صوت استغاثه

صوت استغاثه 28

لتنسون التصويت + متابعه لحسابي✨

#الكاتبه_اماني_المحنه✨

꧁꧂_______♡_______꧁꧂

ريام حاطه راسه على جتف احمد ولازمين ادين بعض

احمد: حبيبتي بصراحه صار عندي فضول اعرف الامنيه الي تمنتيها قبل لا طفين الشموع؟ وليش باوعتي عليه يله تمنيتي؟

ابتسمت ريام ورفعة راسها وباوعت علي وجاوبت

: ليش تريد تعرف؟

احمد: هيج والله فضول

ريام: بصراحه تمنيت اضل وياك لاخر نفس اليه وكلما نكبر بالعمر يكبر حبنه لبعض اكثر..

احمد: الله شكد ارتاح لمن اشوفج قريبه مني وتفكرين بيه احس التضحيه الي سويتها الج انتي تستاهليها على هل حب والحنيه الي بيج..

احمد بهمس: تعاي اشاورج

اقتربت ريام منه وجان يبوسها على خدها، ريام ابتعدت خجلانه ونزلت راسها

احمد: فديت الخجلان اني

ابتسمت ريام باوع عليها احمد وكلها

: باجر بأذن الله راح نكمل عقد المحكمه سويه ونروح نشتري النقص مال مهرج

ريام: لا ماكو نقص بغراضي والله الي جبتو كلش كافي

احمد: اسكتي وخليها لو تشوفين شسوت بيه جان محجيتي

ريام: ليش شسوت هههههه

احمد: بهذلتني لمن شافتني اشتريت غراض العيد ميلاد تكول مكان ما تكمل غراض البنيه يالغبير هههه،

وكف احمد وكمل كلامه: يله حبيبتي بعد راح اروح اكول لابوج علمود عقد المحكمه حتى نروح سوه..

ريام: تمام حبيبي

كامو ريام واحمد للاستقبال

احمد: عمو صالح باجر ان شاء الله نكمل عقد المحكمه واجيت اكلك حتى تجي ويانه

صالح: لا وليدي ما تحتاجوني وياكم بالمحكمه روحو انتو وامهاتكم..

ام احمد: طبعا احنه من بعد اذنكم راح نعقد عقد المحكمه وثاني يوم نسوي الزفه لان احمد مستعجل لان تعرفون تأخرو هواي وهل شي مو لصالح احد..

صالح: البنيه بتكم بعد وهل شي بكيفكم تاخذوها شوكت ما يعجبكم

احمد: مشكور عمو على تفهمك.. يله بعد احنه نستأذن

صالح: بعد وكت يابه وين رايحين

احمد: والله ورانه كعده من الصبح عمو ومشكورين على الضيافه..

طلعو احمد وامه.. ريام طبت للغرفه تبدل ملابسها والفرحه مرسومه على وجه، منار لحقتها للغرفه وسدت الباب
منار شافت ريام مبتسمه وفرحانه كعدت على جربايته وكالت الها