عَقِيق أحمَر 1729

الحلقة العاشرة🏹♥

عيناه حقًا بالجمال تفردت
وتمرِّدت حتى سُقيتُ هواهُ
عيناهُ ! اللهم فاغفر زلتي
إني فُتنت ولم أتب رباهُ

قمراء  ..

نزل من الاتصال واني صافنه استمرت صفنتي فوك الساعتين وانه افكر بكلامة، كلامه صحيح محد راح يكدر يحميني ويساعدني غيره تنهدت وفركت وجهي كمت فرشت السجادة لبست الحرام نويت استخير وسحبت القرأن فتحته بشكل عشوائي وحسبت ست صفحات باوعت للصفحة ضليت احسب الاسطر وصلت للسادس شفته مكتوب
" تَبَارَكَ الَّذِي إِنْ شَاءَ جَعَلَ لَكَ خَيْرًا مِنْ ذَٰلِكَ جَنَّاتٍ تَجْرِي مِنْ تَحْتِهَا الْأَنْهَارُ وَيَجْعَلْ لَكَ قُصُورًا "

سديت القرأن وبسته خليته يم التربة وتمددت على المصلاية وغمضت عيوني وسرحت بتفكيري فزيت على صوت الاذان كمت صليت خلصت سحبت التلفون واني مرتاحه حيل كتبت مــوافقـة ودزيتها شوي وشافها شمرت التلفون مبتسمه نزعت الحرام ولميت المصلاية سحبت الصبغ وصبغت باقي اظافري   .

قوسق  ..

فاتح تلفوني على قناتها وخاله يم التربة جان تدز رسالة خلت كل حواسي وكلشي بيه يرجف "مــوافقـة" سجدت سجدت شكر وكمت بسرعه شلت السجادة والقرأن بدلت ورحت للمجمع صعدت للمطعم:- صباح الخير

- صباح النور استاذ

قوسق:- تجهزولي 100 طبق ريوك وتطلعون توزعونه على الفقرة

- صار استاذ

قوسق نزلت تفقدت الوضع وطلعت وكفت كدام العمارة انتظر تصير الساعة بالسبعة كعدت اقره قرأن دك المنبه شفتها بالسبعة نزلت بسرعه صعدت فوك فتحت باب الشقة شفتها تلمع مشغلة سورة البقرة بالتلفزيون وخاله على الطبله مبخره:- سُكررة

قمراء:- تعال بالمطبخ انه

قوسق رحت للمطبخ شفتها واكفه تشرب كهوة رحت اخذته منها:- صباح الخير

- صباح النور

- بدلي يلا نروح نعقد

قمراء:- اكمل كوبي مال قهوة اول

- بعدين عود

- تريگني وتشربني كهوة

- صار طلعت باوعت الكوب الكهوة وبديت اشرب منها واني مستلذ رغم مااحبها خلصت وغسلت الكوب رحت كعدت بالصالة انتظرها شوي وطلعت تطكطك بكعبها كالعاده وكفت كدامي تخصرت واردفت  .

- قوس قوس زين وعمتي؟ وامير؟ واهلك؟ شو احنه رايحين سيده

- عادي نگللهم بعدين

- احس فشلة

- ديلاا قبل لا تنسد المحكمه

- ليش راح نعقد محكمة؟

- طبعًا يلاا يلاا امشي بالسيارة نحجي طفت التلفزيون وطلعنه صعدنه بالسيارة مشيت مستعجل  .