عَقِيق أحمَر 1729

الحلقة الثانية🏹♥

‏"لا طاقه لي للكلام،
ولو كان هناك ما هو أهدأ من الصمت لفعلت."

للكاتبة البصـراويـة  ..
عَقيق احمر 17.29
فضلاً وليس امرًا علقوا بين الفقرات وصوتوا♥

اذا كان واتبادكم اسود حولوا ابيض تستمتعون اكثر♥

قوسق...

طلعت ركض للمدرسه وصلت باوعت للساعه جان طاير الدرس الاول تلگاني الحارس .

:- ليش متأخر بابا

:- عمي فدوة مشيها اجاني صوت المدير .

:- قوســــــــــــق تعااااااااال

غمضت عيوني وبلعت ريكي .

بتنهيده:- الله يكون بعونك بوية

مشيت ورجل تقدم ورجل تأخر دخلت للاداره وكفت كدام باب غرفة المدير وهوه كاعد وحاط رجل على رجل...

:- هاي رابع مره قوسق

سكتت مدنك:- اسف استاذ

:- ايدكككك بسرررعه

مديت ايديه اخذ الخشبة وضل يضرب عليهن ايديه خدرن كمت مااحس بيهن .

:- روح لصفكككك يلااااااااااا وتعااال متأخر باجرر وشوووووف

طلعت رحت صعدت فوك جان اكو ممر مهجور بي صفين رحت دخلت الواحد من الصفوف كعدت بالزاوية باوعت الايدية حمر ويرجفن غمضت عيوني وحضنت جنطتي واني كلي ارجف ضليت اتمتم بـ "ادركني ياعلي ادركني" فزيت على ايد كضت ايدي رفعت راسي شفته وقاص حط مرهم على ايدي ودهنها وشدها اخذ ايدي الثانية حط عليها مرهم وضل يدهنها .

وقاص:- متاذي؟ رفع راسه وباوعلي وعيونه دم .

باوعت الايديه ورجعت باوعتله:- لا عادي تعودت شعدك هنا؟ ليش مو بالدرس؟

وقاص:- مادارس وطردني الاستاذ

هزيت راسي كمل لف ايدي واجه كعد يمي شبگني واردف .

وقاص:- لا تضوج خويه

دفعته:- وثول حتى ثول جم مره گايلك لا تلزمني

وقاص:- مو صوجك بالعباس صوج الي يواسيك

:- محد گايلك واسي حضنت رجلي وضليت اباوع بالفراغ:- وقاص وره المدرسه اروح اسوك تجي وياي؟

:- شتسوك

:- ارد اجيب جوز وفستق وكاجو ومشمش مجفف وفراوله امي مشتهيتهن

:- منيلك فلوس؟

:- استلمت اسبوعيتي

:- وشعجب ابوك يخليها الك

:- انطاني سبعين فـ كلت للمقاول اذا يسأله ابوي يگله انطيته خمسين

:- خوش