#صوت_استغاثه
#الكاتبه_اماني_المحنه
لتنسون الدعم والتفاعل احبتي 💜
♡--------♕---------♡
بعد مرور يومين رجع احمد بس هل مره ويا امه وهمه يمشون لاكتهم مره جبيره وكلت الهم بهمس
: انتو مو الي خطبتو بت صالح؟
الام: اي احنه ليش؟
: ولله بصراحه احنه جيرانهم وحبيت اكلكم هل شي يعني فاعلة خير
احمد: اي شكو غير نفهم خوفتيني
: ولله هل ايام جان نسمع صراخ واصوات غريبه بيتهم واكثر من مره ادگ الباب حته نشوف شكو ميرضون يدخلونه..!
احمد: اي وهسه شنو تره اكثر البيوت بعضهم اصواتهم طالعه شنو الغريب بالموضوع
: لا بيت صالح ماعدهم هيج شي معروفين بهدوئهم مالهم صوت بعض الجيران يكولون هل اصوات الي بيتهم هيه اصوات جن اعوذ بالله
الام: اسكتي بيش طالبه العالم شنو هل حجي
: بكيفكم بعد اني حجيت الي عندي
الام: هسه نروح ونفهم السالفه
احمد ضل صافن واتذكر اخر مره دخل لبيتهم جان الوضع مريب شويه..
بهل لحضات ريام فتحت الباب مال الحوش وطلعت بملابس خفيفه وقصيره شبه عاريه والجو جان بارد..
ملامحها مخيفه واديها مخدشه وشعرها محلول..
وجان تركض بشكل هستيري بدون وعي وتصرخ..
احمد شافها بس مكدر يستوعب الي عيونه تشوفه..ضل واكف بمكانه متجمد ومرعوب ومصدوم بدون حراك او كلام !!!
امه صرخت مصدومه ومرعوبه من المنضر هذا.. ‼️
طلع مصطفى شايل معطفه ويركض وره اخته وابو يركض بطرگ الدشداشه وحافي القدمين يركض وره بنيته وراسه متروس شيب والتعب مبين بي...
ريام وهيه تركض مرت من صف احمد وهيه راكضه صارت عينها بعينه.. نضراتها جانت مرعبه وغريبه، بياض عيونها يميل للون الاحمر تقريبا..،
بهاي اللحضات اتجمد احمد بمكانه ومكدر يحرك راسه من المشهد المرعب هذا.. ‼️
مصطفى وهوه يركض ويصيح
: احمد غطيها احمددد الزمها لتخليها تركض احمددددددد....
بس احمد متحرك ولا باوع لورا اصلا ضل على وكفته وصفنته وامه تجر بأيده تگله
: امشي وليدي امشيييي هاي مخبله جذبو علينه
تعثرت ريام وطاحت وجان يلحكها اخوها ويغطيها بالمعطف ولفها بي خاف احد يشوفها.. وجان يوصل ابو اله
الناس كلها واكفه تتفرج على هل منضر الي يكسر الخاطر ويحجون بينهم
امها اجت تركض وعبايتها مفتوحه وتصيح بنيتي وتبجي، ومنار لازمتها وتهدء بيها وتباوع لاختها بنفس الوقت
وخايفه..
DU LIEST GERADE
صوت استغاثه
Romantikملاحضه/القصه حقيقيه ١٠٠/١٠٠ماضايفه اي شي مني (اركض... هناك شيء يلاحقني.. يريد قتلي.. من انا.. ماهذه الضلمه.. الجو بارد في هذا المكان.. لماذا ابدو هكذا.. من انت.. ابتعد.. انه مخيف يؤذيني في كل مره.. اغيثوني هل من احد يسمع صوتي المرتجف والصامت المتأل...
