توقّفوا عن الحبّ من النّظرة الأولى، وآمنوا بالحبّ من الموقف الأوّل، وحدها المواقف تبني حبًّا لا يُهزم🌼🌼
********************
انمار. ناز نازه بويه وين صفنتي
- هااا
ضحك وكال. وين صفنتي
هزيت راسي. ماكو شي بس دا افكر بلي حجيتو هسه
-لاتشغلين بالج بيهم ان شاء الله ماكو شي
-ان شاء الله
رد كال ورا مالزم راسه. خويه بس جيبيلي جاي ثكيل بلكي يتعدل الصداع الي براسي
كمت. تمام دقايق واجيبه
- ااي والله محتاجه بلا زحمه عليج
-ولو ماكو زحمه
كمت صبيت الجاي وسويت مال انمار ثكيل ووديتلهم وراها عزلت للمطبخ كله
بعد ما خلصت رحت جبت الحلاوه وخليته وكعدنا نحجي شفت قيس وانمار وعلي يحجون ومندمجين وبابا وماما يحجون و قاسم وايسو مندمجين هم وليا اجت تحجي ويانا
ليا. ولج ميوسه
ميس. هاا
ليا. باجر لازم تطلعين تخبلين حته هذيج الغثيثة خطيبة اخوج تتكهرب من تشوفج
هزيت ايدي. هو انتي بس فالحه بهاي الشغلات بس اول مره اتفق وياج ميس لازم تجلطيها لذيج الحية
ضحكت ميس. ااي لازم اني هم اريد اجلطها
صفكت ليا . تمام لعد لمن نروح على غرفة نسوي لوجهنا قناع وننظفه ونرتب وجهنا واهم شي وجه ميسو
انصدمت ميس وكرصتها. ليش وجهي شبي ولج
دفعت ايدها. اااخ لا بس عاوز يجي جبار يوكف يمج منفرق بينكم بعد
كامت ميس ضربتها بجتفها. ولي اني حلوة بكل حالاتي
باوعتلنا ليا وهزت بيدها معاجبها. ااي بس ثنيناتكم صايريلي جبار وجبير وحده اجكم من الثانية
طكيتها ضحكة . ولج من وين لكيتي جبار وجبير
ذبت شعرها لوره وكالت. على القافية حبي
ناز. باجر من الصبح ساعة ٥ نروح حته نلحك تنظيف وتجهيز
ليا. ااي منلحك بس لازم تشيلوني من سريري لبيت ميس لان اليوم عدنا شغل هواي وباجر هم عدنا شغل يصير النوم بفلوس
ناز. لا والله باجر من ٤ ونص اذب عليج سطل ماي مثلج اخليج تشيلين نفسج بي وتركعيها
ليا. لا لا لاتذبين اكوم من وكت بس المي لا
فزيت من كامت وجرتنا مو ايدنا. لعد كوموا نخلص ضغلنا حته نروح نسوي التنظيفات والعناية بلبشرة
YOU ARE READING
تحت حطام داعش انت منقذي (قيد التعديل)
ChickLitبين مأساة الماضي وتحدي الحاضر ننقل لكم قصة عائلة موصلية في زمن تنظيمات ادعت الاسلام ودعت الناس اليه تنظيمات لم تجعل الرحمه طريقاً لها فقتلت تحت غطاء الدين واحتلت الارض مغرقة ايها بدماء الابرياء فماذا ستؤل اليه امور هذه العائلة بعد الجرائم التي حدثت...
