عَقِيق أحمَر 1729

الحلقة الثلاثون🏹♥

لَهُم حوائِجهم و حَاجَتِي أربَعِينك يَاحُسَيْن"
أيخيبُ مُشتاقاً طرّق بابك .. يا حبيب

قمراء ...

حسيت بايد كضت عكسي وضغطت علي نترت ايدي بسرعة ..

قوسق:- اسم الله شبيج

ارغد:- امشي كدامي احجي وياج

- الله يخرعكك ادبسززز هيه هاي سواية

ارغد:- امشي كدامي لا حظج اطيحه

قوسق:- هوووب هوووب شنوو خوية خيركك شنو هل اسلوب

ارغد:- انتَ رجاءً لا تدخل مشكلة بيني وبين اختي

قوسق:- ادخل وغصبنًا عليك اذا هيه اختك فـ هيه زوجتي ومااقبل واحد يحجي وياها بهل اسلوب ا....

قمراء جان حاطني بظهره وكاض ايدي عاصرها ويحجي بحرگه نسيت احنه بشارع ونسيت كلشي طبعت قُبلة على ظهره دار باوعلي مصدوم انتبهت لتصرفي بعدت عيوني ووجهي صار احمر:- احمم قوس ميخالف ماصار شي نحجي بالفندق ارغد

وقاص:- ها واكفين بالباب شعدكم؟

ارغد:- قمراء يلا

قمراء تركت ايد قوسق ورحت ويا صعدنه فوك للمطعم سحبت كرسي وكعدت:- اي اسمعك شنو هذا التصرف وهذا الاسلوب عيب ترى بالعباس عيب هيج تحجي وياي كدام قوسق اذا يشوفك انتَ مامحترمني وتحجي وياي بهل اسلوب شلون هوه يحترمني؟ لو غير قوسق جان مابقى يحترمني ويستصغرني

ارغد:- ليش هيج تحجين وي امي

قمراء:- ماحاجيه شي

ارغد:- ياماحاجيةة خابرتني تبجي تكول ردت احجي وياك اسأل عنكم واكلك تندمت مااعوفكم ردت علي تفشر وتغلط وتگلي عوفي اخوي ولا تجين مايردوج ليش هيج قمرااء تررى تبقى امي حقدج عوفيي

قمراء:- تدري شنووو؟ مُشكلي گـ*** بت گـ*** مااتوب منك بس ياارغد وحك هذاا الحسين لساني مايخطي لسانك ورجلي ماتعتب بيتك كمت خليت ايدي على الميز دنكت علي وگلت:- تدري خابرت شتريد؟ تريد منك خمس ملايين لعرسها كالت انه صارلي سنين دافنه نفسي علمودهم هذا الكلام لا جابت طاري الاشتياق ولا جابت طاري الرجعة ضل ضللل حاطتك وتسوگ علييك يطبكك طوووب مالي علاقة بيك

اريان:- ماما شنو صاير

قمراء:- ماصاير حبيبي وين قوسق؟؟

اريان:- طلع هوه ووقاص

قمراء:- تعال وياي كضيت ايده واخذته ونزلت دخلت لغرفتي نومت الحر نزعت عباتي وبدلت طلعت خليته بحضني وسويتله ممه:- اكعد كدامي

اريان:- شنو صاير منو تسوگ على ارغد وليش هيج حجيتي ويا

قمراء:- البارحة كسرت شريحتك حتى لا تحجي وي امك