ليل حل على قلبي
يوجر دخان الاشتياق داخله
قلب يحن الى النبض
لاحباء تدواي معالمهم جروحي
نفس تحتاج لفحة
من عبق حضن يحميني من الدنيا
لحظة راحة اريدها
من بين تخبطات الحياة ومصائبها
اعود لاقول حمد لربي
على ما انعم علي واخرجني من وسط المصائب
ناز🌼
******************
أمي لطمت عله وجهها بابا ركض عليها من وكعت
اسماعيل . شلون صار هل شي وينهم اخوانك
علي. فارس وقاسم متلاغين ومنقلب الشغلة للعركة كايمين ضاربينه وزين جاي مفاككهم الشغلة متعقده
بابا. استغفر الله هذول ملكوا بس بيت ابو صلاح يتلاغون وياهم هذول اهل مشاكل وطلايب
علي. مادري يابه مادري شلون نحلها وين نخليهم
بابا. ولك شسوي وياكم مو تعبتوني اثنين بيهم مادري عايشين لو لا وهذول يتعاركون هنا لمنو اندار
انكلب وجهه بابا صار احمر علي ركض لابوي انطى دوه مال ضغط سمعنه صوت دك قوي عل باب علي ابوي طلعوا
سمعنا صوت قوي وصياح ليا نزلت بسرعه اجت يمنا بل صالون
ليا. شصاير
ناز. مصايب قاسم واسرافيل ضاربين فارس ابن ابو صلاح
ليا. عزه بعينهم منو الي دا يصيح
ناز. اعتقد اهل فارس
ليا. وينهم قاسم واسرافيل
ناز. مادري
شفنا ماما واكفه يم الباب ووجهها اصفر وكعت كمنا ركضنا عليها نصحيها
فاتوا ابوي وعلي بابا كعد بل كاع علي ميدري لمنو يروح صحينا ماما كامت تلطم
ماما. اسماعيل ولدي راح يكتلوهم راحو مني ولدي
كامت تبجي احنه مفاهمين شي
بابا. شسوي يا بنت الناس مابيدي شي ابنج ضارب الولد ضرب مدمي حالته ممستقره هذول يكولون اي شي يصير بيهم راح نلزمهم ونكتلهم
ماما. اسماعيل اذا صارلهم شي اني اروح وراهم ربيت وكبرت تالي يضيعون من ايدي
بابا. لا تخافين راح اطلعهم ثنينهم اليوم زين يطلع عل بغداد راح اكوللهم يطلعون بدال بغدأد للبصرة اخليهم يروحون وياهم ليا هم تروح
علي. ليش يروح زين لبغداد
بابا. علمود عباس اكول لاسد يضبط موعد ويا دكتور
ماما. بلكي ماقبلو
بابا. ليش مايقبلون اني اكول لرشيد هو اصلا متعارك ويا ابن اخو يخاف عله ميس منهم ومناك يرتبون البيت ويكعدون بي احنه نحل شغلنا هنا ونروح يمهم واذا كدرت اقنع ابو هيثم هو هم يجي لهناك ندبرله بيت الا ان تهدا الاوضاع هنا ونرجع
YOU ARE READING
تحت حطام داعش انت منقذي (قيد التعديل)
ChickLitبين مأساة الماضي وتحدي الحاضر ننقل لكم قصة عائلة موصلية في زمن تنظيمات ادعت الاسلام ودعت الناس اليه تنظيمات لم تجعل الرحمه طريقاً لها فقتلت تحت غطاء الدين واحتلت الارض مغرقة ايها بدماء الابرياء فماذا ستؤل اليه امور هذه العائلة بعد الجرائم التي حدثت...
