ရှုကျင်ထျန်းသည် ဖခင်ကောင်းတစ်ယောက်နှင့်တူပြီး သားဖောက်ရန်အတွက် ကုတင်ပေါ်တွင် အလေးအနက်ထားကာ စဥ်းစားနေလေသည်။
သိပ်မကြာခင်မှာပဲ တိရစ္ဆာန်အရေခွံက အရမ်းထူတယ်လို့ ခံစားရပြီး အောက်ကဥတွေကို အရမ်းတင်းကျပ်စွာ ထုပ်ပိုးခံထားရမှာကို စိုးရိမ်တာကြောင့် ဥများကို အိပ်ယာပေါ်သို့ ရွှေ့ကြရပြန်သည်။ အိပ်ရာက မသပ်ရပ်တော့ပေမယ့် ရှုကျင်ထျန်းက အခုဆို ပိုသက်တောင့်သက်သာရှိလာသည်။ သူ၏အရေပြားသည် ချောမွေ့သောဥခွံကို တိုက်ရိုက်ထိမိသွားပြီး ရှုကျင်ထျန်းကို ထူးခြားသော ကြင်နာမှုအငွေ့အသက်လေးကို ခံစားရစေသည်။
နောက်ဆုံးတော့ အဲ့ဒီဥတွေဟာ သူ့ကလေးတွေဖြစ်နေတုန်းပင်။ သူ့ဆန္ဒအလျောက် မွေးတာမဟုတ်ပေမယ့် ရှုကျင်ထျန်းက ဥလေးတွေကို တန်ဖိုးထားဆဲပင်။
ရှုဟန်ယွီသည် နောက်ဆုံးတွင် မိန်းမပျိုလေးကောင်းကောင်း အိပ်ပျော်သွားသည်ကို တွေ့လိုက်ရသည်။ ထိုအခါမှသာ ရှုကျင်ထျန်း၏ ခန္ဓာကိုယ်ကို တင်းတင်းကြပ်ကြပ် ဖက်ထားရင်း ကုတင်ပေါ်သို့ လှဲချလိုက်သည်။
ရှုကျင်ထျန်းကနိုးလာပြီး ရှုဟန်ယွီကို စိုက်ကြည့်ကာ
"ငါ့ကိုဖက်ရင် ဥတွေကို မဖိမိစေနဲ့...မကွဲအောင် သတိထား!""အင်းပါ ကိုယ်သိပါတယ်"
ရှုဟန်ယွီသည် ရှုကျင်ထျန်းက ဥတွေကို ဒီလိုမျိုးကာကွယ်လိမ့်မယ်လို့ မမျှော်လင့်ထားပေ။ သူအနည်းငယ်မနာလိုဖြစ်မိသည်။ မည်သို့ပင်ဆိုစေကာမူ ဤဥများသည် သူ့သွေးသားဖြစ်တာကြောင့် ရှုဟန်ယွီသည် သူ၏မကျေနပ်မှုကို မျိုချရုံသာ တတ်နိုင်တော့သည်။ ဥများ မြန်မြန်ပေါက်မည်ကို တွေးကာ အခုအချိန်မှာတော့ သူ့ဇနီးလေးကို လွှတ်ထားရုံအပြင်မရှိပေ။
မွေးဖွားပြီးခါစမိန်းမပျိုလေးသည် အလွန်ပျော့ပျောင်းသောကိုယ်ခန္ဓာရှိပြီး ၎င်းမှာယခင်က လုံးထွေးရသည့်ခံစားချက်နှင့် အလွန်ကွာခြားသည်။ ဒါကပင် ရှုဟန်ယွီကို စွဲလမ်းစေပြီး မိန်းမပျိုလေးကိုပွေ့ဖက်ထားတဲ့ ခြေလက်တွေကို ပိုမိုတင်းကျပ်လိုက်သည်။
YOU ARE READING
မြွေသားရဲ၏ဇနီးသည် 【MM Translation】
FantasyTitle - Beastman Forcefully Raising a Wife (Unicode) ချမ်းသာသော ဒုတိယမျိုးဆက်သခင်လေး ရှုကျင်ထျန်းဟာ ပြန်ပေးဆွဲခံရပြီးနောက် ရုတ်တရက်တခြားကမ္ဘာသို့ရောက်သွားခဲ့လေသည်။ သူသည်ရက်စက်သော စပါးအုံးမြွေအသိုက်သို့ ပြန်ပေးဆွဲခံခဲ့ရသည်။ သို့သော်သူသည် သူ့ကိုမစားရု...