سارت السفينة يا ترى الي اي مدينة
ياترى نرسي ام نستمر في المضي إلى شواطينا
🌼🌼🌼🌼بقلمي
*******************
من قلب ام الربيعين نسرد لكم قصة هذه العائلة ونفتح معهم اول صفحات روايتهم
*********
مكان دافئ واشعة شمس ساطعة روح همها الوحيد ان تنعم بنوم أطول حيث لا حزن فيه ولا ألم فقط ايام هادئة مع قليل من الجهد
صوت دافئ يمر على اذاني صوت الحنان والمحبة رغم عصبيتها تبقى احن صوت راح اسمعه صوت جنتي الجميلة
- نازههه كومي ساعة ٧ ونص راح تتاخرين عل دروس نازززه
سمعتها بس ماعندي حيل اكوم غطيت راسي توني غمضت عيوني اجتني كفخه على ظهري فزيت وكعدت ماما واكفه متحضره ترزلني من الصبح
قبل لاتحجي فركت عيوني وصحت . اهووووو ماما ليش اله بهاي الطريقة تكوميني راح تسوين بيه سكر من ورا هل الفزه الي توكليني اياها من الصبح
. انتي كومي من اول مااصيحلج واني متطريني اصعدلج واكعدج بلة شكد صيحت عليج الجيران من وراج يخلوني منبه لدوامهم هلكد ما صوتي عالي
ناز. سكتت لان اذا احجي زايد راح اكل الثانية
ضحكت ابتسمت وبستها ركضت جوه يم ملاذي الأمن كلت. سمو سمو شفت شسوت بيه مرتك
ضحك ابويه وكال. شسوت اليوم
غمزتله. الي تسوي كل يوم اكلتني صبحية زينة قبل ماانزل ورجت راسي
- ههههه هاي ليش لما منفخة راس الطفلة
نزلت ماما رافعه حاجبها. حبيبي هيه متصحة اله بهاي الطريقة تقبلها اصيح ويطلع صوتي لسابع جار
كال بابا موافق الها. لا حقج بهذا بابا نازي ليش تسوين هيجي تعذبين امج وماتكومين اله بل ويل
برطمت. بابا والله نومي ثقيل واسفة ماما دا اتعبج وياي
لمياء. تمام بس حاولي يا بنتي ميصير اني كل يوم باجر عقبه تتزوجين شتسوين
ضحكت وبست ابويه. والله ماما اني مااتزوج باقية ويا سمو ومرتاحة
ضحكت ماما. لاحبيبتي تتزوجين وتكملين حياتج ويصير عندج اطفال عود اكوللهم شلون جانت تعذبني بكومتها وتعالي سمو شنو ميصير حبيبتي هذا ابوج
YOU ARE READING
تحت حطام داعش انت منقذي (قيد التعديل)
ChickLitبين مأساة الماضي وتحدي الحاضر ننقل لكم قصة عائلة موصلية في زمن تنظيمات ادعت الاسلام ودعت الناس اليه تنظيمات لم تجعل الرحمه طريقاً لها فقتلت تحت غطاء الدين واحتلت الارض مغرقة ايها بدماء الابرياء فماذا ستؤل اليه امور هذه العائلة بعد الجرائم التي حدثت...
