို့ မဲအများကြီးထည့်လိုက်တာပါ။ မင်းမကြိုက်ရင် ငါမဲတွေ ပြန်ထုတ်လိုက်မယ်"
"..."
"အခုကော နာသေးလား"
"..."
"မင်းကော ရုပ်ရှင်မကြည့်ချင်ဘူးလား၊ တစ်ခါတလေတော့ အိမ်ထဲက အိမ်ပြင်ထွက်ပါအုံးကွာ"
"..."
"ကြည့်နေ။ တကယ်လို့ တစ်ယောက်ယောက်အိမ်မှာ ပျော်ပွဲရွှင်ပွဲ လုပ်မယ်ဆို မင်းအိမ်မှာလုပ်ဖို့ ငါပြောမှာ"
"မရ...!"
အနေအေးတဲ့Jihoon က သူ့အိမ်မှာ ဤကဲ့သို့ လူများနေမှာကို မလိုလားပါ။ ထို့ကြောင့် ရှေ့က Hoshi တရားရေလွှတ် တွတ်တွတ်ပြောနေသည့် စကားတွေကို ပြန်မတုံ့ပြန်မိဘဲ အခုမှ ပြောမိခြင်းဖြစ်သည်။ သို့သော် သူ့နှုတ်ခမ်းဆီ လက်ညှိုးတင်လာသည့် Hoshi ကြောင့် စကားလုံးတွေက ထိုနှုတ်ခမ်းလွှာကနေ အန်ကျမလာတော့။
YOU ARE READING
"DANCIN' On to Your Heartbeat"
Romanceမင်းရဲ့ရင်ခုန်သံစည်းချက်အတိုင်း ငါက ကခုန်မယ်။ သည်ခံစားချက်တွေက မင်းပါးချိုင့်ပါးပါးအောက်မှာ စီးဝင်သွားတာမျိုး။ Yoon Jeonghan ငါတို့နှစ်ယောက် ရင်ခုန်သံတေးသွားတွေမှာ စီးချက်ညီညီ ဖြတ်သန်းကြည့်ရအောင်။ "မင်းနဲ့ပတ်သတ်ရင်"ဆိုတဲ့ စကားစုတွေကို ငါသိပ်သဘောကျတာ...
အပိုင်း-၁၉
Start from the beginning