ارفق أيها المقاتل المجاهد بقلبي المعلق بك فإن أصبت نزفت عيني على جرحك روحا ودما ✨🤍
اعتذر عن التأخر بس شفت الأوضاع شنو وقضية فلسطين أثرت بينا كلنا
اتمنى من كل واحد يقره البارت يدعيلهم بل رحمة والخلاص لان حرفيا قبل سنوات احنه هم جنه بمكانهم ومثل ماصار بداعش هسه يصير بيهم
✨🤍
*********************************
باوعت بوجهها متفاجئة. مدا اصدك
ابتسم وحضن جتفي. صدكي عمري
ناز. شوكت شتريته
جون. من خطبتج اشتريته وجنت اجهز بي
ناز. يعني صارلك تقريب السنة تجهزه
جون. اي
ناز. ليش مكتلي
جون. خليتها مفاجأة
وكفت اباوع علي فرحانه جرني من ايدي وكال. روحي خل نطب اذا بقيت عليج تشتلينا هنا
طبينا من الباب اول شي حديقة صغيرة ومن الجهة الثانية شتلات مخلي
ناز. الله كلش احب الحدايق
جون. ادري جنت اشوفج شكد تحبين حديقتكم
ناز. اي كل مره اروح اعدل عليهم
طبيت للمطبخ جاهز كله وورا يجي هول صغير وغرفتين
جون. بقت غرفة الجهال ماصممتها ردت سوه نصممها
ناز. اي شكو بيها خل نستقر ونروح نشتري كلشي
اخذني لغرفتنا جان مغير الغرفة كلها من اثاث لشكل بس تصميم يتشابه ويا غرفتنا السابقة
حضني من ورا وكال. عجبتج
ناز. كلش حلوة
باسني من راسي وكال. المهم تعجبج
ناز. تراني ماناسيه الي سويته
جون. احجيلج كلبي بس خل نرتاح ونكعد احجيلج الي صار
ناز. همم
خله راسه على جتفي. مشتاك لضحكتج
ملت راسي على راسه. تشتاكلك العافية
جون. انتي عافيتي
ضحكت وكلت. اني هم مشتاقه
جون. مامقبولة منج مشتاكتلي و ماتكولين
ناز. هههههه ليش أكول وانت ماتخابر وتسال
جون. صحيح كلبي حقج
سكت ورجع كال. احبج
ناز. اني هم
جون. تحبيني
ناز. اي
دارني علي وابتسم. حزنج جان سحر يجذبني وهسه صار الم يرافقني كلما اتذكرج
YOU ARE READING
تحت حطام داعش انت منقذي
ChickLitنحن الاباءُ خلف حطام الجريمة نحن العطاءُ مع ظلمٍ وظليمةَ نحن وطنٌ للنفوس الكريمةَ نحن شمسٌ للعيون الذارفةَ نحن أرض الربيعين مهما طال قسوة الشتاء على أرواحنا نزهر من جديد على ضفاف النصر محقق... فمن تظنون نفسكَم أيتها الجموع القاتلة غداً سنتحرر وغداً...
