صوت استغاثه

صوت استغاثه 25

وين التفاعل بنات حبيباتي 🥲
قربت نهاية الروايه واحنه لسه ما دخلنه
10الاف مشاهده والمتابعين مدا يزودون الحساب بعده ضعيف ما يسوي واهس لكل هل تعب 🙂
بنات شاركن حسابي فدوه اريد دعم قوي 💪 وطبعا ما انسه الي يشاهدون البارت اول بأول ويصوتن ويكتبن تعليقات تجنن مثلهن بس اريد بعد وكفتجن وياي حبيباتي ♥🦋

____♡______♡______♡______♡
لتنسون التصويت + متابعه لحسابي✨

#الكاتبه_اماني_المحنه✨

꧁꧂_______✨_______꧁꧂

طلعو من الامام وشافو اهلهم واكفين حتة يباركون الهم

صالح: الف مبروك وليدي وما وصيك على بنيتي بعد، ولو انته متحتاج وصيه لان دومك مخليه بعينك..

باس احمد راس صالح وكله

: الله يبارك بيك عمو شرف الي اناسبكم والله، وتدلل عمو ريام مو بس اخليها بعيوني لا ريام هيه روحي الي بدونها اني مجرد جثه هامده يا عمو..

صالح: تسلم روحك وليدي

ريام باست راس ابوها

صالح: ديري بالج علي يابنيتي لان بهل زمن صعب تحصلين على هيج رجل وفي وصالح..

ريام: اكيد بابه وان شاء الله اعوضه بالايام الجايه عن الاحزان الي سببته اله

احمد لمن سمع هل كلمه من ريام ضاج شويه بس سكت وما بين لاحد

نوب باس راس امه وحضنها

ام احمد: الف مبروك وليدي

ريام باست راس ام احمد

ام احمد: الف مبروك  ..

ريام باست راس امها

امها: الف مبروك يمه ان شاء الله ايامج كلها سعاده يا رب

احمد سلم على ام مصطفى

ام مصطفى: الف مبروك وليدي يارب ايامك كلها سعاده تتهنون ان شاء الله..

منار حضنت اختها وباركت الها وهمست باذنها تضحك

: ها ريام حبيتي هسه لو بعدج

ريام ضحكت وكالت الها

: اي اعترفتله يله ارتاحي

مصطفى سلم على احمد فرحان وكله

: واخيرا صارت الك بعد عناء طويل ههههههه

احمد: اي والله بعد عناء طويل بس يستحق هل عناء صراحه دام ريام هيه الجائزه..

صالح: بويه احمد انته بعد اخذ ريام واكعدو انتضرونه احنه راح نزور ونجي حتى نوب نتغده بمطعم..

احمد: تمام عمي ننتضركم..

صالح مشى هوه وزوجته وكلها بصوت حزين
: تعرفين شنو اكثر شي فرحني اليوم؟