صوت استغاثه

صوت استغاثه 17

لتنسون التصويت + متابعه لحسابي✨

#الكاتبه_اماني_المحنه✨

꧁꧂________♡_______꧁꧂

ابو عمار صار يرافس مختنك تحت اديها وهيه تنضرله بحقد ومستمره بخنقه بالقلاده الي لبسها الها وصار يتحكم بيها ودمرها فوك الدمار الي جانت عايشه بي،
ابو عمار كدر يقاومها ودفعها بدينه وطيحه من الجربايه على الكاع،
اخذ شهيق وزفير وصار يفرك برقبته لان ريام جانت ضابه القلاده على رقبته..
نوب كام الها معصب وشراره تطلع من عيونه مثل الثور الهايج،

ريام طايحه على الارض دايخه متشوف بوضوح لان انفشخ راسه بالكاع..

نزل عليها ابو عمار وسحبها من شعرها يصيح بوجه

: انتي منو حتى تقتليني هااا؟ شنو نسيتي اني سيدج ولازم تنفذين اوامري، بس سهله انتي مو مال عيني واغاتي اني اعرف شلون اربيج زين

ريام جانت دايخه ومتشوف بوضوح بس جانت تصرخ لان يسحبها من شعرها..

ولد عمار وزوجته يسمعون الصراخ من وره الباب

عمار: دخيلك ياربي هاي جاي يصير؟ انتو مو كلتو البنيه تحبه!!! شنو هل عياط لعد؟

عدنان: ولله اني شاك انو اكو انه بالموضوع لان البنيه ممرتاحه ابد ووضعها مو تمام حتى جسمها وشكلها متعوب ونفسيتها مدمره فشلون تفكر بالحب وهيه بهل حاله!!!!...

امهم: اشش لحد يدخل احنه معلينه هيه رادته ولازم تتحمل طبها مرض منو كلها تزوج رجال بكد ابوها...

عدنان: الله يعلم ابوي شسوالها وقتنعت بي..

عمار: انجب عدنان احنه مالنه علاقه بهل سالفه غلس احسن، مالنه خلك ابوي ومشاكله

امهم: لا شلون يسكت حضرت جنابه مو يريد يورطنه ويه ابو..

عدنان: لا والله مو شغله تخافون من ابوي بس شنو مثل ميكول المثل الفلوس تغير النفوس، انتي يمه جنتي معارضه هل زواج بس من قنعج عمار بسالفه الذهب والفلوس غيرتي رأيج...

امه تنرفزت من كلامه وجان ترفع ايدها وتضربه راجدي وهيه تكول بصوت عالي

: ادبسزززززز، هاي تاليها ولك.. هااا، هاي تالي ربايتي وتعبي عليك وسهر الليالي واخر شي تبيعني علمود وحده مسحوره ومخبله منعرف غايته شنو...
ولك ما صار الها يومين لمن دخلت لبيتنه شبسرعه وقعتك بشباكها هاااا.. هيه منو حتى تقلل من احترام امك لخاطرها فهمني ولك فهمنيييييييييي

لزمها عمار وكلها
: اهدئي يمه مو زين عليج العصبيه انتي مريضه اصلا..

ردت الام وهيه تأشر على عدنان ودمها فاير وتكول

: ولله فهم اخوك هل كلام، لو يفكر بيه مثلك جان ما قلل احترام وياي..

عدنان حاط ايده على خده وباوع لعمار
وعيونه مدمعه

: ولله يا عمار بس الي مثلك يكدرون يعيشون بهل زمن، تعرف ليش؟ لان بساطه انته حيال اي حيال همك هوه تكسب الكل وتوافق على كلشي يصير سواء صح او غلط حرام او حلال لاجل شنو.. لاجل ارضاء مصالحك الشخصيه فقط لا اكثر ولا اقل