تحت حطام داعش انت منقذي

بارت54

‏لكلِّ حاجةٍ سألتَها اللهَ مستغنياً عن النّاس
لكلِّ أُمنيةٍ استودعتَها ربّك
لكلِّ دعوةٍ دعوتَ بها ونسيتَها ولم ينسها الله
لكلِّ حاجةٍ من فرط الرغبة بها دمعتْ عيناك
لكلِّ هؤلاء قُلْ بيقين :

"يَأْتِ بِهَا اللَّهُ ۚإِنَّ اللَّهَ لَطِيفٌ خَبِيرٌ" ❤

*****************

اعتذر عن التأخير بسبب المرض نستمر باحداث القصة ارجو ان تستمعتو بل بارت

*********************************

تفاجئت ومريم صاحت. شنو منو همه

اسرافيل. نفس الجماعة

قبل لا نحجي شي عافنا وطلع رمشت بستيعاب

مريم. واو صدك يعني رفضتي هواي ماتوقعت يجي بعد

ناز. ولا اني شبي هذا

مريم. الحب عزيزتي وماادراج ماالحب

خزرتها. انجبي يا حب شايفني حته يحبني

رفعت اجتافها وكالت. الاصرار يدل على هذا الشي بس والله عوافي شلون مشية بس باقي يجيب العراق كله يمج حته تقبلين

ناز. مرايده لا يجيب العراق ولا يجيب نصه بس خل يفك ياخه مني

باوعتلي بهدوء. راح تدمرين حياتج بعنادج هذا

مرديت عليها ردت كالت قبل لا تطلع. يوسف انسي عمره الميت مراح يرجع يحيا ولا انتي تكدرين تروحين يمه اذا ردتي كافي تدفنين نفسج صارلج سنين وانتي مامقتنعه بموته

عافتني وطلعت ردت اشلع كلبي حته يفهمون مدا اكدر اتخطهه ليش يجبروني على شي مرايدتو

ما هتميت لحجيها لان الموضوع مايحتاجله نقاش ارفضه مثل كل مره

مرت تقريب الساعة ومااجه واحد من الولد خوف دخل بكلبي حسيت راح تجي مصيبة وياريت احساسي يخيب

ام اسد. حظ الساقطات دائما يكعد

ناز. اي مو شفتي بنتج تزوجت اخوي

ام اسد. بلا اخلاق

ناز. صدكيني بهاي اللحظة أخلاقي زفت وماريد اشوفج ايها

عافتني وطلعت كعدت بنتظارهم اريد انهي السالفة مايصير كل يومين يجي ويجيب جيش ويا

فرحة. راح تموتين على الرجال ومسويه نفسج مرايده مثل امج تدورين ثكيل

ناز. اي يعجبنا الثيل ماندور السحوره والمطايه شسالفتكم كل دقيقة وحده جايتلي تذب حجي خل تجيني وحده بيكم الا امدها واخلي هاي الامه كلها تباوع عليها

فهت بوجهي على هذا الجواب رجعت مركزه عل باب هسه يطب واحد بيهم اتفاهم ويا واكوله عن رفضي القاطع

شجون. ليش كاعده

قبل ماتكمل خزرتها. مو جايه تكملين عنهم اسحلج والقرآن لا يهمني زوجج ولا عشريتج