تحت حطام داعش انت منقذي (قيد التعديل)

بارت 38

‏يا سّيدة النِساء كيفَ أخذتِني
منّي بلا إذنٍ، ولا استئذانِ؟
من أيِّ نافذةٍ دخلتِ عواطفي
ونشرتِ هذا العِطر في بُستاني
إنّي عرفتُ من النساءِ قبائلًا
لكن كرسمكِ لم تجد ألواني
أرجوكِ باسمِ الرُوح لا تتغيريِ
إنّي بزهُور روحكِ خُلقت‏

جون🌼🌼

******************
ناز٠٠٠٠

اجت مثل العاصفة وهانتني بانواع الحجي واني ماعرف شكو وليش هيج اجت

فرحه. ولج الدايحه الساقطة ماكو واحد من العشيره مايعرف فضايحج والله لخليج علج بكل السان ومن يشوفوج يديرون وجههم لا تخربين سمعتهم انتي ام الولد يتعاركون عليج يا الفاينه ماضل واحد مالاعب بيج

صافنين على حجيها وشفت ايسو ركض عل باب فتحه ركضنا لزمنا

اسرافيل. والله لاشكج نصين عجوزه الجن تحجين على عرضنا ولج عوفوني

ردت عليه بصوت عالي

فرحه. اذا بيك خير روح لاختك الساقطة السحاره ماخلت ولد مايوكع وراها والله لاهجج بليله ظلمه واخلي البصره كلها تحجي وراج

واني لازمه ايسو ويا ليا شفت قيس واكف يسمعها وعيونه منكلبات حمر ايسو لزمني وخلاني ورا

فرحه. وخر انته خل اتفل بوجهه واكضي بيها القضه والمضه يل داعشيه اذا بيج خير مجان رجعتي وانتي سالمه الله اعلم جم واحد لاعب بيج حتى تطلعين مو انتي على منو طالعه على امج ام...

جان نسمع صياح رضا

رضا. يممممه سكتتتتي كافي

اجه يجر بيها رضا حته ياخذها ووجهه كله اثار ضرب بس هيه مثل الثور ما تتحرك وتصيح

فرحه. عوفي يازمال يلعايق من طاح حظك على هيجي اختيار عوفي خل اسقطها لهاي الفالته

رضا. يمممه كافي لخاطر الله ماااريد انسي السالفه بس رجعي

فرحه. عوفني والله مراح ارضه عليك ااني ربيت وتعبت ووراااها ترروح لهاي الحيوانه الداعشية بنت ام الزل...

قيس ركض جوه كلبي وكع من شفته لزم سلاحه وطلع ركضت علي وعفت ايسو صياح فرحه خله المنطقة كلها تباوع علينا موقف الله لا يخلي واحد بي لزمت قيس من ايده لايتهور والمشكله مبين محد موجود من بيت جدي بس شفت نور وسلمى طلعو راسهم شوي من الباب وطبو استغفر الله وينها جده لعد

قيس. كملي كملي جنا نسمع حجيج ومتونسين

هيه رأسا خنست ورا رضا

قيس. لا لتهدين حرامات ماكملتي شجانت امي بله كملي حته نعرف

وضرب طلقه بل كاع يمهم والناس ركضت علي صحت وكتله

ناز. قييييس وداعه ماما لاتتهور حبيبي خل نفوت بعدين نتفاهم الله عليك

هو صاح بل شباب وكال. وخرررررو ولا واحد يجي يمييي طلعي حيوانه لا اكتلج هسه