Unicode
နေရောင်ခြည်ဖြာကျနေသော မနက်ခင်းတစ်ခုတွင် ဝရံတာမှာထိုင်ပြီး နေထွက်ချိန်အလှကို ရူစားနေသည့် ဖွားနှင့်အတူ ရှားအဖော်ပြုပေးနေခဲ့၏။
"ဖွား အေးနေမှာပေါ့နော် ရှားတို့အထဲဝင်ကြတော့မလား "
"မကြာခင် နွေးလာတော့မှာဘဲ နေတစ်ခုလုံးထွက်တာကို ဖွား သေချာကြည့်ချင်သေးတယ် "
ဖွားက ထပ်နေချင်သေးတယ်ပြောတာကြောင့် မြူတွေကျနေတဲ့မနက်ခင်းမှာ နွေးနွေးထွေးထွေးဝတ်ထားပေမဲ့လည်း ဖွား အေးနေမည်စိုးရိမ်သည့် ရှားသည် ခြုံထားသည့်အပေါ်ထပ်ကို ဖွားပေါ်သို့ထပ်ကာခြုံပေးရင်း ဖွားရဲ့လက်များကိုဆုပ်ကိုင်ကာ နေထွက်သည်ကို အတူရူစားခဲ့သည်။
"ဖွား နေ့တိုင်း မနက်အစောကြီးထပြီး ဘာလို့ နေထွက်တာကိုဘဲ ကြည့်ချင်နေတာလဲဟင်...အခုလို အေးတဲ့အချိန်မှာ ဖွား ကောင်းကောင်းအနားယူသင့်တာကို "
"မနက်ဖြန် နေထွက်တာကိုမြင်ရဖို့ မသေချာတော့တဲ့အခြေအနေမှာ အခွင့်အရေးရတုန်းလေး ဖွား အဝကြည့်ထားတာပေါ့မြေးလေးရဲ့ "
"ဟာ...ဖွားကလည်း ဘာလို့ အဲ့လိုစကားမျိုးပြောရတာလဲ၊ဖွားက ရှားနဲ့အတူ အချိန်တွေအများကြီး ထပ်နေရအုံးမှာလေ"
ရှား စိတ်ဆိုးစွာပြောတော့ ဖွားကရယ်သည်။
ဖွားသည် ရှားရဲ့ခေါင်းကိုခပ်ဖွဖွ ပွတ်သပ်ရင်း_
"လောကမှာ ဘယ်ယောကျာ်းသားမှမကောင်းဘူး ရှား။ရှားရဲ့အဖေရှားရဲ့အဖိုး အကုန်လုံးဘဲ "
မုန်းတီးမူ့တွေနဲ့ပြည့်နေတဲ့ ဖွားရဲ့စကားကို ရှား ပြန်မတုံ့ပြန်ခဲ့။
ရှား ငယ်ငယ်လေးကတည်းက ဖွား သတိပေးထားတာတစ်ခုရှိသည်။ထိုအရာက အပြင်လူသူစိမ်းများနှင့်လုံးဝမပတ်သတ်ဖို့နှင့်အထူးသဖြင့် ယောကျာ်းသားများဆို ဝေးဝေးကရှောင်ရမည်ဆိုတဲ့ ထူးဆန်းတဲ့ စည်းကမ်းချက်တစ်ခုပင် ဖြစ်သည်။
ဘာကြောင့်လဲလို့ ရှားမမေးရဲခဲ့သလို မေးခွင့်လည်းမရှိခဲ့ပါ။ဖွားက ဒါဆိုဒါအတိုင်း ရှား ငြိမ်ခံရင်းသာ လိုက်နာခဲ့ရသည်။
YOU ARE READING
Change For You( သူ့အတွက်သာလျှင်)(U+Z)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...