عَقِيق أحمَر 1729

الجزء الثاني♥/الحلقة الخامسة🏹♥

وفي اول ساعة في 2024🤍

اللهم ثبتنا على حب ونهج محمد وآل محمد كل عام وانتوا بالف الف خير يروووووحي سنة سعيدة عليكم وعلى عوائلكم ان شاء الله🤍

للكاتبة البصـراويـة ..
عَقيق احمر 17.29
فضلاً وليس امرًا علقوا بين الفقرات وصوتوا♥

✿_________________✿

- السلام عليكم

قمراء:- وعليكم السلام تفضلوا بشنو اكدر اساعدكم؟؟

- سمعنه عنج بت شيوخ وتعرفين بالاصول فاهمة ودارسة واحنه اليوم داگين بابج رايدين الحگ منج

قمراء:- حگكم اذا عندي تاخذونه مربع تفضلوا الظاهر السالفة چايدة

- بس هاا عمي من هسه ما نريد نحجي وي احد غيرچ

قمراء:- هاي هوه تفضلوا افتح باب المضيف عمي راح ركض فتحه دخلوا:- عمي لا تخلي احد يدخل حتى ابو حر دخلت اركض صبيت جاي دخلت قدمته المهم وكعدت:- شربوا جايكم واحجولي

- لا يا ام الحُـر جايچ مانشربه اذا ما تحلين طلابتنا

قمراء حصرتني الضحكة حسيت روحي شيخة عشيرة و لـِ لحظة ردت اگله صيحلي شيخة بلعت الضحكة وتحمحمت مبين الموضوع ملطم لان وجوهم ما تبشر بخير:- اسمعكم

- خوينج امان اخذ بنيتنا

قمراء:- يا بنية؟

- اجانه گللنه انه يتيم وماعندي احد وتزوج بنيتنا وتالي ما تالي طلع عنده اهل يسدون عين الشمس متزوج بنيتنا بالسر وشامرلها بشقة شنو بتنا شناقصهاا؟؟ الف واحد يتمناها مو كتل روحه عليها هوه ورايدها خبصنا تالي ما تالي شنوو؟ معاملها معاملة الـ**** ومزوج عليها

قمراء ربطت الموضوع بضي الظاهر شكي جان بمحله خطت استكانتي ورفعتها خليت رجل على رجل وانتجيت اخذت رشفة منها واردفت:- اولاً هوه ما طگكم على ايدك وجبركم توافقون ثانيًا ما شامرها ومعاملها احسن معاملة مخليها على كفوف الراحة والبيت هذا كدام بيتنا حاليًا مكعدها بــي على مايكمل بناء بيته وترتيبة

- ماك...

قمراء:- من رخصتك جاي احجي عيب تقاطع شخص وهوه يحجي انتظرة يكمل واحجي واحنه الكبار جاي نحجي انتَ تكتر على صفحة البنية مرتاحة وي زوجها تحبه ويحبها ليش تردون تخلقون مشاكل گوه؟

- هيه اشتكتلنا

قمراء:- جيد فتحت تلفوني اتصلت عليها وفتحت سبيكر ...

ضي:- ها حبي

قمراء:- ها ضيوش انه قمراء اخت امان وحاليًا اخوانج كاعدين يمي يكولون انتِ مشتكيتلهم من امان وتردين تطلگين صحيح هذا الحجي سكتت انصدمت البنية اكيد نصدمت ببه وانصدمت باخوانها سولفتلي عنهم هيه چلاب ومايخافون الله:- ضـي احجي وياج صحيح هذا الحجي