ဟာ...ခန့်ထား မင်းသိပ်အတ္တကြီးလှချည်လား။
နောက်တစ်ယောက်ထပ်အစားထိုးသည်ဆိုကာမှ တကယ်တမ်း ပထမဆုံး မိုးနေရာကိုအစားထိုးပစ်ခဲ့သူက သူကိုယ်တိုင်ဖြစ်နေခဲ့တာကိုတော့ မေ့ပစ်ထားခဲ့မိသည်။
ကိုယ်ကိုယ်တိုင်ကတော့ မိဘစီစဥ်ပေးတဲ့ကောင်မလေးနဲ့ စေ့စပ်တော့မှာမို့ မိုးကိုလမ်းခွဲခဲ့တာကို မသိချင်ယောင်ဆောင်ထားခဲ့ပြီး မိုးဘက်က ကောင်လေးအသစ်ရတော့မှ အတ္တကြီးစွာ မိုးဘက်ကိုသာ အပစ်တင်နေမိသည့် ခန့်ထား ကိုယ့်ကိုယ်သာ ကျိန်ဆဲလိုက်ချင်ပါသည်။
မိုးအပေါ် ရိုးရိုးသားသားသာဆက်ဆံတော့မည်ဟုတွေးလိုက်ပေမဲ့ ကော်ဖီဆိုင်သို့ရောက်လျှင် ခန့်ထားကိုကောင်းကောင်းနူတ်မဆက်ခဲ့ဘဲ ကော်ဖီဆိုင်သို့သာ အပြေးဝင်သွားသည့် မိုးကြောင့် ခန့်ထား စိတ်ထဲ အလိုမကျဖြစ်မိ၏။
မိုးကခန့်ထားထက် ကောင်လေးအသစ်အပေါ်သာ လုံးဝစိတ်ရောက်နေပြီဆိုတာသိရတော့ ခန့်ထား မိုးရဲ့ကောင်လေးအသစ်အပေါ် မုန်းမိသည်။
ဒါက ကိုယ့်အပေါ်အမြဲကောင်းပေးနေတဲ့သူတစ်ယောက်ရဲ့ဂရုစိုက်မူ့တွေက ရုတ်တရက် ကိုယ့်အပေါ်မဟုတ်တော့သည့် တခြားလူတစ်ယောက်ဖြစ်သွားတာကြောင့် ထိုယူလိုက်တဲ့သူအပေါ် နည်းနည်းမနာလိုမုန်းတီးမိတာကိုတော့ ခန့်ထားအပေါ် မိုးအပြစ်မတင်လောက်ဘူးမလား။
ခန့်ထား စိတ်ညစ်စွာဘဲ အိမ်သို့ပြန်လာခဲ့ရသည်။
အိမ်ပြန်ရောက်ချိန်တွင် အိမ်ရှေ့မှာ ဆီးကြိုစောင့်နေသည့် မေမေ့ကိုမြင်လိုက်ရတာကြောင့် ခန့်ထား ချက်ချင်းဘဲ သုန်မူန်နေသည့်မျက်နှာကိုဖျောက်ကာ အပြုံးဆင်ရင်း မေမေ့ကို နူတ်ဆက်ခဲ့ရသည်။
"မေမေ အထဲမှာ မနေဘဲ ဘာလို့အပြင်ထွက်နေတာလဲ...တော်ကြာနေ အအေးမိနေအုံးမယ် "
ကားပေါ်က ဆင်းလာသည်နှင့် မေမေသည် ခန့်ထားအနားသို့ပြေးလာရင်း_
"ဘယ်လိုလဲသားလေး လက်မှတ်ထိုးပြီးပြီလား "
မေမေ့ပုံံစံက စိတ်လူပ်ရှားလွန်းဟန်ပေါ်နေသည်။မေမေဘယ်အကြောင်းပြောချင်တာလဲ ခန့်ထားခဏစဥ်းစားလိုက်ရ၏။ပြီးမှ အပြင်သွားရတဲ့အဓိကအကြောင်းရင်း ကိုသတိရကာ_
YOU ARE READING
Change For You( သူ့အတွက်သာလျှင်~သူ႕အတြက္သာလွ်င္)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...