صوت استغاثه

صوت استغاثه 13

لتنسون التصويت حبايبي ✨

#الكاتبه_اماني_المحنه ✨

꧁꧂________♡_______꧁꧂
منار راحت جابت مواد تنضيف وكعدت تمسح بالدم الي بالغرفه وعيونها دمع ومستهضمه تمسح الدم وتعصره بالسطله وابوها يباوع عليها ومختنك وعيونه متروسه دموع بس ساكت وميريد يبين الهم شي، الام استجمعت قواها ومسحت دموعها وكامت تقنع بريام انو تلبس وتغسل هل الدم الي على جسمها

: تعالي مامه حبيبتي خلي اسبحج يروحي

ريام: لا عوفوني لتتقربون عليه اني اريده هوه وبس

: اي يروحي هسه يجي بس كومي خلي نغسل هل دم من فدوه اروحلج

ريام توخر بدين امها وتكول

: لا كتلج اني زوجت شبيج متفهمين

اجتي منار تقربت منها بلطف وكلت الها بصوت هاديئ تقنع بيها

:اي حبيبتي هوه خلي مامه سبحج حتى يشوفج نضيفه وحلوه لان اذا شافج هيج راح يتركج تره

باوعت عليها ريام وجنها اقتنعت بكلام منار

لزمتها امها من ادينها وكومتها والبطانيه على جسمها وشعر منكوش والدم يقطر من جوه البطانيه،
طلعت من الغرفه وشافها ابوها بهل منضر القاسي حط ايده على وجه وصار ينحب عليها ويلطم على راسه ،
منار شافت ابوها بهل حال تركت كلشي من ايده وركضت علي لزمت ادي وباستهن وكلتله مخنوكه

: لا بابه الله يخليك لتسوي هيج بروحك احنه ساندين ضهرنه عليك خليك قوي بابه...

دك صالح على صدره بحركه قلب وكلها وهوه يبجي

: شلوننن بابه شلونن ولله بعد ماضل بيه حيل وجع اختج وحالها كسر ضهري يابويه كسر ضهري شوفيها خطيه حتى مشي متكدر تمشي وفوك كل هذا نوب فقدتتت...

خنكته العبره وسكت مكدر يكمل كلامه

باست راسه منار وحضنته...

ابو عمار وصل لبيت صالح وهو مسيطر على الموقف ويمشي بأرتياح وابتسامته الخفيفه على وجه كالعاده..

اجه مصطفى هم ويا بنفس الوقت وكال لابو

: شنو هذا ليش جاي النه انته مو تركته هااا؟

صالح: اختك مو بخير مصطفى لذلك خابرته يعني مجبور اسوي هل شي يا بويه

مصطفى عصب بس مكدر يرفع صوته
: وشنو جايب هذا يحلها مووو اساسا هوه ابو المشكله كله خلي يطلع لبرا لا اسوي شي ميعجب ولله

صالح: هسه مو وقتك الله يخليك خليني بحالي لان وصلت وياي لهنا (يأشر على خشمه)

مصطفى عقد حواجبه وكال

: خوش بابه بس من هسه اكلك خاف هذا يريد زقنبوت اني لا تصيح عليه لان مالي خلك اشوف وجه الي مابي نور..