أجنني شخص يحب حتى الهلاك فهل العشق يأذي ام عاشقي احبني لحد الجنون
🌼🌼
*********************************
طلعني من صفنتي قيس من حجه
قيس. هسه شحجي وياج
ناز. ها
قيس. زقنبوت
ابتسمت وكلت. مو كلتو العقد ورا الخمسة عادي اذا اتأخر شويه
فياض. هذا مو موضوعنا شجاج ماتردين عل البنات
ناز. والله جنت نايمة ماحاسه على نفسي
جنة. ناز وكعتي كلبنا صارلنا ساعة واكثر ندك الباب ماتردين فياض وقيس يدكون ماتردين
ناز. مدري شلون محسيت
باوعت لقيس مركز بيه عقدت حواجبي مستغربة
مريم. الله عليج شلون ماصار عندج خبر
ناز. شسوي نايمة ومصار عندي خبر
فياض. لو مافاتحه الباب جنا كسرنا
ناز. شدعوه ليش تكسرو ماتوصل الشغلة لهيجي شي
قيس. اذكرج مرتين شسويتي لو ميحتاج
باوعتله بلحظة تحول كل الإحترام بداخلي لغضب مااكدر أكول حقد لان مستحيل احقد على واحد من اهلي بس كلش معصبة منهم ومن تصرفاتهم
ناز. قيس خلي القلوب متصافية ما اريد اذكرك شصار حته وصلوني مره ثانية للانتحار
ماحجه رجعت كلت. كل ماانسه تذكرني انته بي يعجبك توصل بينا الحال منباوع بوجه بعض الي سويته ماانساه بس بنفس الوكت مايجي من كلبي اكاطعك
راد يحجي قاطعته. ورجع مرتك مااريد دعاوي زايده عليه بدون شي تكوم تكعد تدعي عليه مااستغرب هسه اذا تسويلي سحر
خزرني وصاح. انتبهي لحجيج ناز
ناز. منتبهه لحجيي واعتقد ماكو غلط بلي كلته مو مرتك خلتني اتخبل بظرف شهرين لو نسيت
فياض. استهدوا بالله قيس لا تضغط عليها وانتي ناز لا تفتحين الدفاتر القديمة بهاي اللحظة عندج عقد روحي تجهزي ويا البنات
قيس. اني مدا ادافع عن مرتي ورجوعها من عدمه هذا الشي يخصني مايخصج اني كل شكي شلون نمتي بدون ماتحسين وانتي هل فترة ابسط شي تفزين لو تناميلج ساعة ساعتين شعجب هسه نمتي هلكد
صفنت بوجهه والكل سكت كلت وراها بهدوء. تتهمني ماخذه شي هسه قيس توصل بيك تتهمني ماخذه ادوية
قيس. ناز مو بس اني اي واحد يشوفج هيج يظن هذا الشي
صحت. انجب مره نمت هواي تتهمني بالعه شي شبيكم ششايفيني فياض شلون ترضه بحجيه
باوعت على فياض نزل راسه ماكو واحد بيهم حجه رجف كلبي من موقفهم جسمي كله ينتفض لحظات وسكن كلشي بوجهي نفس الهدوء ونفس اللامبالاة
أنت تقرأ
تحت حطام داعش انت منقذي (قيد التعديل)
ChickLitبين مأساة الماضي وتحدي الحاضر ننقل لكم قصة عائلة موصلية في زمن تنظيمات ادعت الاسلام ودعت الناس اليه تنظيمات لم تجعل الرحمه طريقاً لها فقتلت تحت غطاء الدين واحتلت الارض مغرقة ايها بدماء الابرياء فماذا ستؤل اليه امور هذه العائلة بعد الجرائم التي حدثت...
