صوت استغاثه

صوت استغاثه 22

لتنسون التصويت + متابعه لحسابي✨

#الكاتبه_اماني_المحنه✨

꧁꧂________&_______꧁꧂

منار تباوع عليهم وحاطه ايده على خدها وذايبه من مشاعرهم ونضراتهم لبعض...

نوب باوعت لمها وكالت الها بهمس

: مامه شوفيلي واحد مثل احمد الله يخليج

ردت عليها امها وكالت

: وين احصلج يا منار هل نوع نادر الوجود..

منار: ماا والله لو واحد مثل احمد لو ما ازوج..

امها: اهووو انته ترديلج شي تزعلين علي..

ام احمد تباوع على منار وامها وتلوي بحلكها عبالها يبسبسن عليها..

: ها شنو تحجن عليه موو..

ام مصطفى تحسست من كلامها وكامت

: لا ام احمد شنو هل حجي عيني انتي ليش تضنين سوء بغيرج وتحكمين قبل لا تعاشرين البني ادم، شنو هل نفسيه الي عندج..

ام احمد: ديلا هسه شحجينه وياكم..

ام مصطفى مردت عليها وكالت لمنار

: روحي يمه كولي لبوج خلصت زيارتنه بعد نروح..

نوب دكت الباب على احمد وريام حتى تجذب انتباهم وكالت

: يله يمه ريام بعد نروح

لزم احمد عكازته ووكف على حيله

: بعد وكت خاله وين رايحين غداكم يمنه اليوم..

ام مصطفى: لا وليدي بعد انتو ما قصرتو بالضيافه مشكورين وان شاء الله تتعافى وترجع صاح سليم بحق محمد وآل محمد..

احمد باوع لريام وهمس بذنها

: راسليني فدوه مو تنسين..

ريام باوعتله وابتسمت من خجلها وطلعت..

صعد الكل بالسياره وساق صالح

ام مصطفى جانت ضايجه ومكشره

شافها صالح وكلها
: خير شكو اشو مو على بعضج؟ شنو صاير شي؟

ردت ام مصطفى بنتره
: اكو غير هل عجوز..

باوع صالح لمنار بمرايه سيارته وسالها وهوه يسوق

: شكو بابه منار احجيلي؟

منار: اني ومامه سولفنه بهمس وهيه عبالها نحجي عليها وطول الكعده مكشره بوجهنه..

صالح: ها يله هاي سهله يابه..

ام مصطفى: لا مو سهله ابد يعني لا من استقبال حلو ولا من ضيافه بيها خير لا ونوب معبسه بوجهنه واخر شي تضن بينه سوء،

مصطفى: يله مامه مشيه معليج بيها هيه هيج معدنها شسويلها..

ام مصطفى: لا والله واني شمالني مطيه بنتي لوحده مثله، شمدريني ما شبعها ضيم..